نفسى افهم ...... نفسى اعرف

[M.belal]

انا شبه متاكد ان الموضوع ده اتفتح كتير هنا بس فعلا الموضوع ده بقى خنيق لدرجه مستفزة جدا
طبعا بقالنا فترة بنسمع عن كيو نت وجولد ماين وهلم جر
المهم كل شويه اشوف شخص بحال وناس معررفه كلهم مش اى حد
واحد يقلى ده حوار ميه ميه وانا كسبت منه بضعه الالااف مش عارف ف كام يوم ولا ف كام اسبوع
ويعد يقنع فيا وانتوا صعبنين عليا
وواحد يقلى كله نصب ف نصب واللعبه كلها ان هماينصبوا عليك وانت تنصب ع غيرك وهكذا
ويبدوا الشرح بقى اللى يقول الشركه دى بتستخدم التسويق الشبكى اصل الهرمى حرام واللى يقلك الشبكى هوا اللى حرام
والجديد بقى ان ف حاجة زى كده تبع بنك مصر تدفع ميه جنيه ويعملولك حساب واكونت ع السايت بتعهم وتبدا بقى يعنى وصلت للبنوك كمااااااااااان
انا نفسى حد يرد رد جازم ف الموضوع ده او اللى عنده اى فكرة عن الحوار ده او اى حد اتعامل فيه يا ريت يفهمنا
تانى حاجة يا ريت برد وحد يفهمنا وجهه نظر الدين من الموضوع ده لان اللعب فيه عجيب جدا
بس الارباح اللى الواحد بيسمعها بتجنن بصراحه ومغريه جدا
اسف ع الاطاله ولكم جزيل الشكر

[Screenplays]

مشكله الموضوع ده ان المنتجات بتاعتهم لا تناسب الشعب المصري

[Eng.Geo]

الفكرة نفسها كويسة
بس الأرباح ده كلها فكسانة
أعرف ناس كتير دخلوا فيها وحاولوا وفشلوا وسابوها .... كتير جدا
دفع 5000 جنيه في ساعة ماتسواش وهو ده يعتبر مكسبه الوحيد
غير طبعا لو حبيت تكمل وتفضل تقنع في الناس عشان تخش معاك
ممكن تخسر ناس صحابك عشان هيفهموا انك عايز تلبسهم وممكن يخشوا ويصدقوك ويلبسوا بجد

[yalahwy2010]

أنا من وجهة نظرى ان الموضوع ده استنزاف للمصريين واحنا مش ناقصين
يعنى يبيعوا فلتر مية أو ساعة ما تسواش 500 جنيه ويبيعوها ب 700 دولار ,..........وكل ده بيروحوا فى جيوب الدول المصنعة للحاجات الفكسانة دى
واحنا كل تفكيرنا ان احنا نكسب ومش مهم السلعة اللى بنسوق ليها......او احنا محتاجينها ولا لأ
انا كام واحد حاول معايا بس على مين............وريتهم أيام سودا وكرهتهم حياتهم
لو السلع اللى بيعرضوها كويسة.......كنت أقول كويس....دا يبقى أسلوب جديد للبيع......ان السلعة لما تجيبلها زبون تانى ......تاخد عليها عمولة
لكن المشكلة فى السعر غير مناسب للسلع.........وغير مطلوبة ......ومش بالجودة اللى تستاهل الأسعار الفظيعة دى

[Screenplays]

لو السلع اللى بيعرضوها كويسة.......كنت أقول كويس....دا يبقى أسلوب جديد للبيع......ان السلعة لما تجيبلها زبون تانى ......تاخد عليها عمولة
لكن المشكلة فى السعر غير مناسب للسلع.........وغير مطلوبة ......ومش بالجودة اللى تستاهل الأسعار الفظيعة دى

[M.belal]

هيا المشكله مش ف المنتجات يا رداله
ع فرض ان هنكمل ف الموضوع ده ايه ظروف الحكايه دى وفلوسها مضمونه ولا لا
واهم حاجة هل هيا فيها حرمانيه ولا لا
في ناس اعرفهم طلعوا مكسب جامد ف وقت بسيط جدا

[Screenplays]

هل بان عليهم العز ؟ هل شفت فلوسهم بعينك ؟

[AutoTycoon]

أنا من وجهة نظرى ان الموضوع ده استنزاف للمصريين واحنا مش ناقصين
يعنى يبيعوا فلتر مية أو ساعة ما تسواش 500 جنيه ويبيعوها ب 700 دولار ,..........وكل ده بيروحوا فى جيوب الدول المصنعة للحاجات الفكسانة دى
واحنا كل تفكيرنا ان احنا نكسب ومش مهم السلعة اللى بنسوق ليها......او احنا محتاجينها ولا لأ
انا كام واحد حاول معايا بس على مين............وريتهم أيام سودا وكرهتهم حياتهم
لو السلع اللى بيعرضوها كويسة.......كنت أقول كويس....دا يبقى أسلوب جديد للبيع......ان السلعة لما تجيبلها زبون تانى ......تاخد عليها عمولة
لكن المشكلة فى السعر غير مناسب للسلع.........وغير مطلوبة ......ومش بالجودة اللى تستاهل الأسعار الفظيعة دى

+1

احسن حاجة كمان عشان تعرفوا النصب بتاع الحوار دا اتفرجوا على اليوتيوب عنها

[ahmedsamir5edr]

حرام شرعا بالاجماع
و ممحدش بان عليه النعمه

[me_medoo]

الله هو انا مش عايش في البلد ولا ايه. ، انا مش فاهم حاجة كيو نيت ايه. وهدايه ايه مترسون على الحوار ياشباب علشان نفهم ونستفيد

[M.belal]

هل بان عليهم العز ؟ هل شفت فلوسهم بعينك ؟

مش هكدب عليك كله مجرد كلام هشوف فلوسهم ازاى اساسا
بس هو اكيد فيه فلوس نصب بقى او لا مش عارف حرام ولا حلال مش عارف
بس الاخ الكريم احمد سمير ahmedsamir5edr بياكد انه حرام

[M.belal]

الفكرة نفسها كويسة
بس الأرباح ده كلها فكسانة
أعرف ناس كتير دخلوا فيها وحاولوا وفشلوا وسابوها .... كتير جدا
دفع 5000 جنيه في ساعة ماتسواش وهو ده يعتبر مكسبه الوحيد
غير طبعا لو حبيت تكمل وتفضل تقنع في الناس عشان تخش معاك
ممكن تخسر ناس صحابك عشان هيفهموا انك عايز تلبسهم وممكن يخشوا ويصدقوك ويلبسوا بجد

فعلاالموضوع ده خلى ناس كتيرتزعل من بعض
انا كل ما اكلم واحد ع الفيس ع الحوار ده يقلى هعملك بلوك هههههههههه
احسن حاجة كمان عشان تعرفوا النصب بتاع الحوار دا اتفرجوا على اليوتيوب عنها[/quote]
زى ما فى فديوهات بتفضحهم فى فديوهات بردو بتوريك انك ف امان معاهم والمكسب مضمون ده غير انهم بيدوا كورسات تبعهم عشان الناس تقدر تتكلم وتجيب ناس والناس تيجب ناس شوف بقى لما تروح لحد عندهم وتلاقيهم بيدوك كورسات اكيد هيبقى ف ولو ذرة ثقه بيهم

الله هو انا مش عايش في البلد ولا ايه. ، انا مش فاهم حاجة كيو نيت ايه. وهدايه ايه مترسون على الحوار ياشباب علشان نفهم ونستفيد

الموضوع كبير جدا يا باشا
باختصار ع فهمى طبعا انها شركات تسويق ودعايا بتسوق منتجها بسعر اعلى من تمنه الحقيقى
وبتحاول تخلى مثلا اول عميل اشترى المنتج انه يقنع ويجيب غيره وياخد نسبه بس بطريقه ممعينه كده وتبدا انت تجيب ناس والناس تجيب ناس ومحدش فاهم الفلوس دى بتدور ازاى
بس مكاسب هلاميه والله ع اللى بنسمعه

[TaoTao]

تم تحريمه بالإجماع من كل دور الإفتاء في العالم الإسلامي. ده غير تحريم وتجريم كيونت بالاسم في كل الدول التي عملت فيها مثال على هذه الدول: سري لانكا، الهند، بوتان، وحتى رواندا !!! وطبعاً الحكم الشرعي ساري على كيونت وكل الشركات التي تعمل بنفس نظامها.