إعـــــــلان

Collapse

.

,
See more
See less

ذكاء هند !! ( قصة جميلة أعجبتني )

Collapse
X
 
  • Filter
  • الوقت
  • Show
Clear All
new posts

  • ذكاء هند !! ( قصة جميلة أعجبتني )


    ذكاء هند زوجة الحجاج


    تزوج الحجاج بن يوسف الثقفي امرأة اسمها هند رغما عنها وعن ابيها ، وبعد مرور سنة جلست هند امام المرآة تندب حظها وهي تقول :
    لله دري مهرةُ عربية عُمِيت بليل إذ تَفخدها بغلُ.
    فان ولدت مهراً فلله درها .. وان ولدت بغلا فجاء به البغل ُ
    ( أي بالبلدي كده لو جابت عيل وطلع حلو فده لأن امو فرسة حلوة ولو طلع ابنها وحش ومعفن فده لأن أبوه جحش هههه)
    فسمعها الحجاج فغضب.....
    فذهب الى خادمه وقال له اذهب اليها وبلغها اني طلقتها في كلمتين فقط ، وإن زدت ثالثة قطعت لسانك . واعطها هذة العشرين الف دينار
    فذهب اليها الخادم فقال ( كنت ـ فبنت) كنت يعني كنت زوجتة فبنت يعني أصبحت طليقته.
    ولكنها كانت أفصح من الخادم فقالت:
    كنا فما فرحنا وبنا فما حزنا وقالت : خذ هذه العشرون ألف دينار لك بالبشرى التي جئت بها .....
    وقيل أنها بعد طلاقها من الحجاج لم يجرؤ أحد علي خطبتها ..وهي لم تقبل بمن هو أقل من الحجاج.....فاغرت بعض الشعراء بالمال ..فامتدحوها وامتدحوا جمالها عند عبد الملك بن مروان....فاعجب بها
    وطلب الزواج منها وارسل الى عامله علي الحجاز ليخَبرها له ..أي يوصفها له...فارسل له يقول أنها لا عيب فيها ... فخطبها فوافقت وبعثت اليه برسالة تقول :
    اوافق بشرط أن يسوق راحلتي من مكاني هذا اليك في بغداد الحجاج نفسة فوافق الخليفة .
    ( شوف ياخي كيد النساء عاوزة طليقها هو الي يوديها لجوزها الجديد )
    فبينما الحجاج يسوق الراحلة اذا بها توقع من يدها دينار فقالت للحجاج :
    يا غلام لقد وقع مني درهم. فأخذه فقال انه دينار يا سيدتي فنظرت اليه وقالت : الحمد لله الذي ابدلني بالدرهم دينارا.ففهمها الحجاج وأسرها في نفسه ...اي انها تزوجت خيرا منه .

    ويقال انه عند وصولهم تاخر الحجاج في الاسطبل بينما الناس يتجهزون للأكل فاذا بالحجاج لم يكن حاضرا فارسل اليه الخليفة ليطلب حضوره للاكل . فرد عليه نحن قوم لاناكل فضلات بعضنا.
    وقيل أنه قال ربتني أمي على ألا آكل فضلات الرجال!!!!
    ( أووووووبه وقع في الغلط ، بيرمي كلام الأخ ، انو االملك اتجوز وحده طلقها ورماها )
    ففهم الخليفه وأمر أن تدخل زوجته بأحد القصور ولم يقربها إلا أنه كان يزورها كل يوم بعد صلاة العصر ...
    فعلمت هي بسبب عدم دخوله عليها ..فاحتالت لذلك..
    ( أحتالت لذلك يعني خطط ودبرت وتك تكتت )
    وامرت الجواري أن يخبروها بقدومه لأنها ارسلت اليه أنها بحاجه له في أمر ما
    فتعمدت قطع عقد اللؤلؤ عند دخوله...
    ورفعت ثوبها لتجمع فيه اللآليء...فلما رآها عبد الملك...أثارته روعتها وحسنها وحزن لعدم دخوله بها لكلمة قالها الحجاج..
    فقالت وهي تنظم حبات اللؤلؤ....سبحان الله..
    فقال عبد الملك مستفهما: لم تقولين سبحان الله.....
    فقالت :أن هذا اللؤلؤ خلقه الله لزينة الملوك..
    قال نعم ..
    قالت : ولكن شاءت حكمته ألا يستطيع ثقبه إلا الغجر...
    فقال متهللا .نعم والله..صدقت
    قبح الله من لامني فيك...ودخل بها من يومه هذا .
    فغلب كيدها كيد الحجاج

    وتوته توته خلصت الحدوته حلوة ولا مبتوته
    ايه رأيكم في القصة دي !!!!
    me_medoo

  • #2
    دي سمات النساء
    rompo10

    Comment


    • #3
      ترجمة القصة للي مفهمش :
      ان كان في وحده حلوة اسمها هند اتجوزها واحد اسمو حجاج ... غصب عنها وعن الي خلفوها بحكم منصبو
      المهم ياسيدي وهيا قاعد في اوضتها وقاعده قدام المرايا بتسرح شعرها وقاعد تقول لنفسها. ياختي على جمالي وجمال أمي
      بقه معقولة القمر ده يتجوز الراجل المعفن ده ؟؟؟؟
      طيب انا لو خلفت عيل لو طلع العيل قلو فلأن مماتو حلوة !!
      ولو طلع العيل بشع ومش حلو فدة لان ابو ووحش
      المهم مين سمعها جوزها
      فراح اتنرفز وناده على السكرتير بتاعو وقالو روح قلها اني طلقت بنت التيت دي بالتلاته
      وخود كمان القرشين دول ارميهملها في وشه وقلها تغور من القصر
      وراح الخادم قالها ستي ستي سعت الباشا بيقلك انتي طالق منو بالتلاته
      وبيسلم عليكي وبيقولك خودي القرشين دول وغوري في ستين داهية
      المهم راحت هند قالت : هو قالك كده ياسيدي بركة يا جامع ده يوم المنى اني اتطلقت
      وخلي القرشين دول ليك حلاوة البشارة هات بيهم حاجه حلوة للعيال
      المهم باه ياسيدي ، كل مايتقدملها عريس ترفضو لانها عاوزة تتجوز سيد سيد الحجاج
      وراحت جمعت الشعراء وابتدت تبيع في سيغتها وتديلهم علشان يقولوا فيها شعر. وغزل
      وكان سعتها الملك عبدالملك سمع الشعراء وهما عمالين يتكلمو عنها وعن جمالها
      ويقلولك عليها دي حتت دين بت انما ايه عسل والله عسل
      فراح بعت واحد علشان يخطبهالو
      المهم هيا وافقت بس بشرط ان الحجاج الي شغال عندو هو الي يسقلها العربية. بتاعت القافلة ويفتحلها الباب بتاع العربية كمان
      طليقها السابق !!!! ويزفها كمان
      المهم وهما ماشين. والحجاج سايق ياسيدي القافلة رمت ورقة بمية على الارض. وقالت للحجاج ناولني يبني الجنية الي وقع مني على الارض قام الحجاج قلها لأ ده مش جنيه دي ورقة بمية قالتلوا طيب خليها علشانك بقشيش والحمدالله ان ربنا عوضني وادالي بدل انيه ورقة بمية ههههههه قصدها عليه انو هو ورقة بجنيه وعبدالملك ورقة بمية

      المهم لمن وصلو الزفة. وهما في الفرح وفتحو البوفيه عبدالملك بيسئل عن السواق فين علشان يجي ياكلو لقمتين قبل مالناس تخلص الغدى ، فراح السواق قال الحمدالله امي قالت لي متكلش بواقي حد
      يعني بيلقح بالكلام ان دي كانت طليقتو. وتعتبر بواقي وانو رماها. وانتا جي تاخود البواقي بتاعتو
      المهم باه ياسيدي عبدالملك شال في نفسيتو قوي. ومقربش من مراتو خالص
      فلمن زمرده. لا لا قصدي هند. سمعت وعرفت ايه السبب ان جوزها مبيقربش ليها
      فراحت قالت للخدامة طيب روحي ابعتيلو قليلو ستي عوزاك
      وبقيت القصة اعتقد واضحه.
      القصد من الحكاية شوف دهاء النساء وذكائهم. وكيدهم
      والقصد كمان ماينفعش تروح تتجوز. واحد كانت طليقت واحد صاحبك او خطيبت. حد تعرفو علشان الموضوع ده ميأثرس على العلاقة الطيبة الي بينكم. .... إنشالله تكون عجبتكم القصة ،.... وتحياتي
      me_medoo

      Comment


      • #4
        المشاركة الأصلية كتبت بواسطة rompo10 مشاهدة المشاركة
        دي سمات النساء
        ههههههههه حبيبي. راميو مش كلهم. ، لان اغلبهم دلوقتي عندهم سنة هطل ولسعة كده في المخ ههههههه، بس لو كانت المرأة ذكية. يالهوووووي اجارك الله. تخليك تمشي تكلم نفسك ههههههه وتحياتي حبيب قلبي
        me_medoo

        Comment


        • #5
          أي مصيبة وراها ست :)))

          Comment


          • #6
            لأ صايعة

            Comment


            • #7
              المشاركة الأصلية كتبت بواسطة hondawy_2008 مشاهدة المشاركة
              أي مصيبة وراها ست :)))

              ههههههههه ما انتا عندك ابسط مثال حسني والعيال اتحبسو. وطنط سوزي قاعده في البيت متستته ههههههه فعلاً أمرئة هزت عرش مصر


              المشاركة الأصلية كتبت بواسطة mailo مشاهدة المشاركة
              لأ صايعة
              هههههههههه ماهو الي اجوزها غصب عنها وعن ابوها ، وعلى فكرة الحجاج ده بيقولوا عليه كان سفاح وكان قوزعة كده قزم وكان دميم الخلقة يعني شكلو. كده من الاخر حاجة تقرف ههههههه وتحياتي
              me_medoo

              Comment


              • #8
                زمان. كان الحج جابلي عروسة ، لكني رفضتها جه مفيش شهر لقيت ابن عمي بكل بجاحة جي يقولي ها عاوزها ولا اخودها انا ، فانا استغربت من كلامو. ، بس استهبلت وقلتلوا ياسلام ده انتا لو عاوزها متغلاش عليك وخدها ووصل تمنها كمان وأوصلهالك لباب البيت ، وقلتلوا : متغلاش عليك يا عبد ،....
                وكانت نيتي سليمة أن ليه لأ. ابن عمي. برضو مهما كان وهو طالب الحلال
                المهم ياسيدي وعدت الايام وانا كمان اتستت واتجوزت وخلفت بس ولقيت المشاكل بني وبين ابن عمي على ودنها ، والعلاقات اتفتت. واتفاجئة. ان مراتو ورى كل زعل بيني وبين ابن عمي اتاريها الست هنام أزاي وأزاي ارفضها بسلامتي ، وقاعدالي على الوحده بسلامتها وما تصدق تضربني زومبة سواء عند ابن عمي ولا عند مراتي.
                صحيح هيا برج العقرب وفعلاً هيا عقرب بس ياريت الناس تاخود العبرة. وتحياتي.
                me_medoo

                Comment


                • #9
                  بس دي فصيله نادره جدا
                  [RIGHT][B][I]Mohamed Samir[/I][/B]
                  :sleeping:
                  [CENTER]'
                  [/CENTER]
                  [/RIGHT]

                  Comment


                  • #10
                    ولماذا صبر على الفضلات

                    Comment


                    • #11
                      ولنا عبرة في مسلسل كيد النسا

                      مسلسل جامد فيه كل العبر

                      Comment


                      • #12
                        المشاركة الأصلية كتبت بواسطة me_medoo مشاهدة المشاركة
                        ترجمة القصة للي مفهمش :
                        ان كان في وحده حلوة اسمها هند اتجوزها واحد اسمو حجاج ... غصب عنها وعن الي خلفوها بحكم منصبو
                        المهم ياسيدي وهيا قاعد في اوضتها وقاعده قدام المرايا بتسرح شعرها وقاعد تقول لنفسها. ياختي على جمالي وجمال أمي
                        بقه معقولة القمر ده يتجوز الراجل المعفن ده ؟؟؟؟
                        طيب انا لو خلفت عيل لو طلع العيل قلو فلأن مماتو حلوة !!
                        ولو طلع العيل بشع ومش حلو فدة لان ابو ووحش
                        المهم مين سمعها جوزها
                        فراح اتنرفز وناده على السكرتير بتاعو وقالو روح قلها اني طلقت بنت التيت دي بالتلاته
                        وخود كمان القرشين دول ارميهملها في وشه وقلها تغور من القصر
                        وراح الخادم قالها ستي ستي سعت الباشا بيقلك انتي طالق منو بالتلاته
                        وبيسلم عليكي وبيقولك خودي القرشين دول وغوري في ستين داهية
                        المهم راحت هند قالت : هو قالك كده ياسيدي بركة يا جامع ده يوم المنى اني اتطلقت
                        وخلي القرشين دول ليك حلاوة البشارة هات بيهم حاجه حلوة للعيال
                        المهم باه ياسيدي ، كل مايتقدملها عريس ترفضو لانها عاوزة تتجوز سيد سيد الحجاج
                        وراحت جمعت الشعراء وابتدت تبيع في سيغتها وتديلهم علشان يقولوا فيها شعر. وغزل
                        وكان سعتها الملك عبدالملك سمع الشعراء وهما عمالين يتكلمو عنها وعن جمالها
                        ويقلولك عليها دي حتت دين بت انما ايه عسل والله عسل
                        فراح بعت واحد علشان يخطبهالو
                        المهم هيا وافقت بس بشرط ان الحجاج الي شغال عندو هو الي يسقلها العربية. بتاعت القافلة ويفتحلها الباب بتاع العربية كمان
                        طليقها السابق !!!! ويزفها كمان
                        المهم وهما ماشين. والحجاج سايق ياسيدي القافلة رمت ورقة بمية على الارض. وقالت للحجاج ناولني يبني الجنية الي وقع مني على الارض قام الحجاج قلها لأ ده مش جنيه دي ورقة بمية قالتلوا طيب خليها علشانك بقشيش والحمدالله ان ربنا عوضني وادالي بدل انيه ورقة بمية ههههههه قصدها عليه انو هو ورقة بجنيه وعبدالملك ورقة بمية

                        المهم لمن وصلو الزفة. وهما في الفرح وفتحو البوفيه عبدالملك بيسئل عن السواق فين علشان يجي ياكلو لقمتين قبل مالناس تخلص الغدى ، فراح السواق قال الحمدالله امي قالت لي متكلش بواقي حد
                        يعني بيلقح بالكلام ان دي كانت طليقتو. وتعتبر بواقي وانو رماها. وانتا جي تاخود البواقي بتاعتو
                        المهم باه ياسيدي عبدالملك شال في نفسيتو قوي. ومقربش من مراتو خالص
                        فلمن زمرده. لا لا قصدي هند. سمعت وعرفت ايه السبب ان جوزها مبيقربش ليها
                        فراحت قالت للخدامة طيب روحي ابعتيلو قليلو ستي عوزاك
                        وبقيت القصة اعتقد واضحه.
                        القصد من الحكاية شوف دهاء النساء وذكائهم. وكيدهم
                        والقصد كمان ماينفعش تروح تتجوز. واحد كانت طليقت واحد صاحبك او خطيبت. حد تعرفو علشان الموضوع ده ميأثرس على العلاقة الطيبة الي بينكم. .... إنشالله تكون عجبتكم القصة ،.... وتحياتي

                        هههههههههههههههههههه ... ده انت بوظت اللغه العربيه خاااالص.

                        لا بس ترجمه جامدة جدا صراحه :-)
                        [CENTER][B]القران الكريم بجودة صوت عاليه جدا[/B]
                        http://www.nilemotors.net/Nile/230790-a.html[/CENTER]

                        Comment


                        • #13
                          ان كيدهن عظيم
                          ربنا عظم كيد النساء هنيجى احنا جنبهم ايه دة احنا غلابة

                          Comment


                          • #14
                            الشيطان تلميذ المرأه

                            Comment


                            • #15
                              المشاركة الأصلية كتبت بواسطة ninevision مشاهدة المشاركة
                              ولماذا صبر على الفضلات
                              هههههههه سؤال وجيه البت حلوة يا جدع ، وكمان بعد ماعمل زفه جامده الناس كلها حلفت بيها يقوم يطلقها ويخلي الناس تشمت فيه وتبقى سيرتو على كل لسان

                              فكرتني. مره بحكي حكايه لعيالي المهم فبحكلهم عن الشاطر حسن وزمورده كل ما احكيلهم كلمه ابص الاقيهم بابا بابا هو في وحده اسمها زموردة يااااه ده اسم قديم قوي. ، شوية نخش على بساط الريح بتاع السيندباد. بابا بابا هو ليه انتا مسمنتنيش سندباد ههههههه اقلوهم يعني زموردة اسم قديم وسنديباد الي جديد شوي نخش على البساط السحري. هو يعني ايه بساط اقلهم دي سجادة صلى يا حبيبي. بس بتيطر ، بابا بابا هو في سجادة صلى بتطير. طيب هيعرفو يقعدو عليها ازاي وهيا سيبة اقوم متنرفز منهم واقولهم قوم ياد نام وانتا هي انا غلطان اني بحكيلكم حكاية هههههههههه
                              me_medoo

                              Comment

                              Working...
                              X