استفسار عن عنوان شقة فى الاسكندرية

[yalahwy2010]

والدى عايز يشترى شقة فى العنوان ده يا جماعة
شارع العيسوى.........متقاطع مع اسكندر (ميامى)
ايه رأيكم فى المكان من ناحية رقيه .....وقربه من البحر
هو برج فى الدور ال 15.....والشقة بتبص على شارع 40 متر
ايه رأيكم فى المنطقة دى؟؟؟؟؟

[SYD]

انت قصدك الأسكندر الأكبر ؟؟؟
شارع حلو مش وحش
بس مش راقي اووي اوي يعني
بس علي كل الأحوال شارع كويس وعريض
بس في الصيف اجارك الله زحمة موووووووت

[yalahwy2010]

يعنى المكان ده يبقى شقة مصيف أو فى الشتا الواحد يروح يقعد كام بوم كدة آخر كل شهر يبقى كويس
ولا ممكن ألاقى فى حتة تانية أحسن
انا عايز شقة تكون فى مكان نضيف مش شعبى.....وتكون قريبة من البحر........وتكون فى اسكندرية نفسها..........يعنى لما أحب أروح لجاد او أنزل أتمشى على الكورنيش ماحتاجش عربية
هل المكان ده يكون فى كل اللى انا محتاجه؟؟
وألف شكر ل syd على الرد

[ramy_gamal]

ممكن تاخد فى جليم او فلمنج شارع ابو قير بس مش قريبه اوى من البحر بس حته كويسه

[OMAR61995]

هو المكان كويس و يعتبر منطقة سكنية مش مصايف أوى يعنى
و قريبة من البحر بس حسب مكان العمارة
و طبعاً مش محتاج عربية لأن هيكون حواليك كل حاجة من محلات و غيره