إعـــــــلان

Collapse

.

,
See more
See less

تعالى اقولك تعمل ايه لو ... رميت على حد !!

Collapse
X
 
  • Filter
  • الوقت
  • Show
Clear All
new posts

  • تعالى اقولك تعمل ايه لو ... رميت على حد !!

    ازيكم ... عاملين ايه ....
    ده موقف طبيعى جدا .. بيحصل لكل الناس ... للى محترف سواقه و اللى لسه يعنى مش اوي ... و حسب الحاله ... ممكن تكون رايح شغلك مستعجل الصبح او لسه نايم او بتعلب فى الكاسيت او بتولع سيجارة و غصب عنك ترمى على حد ... و يا سلام بقى لو كنت قافل الشباك جنبك ... لازم تنزل الازاز و تخرج دراعك منه و ترفعه لفوق قال يعنى بتعتذر له او تطلع تجرى بالعربية و تسيب اللى رميت عليه يضرب دماغه فى الاسفلت .... او يطلع يقعد على الكلاكس .. و كده كده هيجيبك فى اقرب اشارة ... و هيسمعك من المنقى يا خيار او فى ابسط الحالات هيبصلك بصه كانك يعنى كسرت عليه باب التواليت .......
    و طبعا ... فى منهم اللى ممكن يسامح لو طلعتله دراعك ... و منهم اللى مش هتسلم منه حتى لو طلعتله رجليك الاتنين من الشباك ... و فى منهم سريع الطلقات ... اللى ممكن يسمعك كلمتين حلوين على الصبح .... و منهم اللى يطلع يجرى وراك علشان يشتمك او يبصلك بصه مالهاش لازمه ......
    و يأما تفوت و تعدى .. او تنزل تطئش فيه .. طب و على ايه ده كله.. و ايه اللى يزنقك على كده ؟؟؟؟ ما الطيب احسن ...
    و انت لو رميت على حد .. مبتعرفش اللى انت رميت عليه ده من انهى فصيله ... مستانس ... شرس .. سريع الانفعال .. عصبى .. كده يعنى ...
    طب ايه اخرة الرغى ده كله ؟؟؟؟
    تعالى بقى انا اقولك ... طريقه مالهاش حل .... انا جربتها مع كل الاصناف .... بعد ما اتهريت ... ... شتيمه بقى و خناقات و قله ادب .....
    بكرر اهو تانى .... علشان لو حد فاكر انى بهذر ..... اعملها بس و هتدعيلى .... هو حل من اتنين
    يأما الراجل اللى رميت عليه ده هيبعد عنك خالص ..... او يفطس على نفسه من الضحك .....و فى كلتا الحالتين انت كسبان كسبان ...

    بص بقى يا سيدى ... بعد ما ترمى على حد على طول ... تبص فى المرايا عندك .... لو لاقيته جاى بيجرى وراك .... تجرى شوى
    و متبصش عليه خالص و تفتح عينك على الاخر وتبص على طرطوفه مناخيرك و تدلدل لسانك لبرة و تهز دماغك كده زى المخرطه و تهز طارة الدريكسيون مع كل هزة من دماغك ... يعنى هزة خفيفه متحودش يعنى .... بس لازم تدلدل لسانك لبرة ... و اوعى تضحك ... لو ضحكت هتبقى بوظت الخطه .... و هتترن علقه سخنه ....انا بعمل الموضوع ده كتير .... و بينفع .... مرة رميت على واحد بسبب ميكروباص ... و الواحد ده كان ماشى على مهله ... و شكله خايف .. المهم ..طار ورايا ... و معاة عربية 120 سلندر ... كانى مثلا رزعته بالافا و جريت .... المهم لما جه جنبى .... و عمال يشوح و يبرطم ... و انا مش فاضى اتخانق .. فقولت هو ده الحل .... قمت عامل كده ... لاقيت الراجل عمال يكرع من كتر الضحك و يعملى باي باى و شويه شويه هيعزمنى على الغدا .. و مرة عملتها مع واحده ...... ريلت من كتر الضحك لدرجه انها ركنت على جنب لغايه ما خلصت ضحك و كملت .....
    و مرة عملتها مع راجل وقور محترم ... سابلى الكوبرى كله و نزل من تحت الكوبرى ..... من غير شتيمه او زعيق او تشويح ....


    كل واحد بقى منكم يعمل الموضوع ده و ييجى يحكيلى حصله ايه ......
    [CENTER][gdwl][B]لا [/B]يستطيع رفع صور للتوقيع[/gdwl][/CENTER]

  • #2
    يعني اعمل مجنون من الاخر ؟

    Comment


    • #3
      ههههههههههههههههههههه
      انا متخيلة شكل حد بيعمل كدة اكيد هافطس من الضحك
      [SIGPIC][/SIGPIC]

      Comment


      • #4
        بجد تخيلت المنظر وفطست من الضحك ههههههههههههههه
        بس انا عندي طريقه تانيه انك تكشر اوييييييييييييي وتخليك كانك متسربع وفي مصيبه وراك وبرضو متبصش ناحيه اللي انته رميت عليه
        ساعات بتنفع الحركه دي

        Comment


        • #5
          يا عم والله انت مصيبة

          انا عمال اتخيل الموقف ومش قادر امسك نفسي من الضحك

          وقاعد لوحدي وحاولت اعمل اللي انت بتقول عليه معرفتش من الضحك

          Comment


          • #6
            اههه يه الهبل ده يعم الحج...لو رميت عليه وانا اللي غلطان هعتذرله مقبلش الاعتذار ف ستين داهيه.. . بس ايه 120 سليندر دي
            م/ احمـد عـزت

            Comment


            • #7
              أو تعمل أنك متوتر و معاكش فرامل
              أو الدريكسيون مش بيوجه العربية
              و تقول ااااااا شويه مؤثرات كده
              و لو وقف جنبك فى الإشارة تقول له الحمد لله انكتبلى عمر جديد

              Comment


              • #8
                منك لله يا حسام انا قاعد في اللاب حواليا موظفين و دمعت من كتر الضحك قلعت النضاره وعمال انشف

                [RIGHT][B][I]Mohamed Samir[/I][/B]
                :sleeping:
                [CENTER]'
                [/CENTER]
                [/RIGHT]

                Comment


                • #9
                  ههههههههههههههههههههههههههههههههههههههههههههههه
                  والله عندك حق احلى حاجة الواحد يسوق الهبل على البشر
                  مش عارف افتكرت الاسد اللعبة اللى بيهز دماغه وبيحطوه على تابلوة التاكسى ههههههه بس فكرة جامدة
                  [RIGHT]سبحان الله وبحمده سبحان الله العظيم
                  [/RIGHT]

                  Comment


                  • #10
                    بدل ماتعمل الحركات دي
                    هات من الآخر وسوق بالفانلة

                    Comment


                    • #11
                      ههههههههههههه بس الواحد هايضحك وهو بيعملها طيب ايه رايك تعمل احول بس كفايه
                      rompo10

                      Comment


                      • #12
                        المشاركة الأصلية كتبت بواسطة Screenplays مشاهدة المشاركة
                        يعني اعمل مجنون من الاخر ؟
                        مش اوى يعنى ... بس كده احسن ولا ينزل ينط فى كرشك ...

                        المشاركة الأصلية كتبت بواسطة dolly13 مشاهدة المشاركة
                        ههههههههههههههههههههه
                        انا متخيلة شكل حد بيعمل كدة اكيد هافطس من الضحك
                        هو ده اللى بيحصل دايما ... بس بصراحه بخاف اعمل كده مع اى واحدة سايقه ..

                        المشاركة الأصلية كتبت بواسطة mohamed_e36 مشاهدة المشاركة
                        بجد تخيلت المنظر وفطست من الضحك ههههههههههههههه
                        بس انا عندي طريقه تانيه انك تكشر اوييييييييييييي وتخليك كانك متسربع وفي مصيبه وراك وبرضو متبصش ناحيه اللي انته رميت عليه
                        ساعات بتنفع الحركه دي
                        لالالالا خليك فى الطريقه بتاعتى ده أأمن بكتير ... ليكون الراجل التانى كشر اكتر منك و تبقى مشكله و لو حتى تجاهتله هيزنك عليك و ممن يلبسك فى الرصيف

                        المشاركة الأصلية كتبت بواسطة أبو صلاح مشاهدة المشاركة
                        يا عم والله انت مصيبة

                        انا عمال اتخيل الموقف ومش قادر امسك نفسي من الضحك

                        وقاعد لوحدي وحاولت اعمل اللي انت بتقول عليه معرفتش من الضحك
                        مش انا قولت من الاول ... محدش يضحك ... بص اهو ضحك تانى اهو ... خلاص بقى خد اللى فيه النصب و امشى ....

                        المشاركة الأصلية كتبت بواسطة ahmed_nubira مشاهدة المشاركة
                        اههه يه الهبل ده يعم الحج...لو رميت عليه وانا اللي غلطان هعتذرله مقبلش الاعتذار ف ستين داهيه.. . بس ايه 120 سليندر دي
                        هبل ..... ماشى هعديها المرادى ... متشكرين يا سيدى ... لو ده هبل .. متبقاش تعمله يا عم
                        [CENTER][gdwl][B]لا [/B]يستطيع رفع صور للتوقيع[/gdwl][/CENTER]

                        Comment


                        • #13
                          المشاركة الأصلية كتبت بواسطة omar61995 مشاهدة المشاركة
                          أو تعمل أنك متوتر و معاكش فرامل
                          أو الدريكسيون مش بيوجه العربية
                          و تقول ااااااا شويه مؤثرات كده
                          و لو وقف جنبك فى الإشارة تقول له الحمد لله انكتبلى عمر جديد
                          برضه مش هتسلم منه .. اقلها هيقولك يا عم ابقى جرب العربية قبل متتحرك بيها ... انت ماشى ترازى فى الناس ... اسمع كلام اخوك و ادعيلى

                          المشاركة الأصلية كتبت بواسطة pro_samir مشاهدة المشاركة
                          منك لله يا حسام انا قاعد في اللاب حواليا موظفين و دمعت من كتر الضحك قلعت النضاره وعمال انشف

                          و الله معرف انك قاعد فى اللاب ... بس ده غلطتك ... لما تلاقى موضوع ليه اوعى تفتحه .. الا لما تكون فى مكان براحتك ... و الله ان زيك مبقدرش امسك نفسى لما اشوف حاجه بتضحك ..

                          المشاركة الأصلية كتبت بواسطة amr.elsayed مشاهدة المشاركة
                          ههههههههههههههههههههههههههههههههههههههههههههههه
                          والله عندك حق احلى حاجة الواحد يسوق الهبل على البشر
                          مش عارف افتكرت الاسد اللعبة اللى بيهز دماغه وبيحطوه على تابلوة التاكسى ههههههه بس فكرة جامدة
                          هو مش اسد ... ده كلب .. بص هو ده الحل الاكيد ... جرب بس مش هتخسر حاجه ...

                          المشاركة الأصلية كتبت بواسطة mailo مشاهدة المشاركة
                          بدل ماتعمل الحركات دي
                          هات من الآخر وسوق بالفانلة
                          هيقولوا ده حران و معندوش تكييف فى العربية ... محدش هياخد باله ... لكن لما يبص فى وشك و يلاقيك عامل كده ... هيخاف بجد ...

                          المشاركة الأصلية كتبت بواسطة rompo10 مشاهدة المشاركة
                          ههههههههههههه بس الواحد هايضحك وهو بيعملها طيب ايه رايك تعمل احول بس كفايه
                          لالالا ... هتلاقى واحد بيقولك ... و كمان احول ... مين ابن تيت اداك الرخصه ... الوصفه بتقول لازم تطلع لسانك و تهز دماغك ... انا مش مسئول عن التنفيذ الجزئى للوصفه ...
                          [CENTER][gdwl][B]لا [/B]يستطيع رفع صور للتوقيع[/gdwl][/CENTER]

                          Comment


                          • #14
                            جااااااااااااااااااااااااااااااااااااااااامدة جدا
                            وجارى التجربة ورنا يستر ومالاقيش اتنين لابسين أبيض ومستنين آخر الكوبرى وياخدونى على العباسية
                            هههههههههههههههه
                            :Y_hi_3[1]:
                            [CENTER] [/CENTER]
                            Eng. Fahmy

                            Comment


                            • #15
                              فيه طرق كتير للسواقه تخلي الناس تبعد عنك
                              بس دي محتاجه انك تحدد شخصيه اللي رميت عليه او زنقته او قفلت طريقه وانت داخل عكس
                              سواقه العبيط :انك تمسد الدركسيون بايديك الاتنين بكل قوتك وتفرد ايدك وراسك تكون قريبه من السقف وباصص للطريق من فوق النضاره
                              سواقع الغشيم :
                              تمسك الدركسيون بايديك الاتنين وتاخد الدركسيون في صدرك وترفع راسك وكانك بتحاول تشوف الاكصدام من جوه العربيه

                              سواقه الرخم : تمسك الدركسيون بايد واحده ولما ترمي علي حد تبصله بكل بلاده ولا كانك عملت حاجه

                              سواقه الشرس :
                              برضه بايد واحده ورافع حاجب ومنزل التاني وكانك بتقول يا رب خناقه

                              سواقه الميكروباص :
                              تدلدل السيجاره لو بتشرب سجاير من جنب شفتك وتدلدل ايدك من الشباك وتنجعص في الكرسي
                              [CENTER]

                              [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                              [/CENTER]

                              [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                              ---------------------------------
                              [/SIZE][/B][CENTER]
                              [/CENTER]

                              Comment

                              Working...
                              X