اتجوزت تقليدي وصالونات.ولا عن حب..وايه رايك مين فيهم اللي ناجح اكتر.

[i_Am_Legend]

يارجالة انا بقالي شهر كل اسبوع حد يجيبلي واحدة .اروح اشوفها واقعد ومابتعجبنيش.وبمشي!.انا كنت بحب واحدة زمان واتخطبنا!بس ماحصلش نصيب.ومن ساعتها ماحبتش تاتي! ومقضيها صالونات.اما زهقت.وبصراحة حوار الصالونات دة محرج جدا جدا. وانا ببقي قاعد وشي جايب الوان الطيف!

[Screenplays]

الاتنين زفت بالزنجبيل

[i_Am_Legend]

هههههههههههه.حبيبي يا سكريين.

[Screenplays]

هههههههههههه حبيبي صدقني فكك من حوار الجواز ده و حافظ علي صحتك عشان متحتجش لحد لما تكبر

[amr.elsayed]

دة انت وقعت بلسانك اهو ... انسى حبك القديم الاول وبعد كدة فكر تتجوز
مش علشانك لأ .. علشان حرام تتجوز واحدة وتعلقها بيك وانت قلبك متعلق بواحدة تانية .. حتى لو كان فى خيالك
حاول تنسى وماتعيش نفسك فى الاوهام علشان حتتعب ومافيش حد حيخسر غيرك انت والانسانة اللى حتتجوزها
حبيبتك القديمة زمانها دلوقتى عايشة حياة تانية ومش بتفكر فيك .. فانت طلع من دماغك وابدأ من جديد افضل
ودى نصيحة من اخوك وبلاش تعمل على نفسك ضغط كدة بسبب الموضوع دة .. اعطى نفسك فرصة تلاقى الانسانة اللى تتعلق بيها
وربنا يرزقك بالزوجة الصالحة

هههههههههههه حبيبي صدقني فكك من حوار الجواز ده و حافظ علي صحتك عشان متحتجش لحد لما تكبر

حبيبى صدقنى احنا حنعنس على ايدك

[mr_safwt]

بص روح سيتى استارز نقى من هناك
انا امبارح كنت هناك بس مقدرتش استحمل اكتر من ربع ساعة لان لو فية حفلة سوارية البنات مش هتكون بالاشكال دية انا مش فاهم الرجالة حصلها اية عشان يسيبوهم ينزلوا بالشكل دة انا متهيلىء ان بنات الليل بيلبسوا محترم عن اللى شفتة امبارح
حتى واحد صاحبى كان معايا هناك قالى لازم نمشى حالا واسف فى اللفظ لان (المزز توحشت)

[moody_687]

مزز الثورة البنات انفجرت بعد الثورة مش قبلها

[Ghosts]

فى الأول والأخر دة نصيب ....
الحاجات دى ملهاش قواعد عشان نمشى عليها ....

يعنى ممكن أتنين يتجوزوا بعد قصة حب رهيبة و بعد كدة يطلقوا فى أقل من سنة ....
وممكن أتنين يتجوزوا جواز صالونات و الجوازة تنجح و الأتنين يحسوا أنهم مايقدروش يستغنوا عن بعض أبدآ ....

[Screenplays]

حبيبى صدقنى احنا حنعنس على ايدك

ههههههههههههههههههه يا باشا لفظ العنوسه ده بيتقال علي الحريم مش علينا و بعدين لما "تعنس" علي ايدي مش احسن لما تخش في حيطه علي ايد حد تاني ؟

[wael30003]

اقولك حاجة خليك كده احسن
اللى يحبك يقولك خليك كوووووووووول

[ahmad--ezzat]

هههههههههههه حبيبي صدقني فكك من حوار الجواز ده و حافظ علي صحتك عشان متحتجش لحد لما تكبر

نت كاره الجواز ليه بس يعم ههههههههههه اصل الصياعه ضد الدين والواحد مش عايز يروح سكه غلط عشان ربنا يرضي عنه...لا حل سوي الزواج يا اخ مرجان

[factorialx]

و الله أنا محتار جداا

كان في تجربة صالونات كنت كويسه في الأول بس فشلت فشل ذريع
و كرهت جواز الصالونات جداااااااااااااااا بعدها

و في نفس الوقت مش عايز أعرف واحده و أحبها لأني معتقد اشد الإعتقاد أن ده جواز مافهوش بركه لأنه الحب خارج إطار الخطوبة أو الزواج حرام و ده شئ أكيد
و لأني شفت جوازات فاشله و كانت عن حب و تضحية من الطرفين و إنتهت بالطلاق أو مشاكل كتير

بس جواز الصالونات ده حظ و عقبال ما بتفهم بالنت و تبانلك على حقيقتها أو أهلها اللي يبانو بيبقى الموضوع صعب

و في الآخر قررت تأجيل الموضوع ده تماما

[Esam Mosaad]

اقولك على جاده انا زيك بس مجربتش اروح صالونات رغم انى عارف ان ديه اخرتى رغم انى فعلا مش حابب تكون ديه اخرتى كان نفسى اكون فعلا مخترها وبينا حب بما لا يخالف شرع الله طبعا
بس ارجع واقول كل شىء نصيب

بس نصيحه لوجه الله حاول تنسى خطبتبك القديمه قبل اى شىء لانى حاسس انك بتعمل مقارنه حتى لو مش بكامل المعنى بس انت ديما بيجى فى دماغك خطبتبك وان ديه مش زيها او اقل او مفهاش وديه مشكله ممكن تبقى البنت فعلا كويسه بس لاتهف الاسباب بترفض لانك عاوز خطبتبك ومش شايف غيرها رغم انها ممكن تكون اتجوزت

ومش معنى انك اترفض او رفضت يعنى انتوا وحشين لا كل واحد فيكوا كويس بس مفيش نصيب
ان شاء الله ربنا هيكرمك بس حاول تاخد وقت مع نفسك ان يكون فعلا عندك استعداد انك تتجوز
ويبقى عندك سعه صدر اكبر من كدا

[amr.elsayed]

ههههههههههههههههههه يا باشا لفظ العنوسه ده بيتقال علي الحريم مش علينا و بعدين لما "تعنس" علي ايدي مش احسن لما تخش في حيطه علي ايد حد تاني ؟

يااا رااجل دة انت قديم اوي
ذلوقتئ بقى فيه مساواه إو بمعنى أصح إلرجالة بيحاولوا يتساوا مع الستات
عموما بكرة نقعد على الحيطة ونسمع الظيطة ونشوف الفار بيمشي على ديله

[dr.hazem]

لا صالونات ولا حب

قطيييييييييييعه