أعمل اية معاها

[mad_about_u]

السلام عليكم عاوز مشورة ضروري من الاخوة العضاء هنا
فية واحدة انا بحبها جدا جدا جدامن فترة اكتر من سنتين وفاتحتها في موضوع خطوبة وكدة لكن انا عملت مشكلة معاها وقالت ليا ان الموضوع انتهي وانها مش شايفاني انفع زوج ليها وان كل اللي بينا انتهي بس انا متمسك بيها جدا حاولت اعتذر ليها اكتر من مرة لكنها رفضت وقالت انا وهيه مننفعش مع بعض
اقول ليها اية انا متمسك بيها جدا وبحبها جدا جدا جدا اتصرف ازاي ؟؟؟؟؟؟؟

[rompo10]

مش عارف اقولك ايه بجد شوف حد وسيط بينك وبينها

[Amrgamal1]

انساهم تلاقيهم ورا ضلك ماشيين

[Hondawy_2008]

يا راجل ايه اللي أنت بتقوله ده مفيش واحدة تستاهل الذل اللي أنت بتعمله في نفسك ده !!!! أبعد عنها هتجيلك تجري معلش هقولك جملة واحدة بس " استرجل و اشرب بيريل " و لو مقدرتش الهوب هووب متخليش الدمعة تفر

[medoghaly]

ابعد عنها احسن الموضوع مش مستاهل ذل من اولة امال لو اتجوزتو هتعمل فيك اية !!!!!!!!!!!!

[mad_about_u]

اصلي الصارحة برتاح ليها جدا والفترة اللي هية بعيدة عني فيها بكون متضايق اوي وبعدين انا حاسس انها انسانة كويسة وقلبها طيب لكني مستغرب هية عملت لية كده ومش راضية تقبل مني اي كلام

[Screenplays]

يعني حصل بينكوا كونفليكت و هي رافضه تسمعك اصلا يبقي متمسك بيها علي اساس ايه ؟ و النبي لو جوردانا بروستر شخصيا عملت معايا كده هديها الطريحه و هتاخد من المنقي يا خيار ... احنا رجاله يا جدعان في ايه ؟

يا راجل ايه اللي أنت بتقوله ده مفيش واحدة تستاهل الذل اللي أنت بتعمله في نفسك ده !!!! أبعد عنها هتجيلك تجري معلش هقولك جملة واحدة بس " استرجل و اشرب بيريل " و لو مقدرتش الهوب هووب متخليش الدمعة تفر

هههههههههههههههههههههههه بتاخد الكلام من علي لساني

ابعد عنها احسن الموضوع مش مستاهل ذل من اولة امال لو اتجوزتو هتعمل فيك اية !!!!!!!!!!!!

و لسه

[khaled_yassin]

فكك منها خخخخخخخخخخخخخخخخخالض واديها التنفيض المحترم

[شريف]

واضح من اليوسر نيم بتاعك انك مش هتسمع الا كلامك انتي و بس

[TFSI]

سيبك منها ما تستاهلش زى الناس ما قالت لك ولو عايز تتأكد إنها ما تستاهلش راقبها كويس وهاتلاقى مفاجأة

[shaddadfalcon1]

زي ماهي قالتلك بالظبط
ابعد عنها وفكك منها ومينفعش تذلل لواحده ست

لو هي عايزاك كانت اتمسكت بيك لو ايهه حصل

البنات اليومين دوول بيعادو اهاليهم وبيعملو المستحيل عشان اللي بيحبوه ودي رافضاك يبقي اساسا مكنتش بتحبك من الأول والبنات مش بتنسي بسهوله قوي كده يعني

[ainshouka]

لو انت ناوى على الجواز بجدية فانجز فى الموضوع دا ............. سنتين كتير جدا من غير مايكون فيه جدول عملى عشان تتجوز فيه


ممكن تكون حاسة ان الارتباط دا مينفعش يستمر بالشكل دا طالما مش شايفة اى جدية فى الجواز


لو انت واخد الموضوع بجدية ........ يبقى تتكلم معاها فى قاعدة جد وتعرف الاسباب اللى مخلياها تقول الكلام دا

لو مستمرة على موقفها .......... خلاص يبقى الموضوع اتحدد خلاص

ومتحطش فى دماغك انك مش حتقدر تعيش من غيرها

دا بيبقى احساس فقط بيروح مع مرور الايام

والا لو كان دا صح مكانوش اهالينا استمروا فى جوازاتهم حتى الان

[megamoudy]

نفضلها ........... ومات الكلام

[Mostafa.Mahran]

هو شوية وقت و هتنسى و لما تفكر فيها تبقى افتكر الكلام الى قالتهولك و ساعتها هتبدا تلاقى لنفسك مبرر انك تنساها

[nonia]

اعتقد انها كانت صريحة معاك ... والموضوع بالنسبالها منتهي
وواضح ان الموقف اللي حصل غير رايها فيك او في الموضوع ككل