انا نفسي افهم هي البنات دي بتفكر ازاي بالله عليكما؟

[Screenplays]

واحده جارتنا ملهاش علاقه بأي نوع من انواع الجمال سواء الشكلي او الموضوعي

المهم واحد اتطس في عين اهله و طلب ايدها تمام

الواحد ده انا اسمع عنه و بسم الله ما شاء الله كل كلام الناس عنه انه راجل محترم و ابن ناس و كمان غني بسم الله ما شاء الله اللهم لا حسد

المهم هو قالها انهم مش هيعيشوا في مصر و مش هتشتغل في حلاوه اكتر من كده ؟ البرنسيسه و اهلها وافقوا و قالوا امين و قروا فاتحه

المهم مفيش اسبوع و عرق التناكه اشتغل و غيرت كلامها قال ايه ؟ عايزه تشتغل و تحقق ذاتها

يجيبها شمال يجيبها يمين مفيش فايده فاضطر اسفا ينهي العلاقه دي

بالله عليكم حد يفهمني عشان انا مش فاهم حاجه

[sasa44]

في بنات بتبقي مش وش نعمة

[elpasha1]

خليها بكرة تندم على اللى عملتة

[Hondawy_2008]

طول ما البنت أو الست المصرية حاسة أنها مرغوبة بتتنك و تتعالا على كل الرجالة و كل همها حاجة واحدة " عايزة أغنى واحد في الدنيا " أعتقادا منها أنها جوهرة و تمنها غالي أوي هههههههههههههه

النوع دة مالوش غير أقدم حاجة فرجلك و تديها بيه

و مع الوقت و الفرص لما تقل تتحول الجوهرة المكنونة لحتة قزازة تتمنى أي حد يبص بس عليها

[AirForces]

ربنا نجاه :d

[dolly13]

كل شئ نصيب
لو كانت من الاول قالت على موضوع الشغل ده كنت اقولك انها فعلا لا تريد ان تكون عالة وتريد ان تصبح مستقلة اقتصاديا
لكن كونها فجرت موضوع الشغل بعد الاتفاق فهذا معناه انها لا تريده واخترعت اى حجة لانهاء الموضوع
اما كونها مش جميلة فزى مابيقولو كل فولة ولها كيال وطالما فيه واحد فكر يرتبط بها اذن مواصفاتها عجبته وممكن تعجب غيره وهو نفس الموقف برده
ربنا يوفقهم ويوفق الجميع لما فيه الخير

[cameeron]

طلبوها اتعززت و فاتوها اتندمت

[rompo10]

لا حول ولا قوه الا بالله

[memohamada]

خليهـا تصـدى و موديلهـا يعـدى

[titos_81]

خليهـا تصـدى و موديلهـا يعـدى

ههههههههههههههههههههههههه
+11111111111111111111

[Raul_7]

الجواز أرزاق.

[didos323]

في بنات بتبقي مش وش نعمة

1000%

[r0xer]

80% من بنات مصر معقدين....والسبب أهاليهم اللي حولوهم لكائنات معرفش يطلق عليها ايه!

تبقى عايزة كل حاجة....ومش عايزة اي حاجة....وبتحب كل حاجة.....وكارهة اي حاجة. وهكذا دواليك. ومتمسكة بيك اوي...وبمجرد ما عوكشة الحلاق يجيلها تقولك انت بعتني وسبتني للديابة تاكلني. ولو خليتها تشتغل تقول عليك معندكش دم ومبتغيرش. ولو خليتها متشتغلش تقول عليك راجل شرقي ومعقد وملكش امان.

عايز تتأكد؟ بصة واحدة على اي منتدى حريمي مصري ..وهتحس انه لا آمل في الاجيال القادمة لان الستات دي هما اللي هيربو عيالنا. كل حياتهم كوبي وبيست من مواقع تانية، و حتى الاكل فاشلين فيه!

محدش يزعل صحيح! ولو حد زعل..انا مبعتذرلوش خالص. لاني مغلطش فيه :) دا واقع ومر ولازم نحكي عنه.

[محمد بلال]

احتمال سمعوا حاجه مش كويسه عن العريس وكانوا عاوزين يفكوا من الموضوع بالذوق

[amr.elsayed]

نصيبهم كدة وربنا مش كاتبهم لبعض ... انت ممكن يجى عليك وقت يكون فيه واحدة مش متخيل انك ممكن تتجوز واحدة غيرها
وفى ثانية واحدة كل حاجة تبوظ وتتنيل بستين الف نيله لكن بتكون ارادة ربنا سبحانه وتعالى فى الاول وفى الاخر
ولازم نرضى بقضاء الله وربنا يوفق الجميع للخير والحياة السعيدة