شكر ... و تقدير .. و عرفان ...

[hosamsief]

الى الساده الكرام ... القائمين على هذا الصرح العظيم ... منتدى نايل موتورز .. اسرة واحده ... يجمعها الحب و الايخاء و التعاون و المحبه الخالصه لوجه الله تعالى ... اتقدم بعميق شكرى و تقديرى ... للادارة ... و طاقم المراقبين و المشرفين ... مرورا بالاعضاء الكرام ... على تكريمى ضمن افضل الشخصيات الاجتماعية فى هذا المنتدى .
و لم اكن اتوقع مطلقا ... ان ياتى هذا التكريم .. لى شخصيا .. بالرغم من ان عضويتى لا تتجاوز " عضو جديد " و مشاركاتى فى القسم الاجتماعى قد تحمل الصبغه الكوميديه فى كثير من الاحيان ... و لكنها ربما تكون سببا فى رسم البسمه على وجوة الاعضاء الكرام فى ظل ما نراه و نعاصرة من ضغوط الحياة اليومية . و انى اتوجه بجزيل شكرى و عرفانى لكل من رشحنى لكى انال هذا التكريم الغالى ... الذى يعد مسئوليه كبيرة لكل عضو تم تكريمه فى الحفاظ على روح التعاون و المحبة و الافادة و التفاعل الايجابى مع بقيه اعضاء اسرة المنتدى الكرام ..
و لا يفوتنى ان ابارك لكل من حظى بهذا التكريم الغالى .. الشيخ خالد .. جزاه الله خيرا على ما يقدمه من موضوعات قيمه ... و مفيدة .. و قلمه الذى يقطر ادبا و احتراما و اخلاقا عاليه ...
و الحاج احمد ... ذو التعليقات و المواضيع الحكيمه .. التى تعكس الروية الثاقبه و الخبرة الطويله ..... و خفة الدم
الاستاذ / طارق .. صاحب الموضوعات الخفيفه و المتنوعه .. و التى تلاقى تفاعل واضح بين الاعضاء ..
و الدكتور / احمد فارما .. صاحب اكبر مغامرات فى المنتدى ... و ذو بصمه واضحه و متفانية فى خدمه كل الاعضاء .
و الاستاذة / دونزى .. صاحبة الموضوعات المتميزة .. .. و الاسلوب الراقى و العقلية المتفتحه ...
و االاستاذة / نونيتا ... و التى ادعوها الى تكثيف موضوعاتها فى الاجتماعى اليومين دول ....
و اخيرا .. الاستاذ شنورى ... مش عارف ليه بحس ان الراجل ده يقرب لينا كلنا ...اه و الله بدون مجامله ... شخصيه تخش القلب على طول ...


كما اتمنى لكل الاعضاء الكرام .. هذا التكريم .. فى الاعوام المقبلة بمشيئه الله ...


و اخير .. ندعو الله امللين لهذة المنتدى العظيم .. مزيدا من التقدم و النجاح و الازدهار ... يظل جميع اعضاؤة تحت مظله الحب و التعاون و الاخلاص لوجه الله تعالى ....

[A.Saad]

والله يا حسام انت من اكثر الناس اللى مشاركتها بتحبها الناس
ودى حقيقة الكل معترف بيها

[wassim_nasser]

الف مبروك يا عمو حسام و انت انسان جميل و تستاهلها فعلا وعن جدارة و كذلك الاعضاء الموقرين المذكورين اعلاه .. ربنا مايحرمناش من دخلتكم علينا و تهنئة قلبية من اعماق الصعيد الجوانى لفارما والحاج احمد ..

[Khaled Seif]

السلام عليكم ورحمة الله وبركاته

جزاك الله خيرا يا أستاذ / حسام

ومبارك لحضرتك ولكل الأعضاء والعضوات الأفاضل على التكريم

وعلى فكرة ها نطلع أنا وحضرتك إخوة في الآخر حضرتك اسمك حسام سيف وأنا اسمي خالد سيف
وده طبعا شرف لي أخي الحبيب

وصل اللهم وسلم على سيدنا محمد

[Donzi]

الف مبروك عليك و علينا يا استاذ حسام و حضرتك فعلا موضوعاتك مميزة و بتدخل البهجة علينا

والله انا اول ما بلاقي موضوع انت اللي كاتبو بدخل و انا عارفة اني هاقرا حاجة مفرحة و ظريفة و دمها خفيف

[nonetta]

استاذ حسام .. شيخ خالد .. دونزي
الحاج احمد .. استاذ human.. استاذ احمد فارما
افضل شخصيات اجتماعية لهذا العام

فعلا موضوعات حضراتكم من الموضوعات المتميزة فعلا
اتمنى ان ترقى موضوعاتي ومشاركاتي الى نفس المستوى

اهنئكم واهنئ نفسي

مبروك علينا كلنا المفاجأة الرائعة غير المتوقعة
واجمل ما فيها انها مفاجأة
وارجو فعلا ان اكون استحقها فعلا وجديرة بها
رغم ان مشاركاتي ليست بالكثيرة ..
الا انني ارجو انها كانت ذات فائدة
وانا اشكر كل القائمين على هذا المنتدى المحترم
واتمنى لكم المزيد من التقدم و الى الامام دائما

[Samah AbdAllah]

الحمدلله الذى انعم علينا بحسن الاختيار
واكرمنا بفضله وادخلنا السعادة على مجموعة من اكثر الاعضاء تميزا
لكم منا كل الشكر والتقدير

[aif]

شكرا يا حسام ربنا يبارك فيك ويعزك
ياريت تطمننا على ابنك اخباره ايه ؟؟؟

[SYD]

مبروك التكريم يا استاذ حسام

فعلا موضوعاتك متميزة ودمها خفيف

[SHNORY]

حسام باشا انت دايما بتحطني في مكانه اعلي من ما استحق بكتير اوي
وبجد مش عارف اقولك ايه علي كلامك الجميل ده في حقي
احنا هنا كلنا اخوه وربنا يديم المعروف ما بيننا

[rompo10]

الف مبروك لكل الاعضاء وبجد هما اعضاء محترمين جدا