انشاء قسم لابداعات الاعضاء بالمنتدى الاجتماعي

[nonetta]

بما ان المنتدى فيه فنانين مغمورين كتير اوي
وحرصا مننا على تشجيع الفن بكافة اشكاله

باقترح نعمل هنا قسم ملحق بالقسم الاجتماعي لفن وابداعات الاعضاء
يبقى فيه من داخل القسم
* قسم اعمال ادبية نثر وشعر وقصة
* قسم فنون رسم وديكورواعمال يدوية
حتى لو واحد عمل اي عمل ابداعي فني لو دهن اوضته بايده وعمل لها ورق الحائط بتاعها
* قسم تصوير لهواة التقاط الصور النادرة و والطريفة بس يكون التقطها بنفسه مش منقولة
* قسم للصور المنقولة صور غريبة او صور نادرة لعظمة الخالق
يا ريت تعمل نعمل تصويت عالقسم دة او تشوفوا الاجراء اللازم .. انا شايفة انه هيبقى قسم ممتاز

سبق ان تقدمت بالاقتراح دة في قسم المقترحات
رد عليا الاستاذ نادر بالاتي

فكرة حلوة لكن معتقدش هيكون من السهل احتواء كل الاهتمامات دي في قسم فرعي واحد في الاجتماعي مثلاً، لكن لو في مجموعة كبيرة فعلاً عندها الرغبة والاستعداد على إثراء القسم فمفيش مانع بإذن الله على أن يكون في القسم الاجتماعي، يقدي تعملي موضوع للاستفتاء في الاجتماعي بنفسك كصاحبة الفكرة وعلى ضوء نتيجته هيتحدد القرار بإذن الله.

تحياتي...

ممكن حضراتكم تقولولوا رأيكم

على اساس اني شايفة ان ابداعات الاعضاء خسارة انها تختفي وسط الموضوعات الكثيرة

ومن حقنا انها تبقى مجمعة عشان نشوفها ونرجع لها باستمرار

ممكن نعمل تصويت وتقييم للموضوع دة سواء بالقبول او بالرفض

[night_whisper]

يشرفنى أنا أكون أول مشاركة للرد على حضرتك
بصراحة الفكرة جميلة جدآ
و ممكن جدآ تطبيقها
و ممكن كمان ادارة المنتدى تعمل جوائز رمزية لأفضل المشاركات و الأبداعات فى مقابلات المنتدى
انا بحيى حضرتك على الفكرة الجميلة و فى أنتظار تطبيقها قريبآ بأذن الله تعالى
تحياتى و أحترامى لشخصكم الفاضل

[nonetta]

يشرفنى أنا أكون أول مشاركة للرد على حضرتك

بصراحة الفكرة جميلة جدآ
و ممكن جدآ تطبيقها
و ممكن كمان ادارة المنتدى تعمل جوائز رمزية لأفضل المشاركات و الأبداعات فى مقابلات المنتدى
انا بحيى حضرتك على الفكرة الجميلة و فى أنتظار تطبيقها قريبآ بأذن الله تعالى

تحياتى و أحترامى لشخصكم الفاضل

شكرا لمشاركة حضرتك و شكرا لكل من شارك في الاستطلاع
ويسعدني مشاركة الجميع ولو بالرفض

[Mzeid]

موافق تماما و مؤيد للفكرة

[ameerahmad]

فكره حلوه

[Amr Axel]

فكرة حلوة جدااااا و خاصة اني بحب شغل الاركيت من صغري و مازالت بقطع اركيت
و اتمني يكون فيه مسابقات في الابداعات سواء ادبية او يدوية و يتم التصويت ع الافضل من جانب الاعضاء و جوايز رمزية مقدمة من الادارة كما تكرم و قال الاستاذ نايت ويسبر

يعني مثلا في اليدوي كل شخص يصور شغل عمله بايديه حديثا و كل واحد ينزله و يتم التصويت و اللي هيكسب هو اللي يتكرم او هدايا رمزية و هكذا

[nonetta]

انا سعيدة ان الفكرة لاقت بعض القبول
يا ريت كلنا ما ننساش التصويت

[Amr Axel]

بس عايز اسأل سؤال هل هيكون منتدي رئيسي ام قسم فرعي في المنتدي الاجتماعي ؟؟
فاذا كان منتدي رئيسي اتمني من استاذ نادر يخلي الترتيب في لوحة التحكم اسفل الاجتماعي مباشرة لأنهم يعتبروا مرتبطين ببعض الي حدا ما

[grand hand]

فكرة جيدة ياريت تتنفذ

[هيثم المنياوى]

أكيد موافق طبعاً وإن شاء الله عندى فكرة حاجه كدا زى برنامج أول ماسجلها هنزلهالكو فى القسم
سيرو على بركة الله........بالتوفيق إن شاء الله

[Donzi]

والله فكرة حلوة جدا يا نونيتا و مفيش مانع يبقى قسم فرعي من القسم الاجتماعي و حهايكون مفيد كمان لاي حد بيفكر في فكرة معينة و عاوز ينفذها هايلاقي اللي يسألو و هايلاقي اللي يرد عليه عن علم او معرفة

[Karim_Monir]

في قسم اسمه قسم تجارب الاعضاء
ممكن نحوله لقسم تجارب وابداعات الاعضاء ويبقي الاتنين مع بعض

[amr.elsayed]

فكرة رائعة ويا ريت تتفعل ... واحيى حضرتك على الفكرة الرائعة