سؤال لكل رجاله المنتدي...تعمل ايه لو واحده عكستك !!!!!!

[korkor]

أنا أكبر دليل لفشل النظريه دي
انا شعري بيتحلق على 1 (ميري)
ولبسي كله محترم (مبرضاش البس التشيرات الرجالي الي لونها مايع حتى ولا البنطلونات الجينز السليم ومعظمهم straight مش عاديين حتى)
عمري ما لبست سلسله ولا غويشه ولا الكلام الي ملوش لزمة ده (فتره بسيطه كنت لابس خاتم فضي في إسود وشبه الدبله وكان ايام ثانوي)
بلعب رياضة من وانا صغير (مليش في السنكحة)
وطالب في هندسة

وبالتالي النظريه دي فاشله

النظريه فاشله علشان الجمله دى طالب فى هندسه بيبانوا الهم بيبقى بينط من عينهم وماشيين بيكلموا نفسهم

[maryano]

هماااا بتوع هندسه كدة مظلومين خمس سنين بيلفو حولين نفسوهم لماا بيسمعوو الحاجات دي اكنهم بيسمعو عن بلد تانيه

[yoko]

هماااا بتوع هندسه كدة مظلومين خمس سنين بيلفو حولين نفسوهم :u_thin1[1]: لماا بيسمعوو الحاجات دي اكنهم بيسمعو عن بلد تانيه

ما قولنا الفكره دي غلط واثبتت فشالها بجدارة وانا الدليل

[maryano]

انتاااا برنس يا باشاااا انا كنت هندسه مدني كل الدفعه تقريبااا ولااد و لااا حد كلمني ولااا كلمت حد هي الحكايه كلهااااا ان الواحد مستغرب انهاااا وصلت لمعكسات و كدة و الواحد مسمعش عن كدة ابداااا

[yoko]

ههههههههههه لأ ما أكيد الي حصل ده بره الكليه كليتنا دي أستغفر الله العظيم
على رأي واحد من بتوع أمن الجامعة كان بيقولنا الكليه دي فيها رجاله ورجاله قوي وإنتم الرجاله هههههههههه

[ibn_seena]

امال الواحد يعمل ايه بقى
لما انتو هندسه 5 سنين وزعلانين
اعمل ايه انا في 7 سنين طب
و3 جيش
اموت نفسي
لا وايه البنات اللي معانا حاجه ايه . لما تقعد جنبك تحس انها زي اخوك ههههههه اه والله

[ahmad--ezzat]

ههههههههههههههههههههههههه

[yoko]

امال الواحد يعمل ايه بقى
لما انتو هندسه 5 سنين وزعلانين
اعمل ايه انا في 7 سنين طب
و3 جيش
اموت نفسي
لا وايه البنات اللي معانا حاجه ايه . لما تقعد جنبك تحس انها زي اخوك ههههههه اه والله

والله ما فارقة انا مش عارف مين الي مفهمكوا إن هندسه 5 سنين دي!!!!

[ibn_seena]

والله ما فارقة انا مش عارف مين الي مفهمكوا إن هندسه 5 سنين دي!!!!

والله على حسب ما انت عاوز
ممكن توصل ل8 .ههههه كل واحد وشطارته

[yoko]

والله على حسب ما انت عاوز
ممكن توصل ل8 .ههههه كل واحد وشطارته

كليتنا لازم 98% من الي يتخرجوا منها يتعلم عليهم يا بشيل سنه يا الاحسن شويه يشيل مواد (مش ماده)
يا لو دحيح قوي ودايما جيد جدا وبتاع يجي في سنه تانيه يبقى هيقع من الفرحة إنه جاب مقبول في نص المواد وإنه مشلش

نتيجه سنه تانيه سقوط 55% نجاح بماده أو إتنين 40% و5% صافي
وده كل سنه في نتيجه تانيه في معظم الأقسام

[ahmad--ezzat]

انا كنت هندسه وشايل سنتين...منهم لله بقا ال...... وال......
...بس الحمد لله معنديش جيش

[yoko]

قولي قسم إيه وانا أقولك انهي سنتين

[ahmad--ezzat]

هههههههههه مدني يا معلم

[yoko]

وقعدت سنتين بس؟

[Ahmod]

وقعدت سنتين بس؟

انا مقدر صعوبة الهندسة بس يا كبير مهما كان مش هتبقى زي الطحن اللى احنا فيه

يمكن اللى مسهل على الواحد حبتين انه في جامعة خاصة لكن عندنا مواد طحن السنين والايام وكل حاجة مش ممكن تتخيل

الحمد لله ان الواحد خلاص خلص وارتاح من المذاكرة كانو 5 سنين مايعلم بيهم الا ربنا