إعـــــــلان

Collapse

.

,
See more
See less

هل تعلم شيء عن التأريض ومانعات الصواعق ؟!

Collapse
X
 
  • Filter
  • الوقت
  • Show
Clear All
new posts

  • هل تعلم شيء عن التأريض ومانعات الصواعق ؟!

    بما اني شغال في شركة متخصصة في هذا المجال وعلي مدار عامين
    حبيت اقولكم نبذه عن هذا النظام
    والي خلاني اتكلم فيه انه مهم جدا جدا ولكن هنا في مصر في ناس كتير قوي لا تعلم عنه شيء لأننا في بلد لا تهتم بالبني أدم
    انا اشتغلت مع شركات اجنبية كتير وكلها تلتزم عمل نظام الأرضي واحيانا الصواعق في المباني الخاصة بها
    وبعض الجهات الأجنبية تجعلها في المباني السكنية ليها
    لأن دي ناس عارفة يعني ايه إنسان
    انا جبت جزء من موضوع بيتكلم عنها بشكل عام
    ولو حد محتاج سؤال في اي حاجة انا تحت امره

    التأريض ومانعات الصواعق

    Earthing & Lightning Protection

    ملاحظة: لا يمكن وجود منظومة
    للحماية من الصواعق جيدة وعاملة بدون وجود منظومة للأرضي جيدة وعامل
    التأريض أو الأرضي Earthing or Grounding
    يمكن تعريف الأرضي أو التأريض بأنه اتصال كهربائي عمل عن قصد بين جهاز كهربائي أو شبكة أجهزة من جهة وكتلة الأرض من جهة أخرى. لذا فأن التأريض مطلوب لتوفير السلامة للمنظومة الكهربائية وللعاملين في المنشأة وهذا معروف بشكل عام لدى الغالبية من الأشخاص ولكن غير واضح لدى النسبة العظمى من الناس كيفية تحقيق ذلك. ويمكن تشبيه الأرضي بطوق النجاة أو مظلة الهبوط حيث تقدر قيمتهما عند الحاجة لهما فأهمية وميزة
    الأرضي الجيد يمكن تقديرها مما يلي :
    أولا : الأرضي يحمي الأفراد من خطر الصعق الكهربائي الناتج عن قصور العزل أو انهياره .
    ثانيا : يقي من خطر التفريغ الكهربائي .
    ثالثا : يحمي المعدات من أضرار التغيرات المفاجئة والكبيرة في جهد التغذية (Voltage Surges)
    رابعا : يؤمن تشغيلا مناسبا للمعدات والمنظومات الكهربائية .
    على أي حال يحتمل أن يشعر الشخص العادي بأنه غالبا لا تأثير للأرضي على المنظومات الكهربائية أو الأجهزة خلال الاشتغال العادي، مما يعطي انطباعا خاطئا بأنه من الممكن فصل الأرضي بدون ملاحظة أي تأثيرات ونتيجة ذلك يبدو (ظاهريا فقط) بأن موضوع الاتصال الأرضي الجيد من الاتصال الأرضي الرديء ليس ذا أهمية ولا تعرف فعالية الأرضي ما لم تجرى عليه فحوصات دورية من حين لآخـر .
    أبتداء يمكن اعتبار الكرة الأرضية بأنها كتلة هائلة جدا لاتحمل جهدا كهربائيا اي ان جهدها هو صفر. أما أجزاء المنظومة الكهربائية فيمكن ان تكون ذات جهد معين مقارنة بجهد الارض.
    إن الموصلات الحية (Live Conductors)
    للأجزاء المنظومة الكهربائية تحمل عادة جهدا كهربائيا خلال أشتغالها الأعتيادي، أما الأجزاء المعدنية الاخرى كهياكل وحاويات للأجهزة الكهربائيةفهي لا تحمل جهدا خلال أشتغالها الأعتيادي لكنها يمكن ان تكون ذات جهد عند حدوث عطب كهربائي مما يعرض المنشآت والعاملين الى الخطر إن لم يتم أتخاذ إجراءات وقائية من بينها إيصال تلك الأجزاء إلى الشبكة الأرضية.
    يمكننا الحصول على ارضي مناسب للدور السكنية مثلا باستخدام قضيب معدني واحد أو اكثر
    يدفن في التربة لغرض تحقيق التماس مع كتلة الأرض .
    تتوفر قضبان على شكل مقاطع يمكن ربطها ببعضها لغرض الحصول على قضيب بالطول المطلوب وتغرز في الأرض بواسطة الدق للوصول إلى طبقات الأرض ذات المقاومة النوعية الواطئة وبالتالي الحصول على مقاومة ارضي واطئة . وللحصول على مقاومة اقل يستخدم غالبا عدة قضبان تربط ببعضها على التوازي بواسطة موصلات أرضية لتكوين شبكة أرضية يمكن تشبيهها بشجرة كبيرة ، حيث تربط كافة المعدات الكهربائية والهياكل المعدنية بالشبكة وتمثل الأوراق بالنسبة للشجرة بينما تمثل توصيلات الأرضي بأغصان الشجرة وقابلو الأرضي الرئيسي بساق الشجرة في حين تمثل أقطاب الأرضي
    جذور الشجرة .
    من شروط الأرضي الجيد أن تكون مقاومته اقل ما يمكن و تتراوح عادة بين 1 – 5 أوم ، ألا
    أن الحصول على مثل هذه القيم في تربة ذات مقاومة نوعية عالية لا يمكن الوصول أليه ببساطة باستخدام عدد معقول من الأقطاب الأرضية وهذا يعني كلف عالية ، لذا فان من الضروري حساب أعلى قيمة مقاومة يسمح بها على أساس المقاومة الكلية لدائرة العطب الأرضي التي تسمح بمرور تيار عطب كافي لاشتغال جهاز الحماية (صهيرة ، قاطع دورة أو مناولة) لعزل الدائرة الكهربائية المعطوبة .
    سؤال:
    لكن لماذا يجب أن تكون مقاومة الأرضي واطئة
    ببساطة نحتاج لقانون أوم فقط للتوصل لذلك.
    Ohm’s Law: E = R x I
    Where:
    E is volts
    R is the resistance in ohmس
    I is the current in amperes
    أفترض عندك تجهيز كهربائي بجهد 4000 فولت ( 2300 فولت للأرض ) مع مقاومة كهربائية 13 أوم.


    أفترض أن سلك عاري في هذا النظام مس جسم المحرك المتصل بالأرض من خلال مقاومة مقدارها 10 أوم.

    بتطبيق قانون أوم سيمر تيار مقداره 100 أمبير من جراء هذا العطب (من المحرك إلى الأرض)
    I=E/R = 2300/(10+13)= 100 Amperes



    إذا حدث وأن لمس شخص جسم المحرك وهو على تماس مباشر مع الأرض فأنه سيتعرض إلى جهد كهربائي مقداره 1000 فولت (10 أوم X 100 أمبير).
    هذا الجهد الكهربائي كافي لقتل هذا الشخص.
    فإذا كانت قيمة مقاومة الأرض أقل من 1 أوم فأن الصعقة الكهربائية التي سيتعرض لها هذا الشخص ستكون:
    100 فولت أو أقل (1 أوم X 100أمبير) و ستكون هناك فرصة أمام هذا الشخص للعيش ومن ثم قيامه بإصلاح هذا العطب.

    هذا بالنسبة للشخص فأن المعدات الكهربائية يمكن أن تتلف عند تعرضها لمثل هذا الجهد الكهربائي.

    اللي محتاج يعرف اكتر يقولي وانا ابعتلة الموضوع كله علي الميل
    [CENTER]:11_5_14[1]:[/CENTER]

  • #2
    شكرا للموضوع

    بس لصعوبة عمل شبكة ارضى فى منازلنا كتنفيذ و صيانة + ان مش كل الاجهزة الكهربائية فى مصر مجهزة بتوصيلات الارضى

    فممكن الاستعاضة عن السيستم ده بـ earth leakage circuit breaker



    و يتم ظبطه على 30 مللى امبير فاقل

    و طبعا لكل منهم عيوبه و مميزاته
    [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

    Comment


    • #3
      جزاك الله خيرا علي المعلومات القيمة

      للأسف و كمثل باقي انواع الإهمال التي ننفرد فيها في مصر في كل نواحي حياتنا مش غريب اننا نهمل في حاجة مهمة زي دي
      انت لو بصيت في اي مكان حكومي هتلاقي كم من العك الرهيب في أمور ما ينفعك اساسا فيها التفريط و طبعا نتائج الإهمال بتكون واضحة و قاسية من كوارث و حرائق و حوادث وفيات و إصابات بالغة لأشخاص و مع ذلك لا حياة لمن تنادي

      نفسي أعيش و أشوف تغيير في حياتنا و في تفكيرنا و نبقي زي بقية خلق الله المحترمين

      ملحوظة يا ريت حضرتك تعدل العنوان من تقريض لتأريض

      تحياتي
      [CENTER][SIZE=2]ياااااااااااااا رب [/SIZE][/CENTER]

      Comment


      • #4
        هو احنا عندنا عواصف رعديه وبرق زي بره ؟ وهل الحاجات دي ليها لازمه لو مفيش صواعق اصلا ؟

        Comment


        • #5
          المشاركة الأصلية كتبت بواسطة shaddadfalcon1 مشاهدة المشاركة
          هو احنا عندنا عواصف رعديه وبرق زي بره ؟ وهل الحاجات دي ليها لازمه لو مفيش صواعق اصلا ؟
          ليها لازمة طبعا , نظام التاريض او الحماية من الصعق الكهربى من الجهاز نفسه نتيجة انهيار عزله مش من الرعد

          العزل الكهربى بينهار اما كهربيا نتيجة جهد اكبر من قدرته فبينهار وقتى , و اما حراريا نتيجة تغيير خواصه نتيجة الحرارة المستمرة دائما النتئجة عن التشغيل و بينهار فى فترة زمنية طويلة تمدت لسنين و ده اشد خطرا على الانسان فتتسرب شحنات عبر جسده نتيجة تعامله مع الجهاز او المعدة

          و حساسية قلب الانسان للكهرباء عالية فامبير واحد يحدث سكتة قلبية , 70 مللى امبير تليف عضلة القلب , 30 مللى انقباض عضلة الذراع دون مكروه الا الالم عضلية تستمر لفترة

          ووقانى الله و اياكم شرها
          [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

          Comment


          • #6
            علشان دايما كدا بره لازم عندهم شروط فى بناء اى مكان لازم يكون فيه ارضى
            اقوى واغلى 10 اسلحه بالعالم
            http://technology-mmm.blogspot.com/
            http://imageshack.com/a/img850/6764/4fdl.jpg

            Comment


            • #7
              والله انتا ابن حلال يا بش مهندس لسه كنت فوق السطح دلوقتي وبفكر وبقول يانهار ازرق احنا بيتنا مرتفع كام متر عن البيوت الي حولينا يعني لو في صاعقة ممكن تفجر البيت كلوو وبعدين بصيت جمبينا لقيت مأذنة الجامع اعلى مننا قلت لا ماهي الساعقة لو جت هتضرب المؤذنة وبعدين قلت طيب افرض حكمة ربنا. وقضائو. ان الصاعقة متجيش في المؤزنة. وتيجي فينا احنا بعدين فكرت في حتت. الصواعق وقلت لنفسي ياترى مين بيعملها في مصر والمشكلة لو سئلت اي حد مش فاهم هيقلك هات مصورة واربطها بحتت سلك. وادفنها في الارض

              وسبحان الله لمن شفت موضوعك افتكرت انتا بتتكلم عن صواعق الناموس. وكاتب حضرتك كلمة مفهمتهاش اسمها التقريض انا افتكرتها التقريص. يعني تقريص الناموس يالله ربنا بعتك لينا من السما. ازاي الواحد يعمل حاجة كده لصواعق البرق. لاننا ساكنين فوق هضبة مع ارتفاع البيت يبقى احنا في خطر حقيقي من الصواعق
              me_medoo

              Comment


              • #8
                المشاركة الأصلية كتبت بواسطة shaddadfalcon1 مشاهدة المشاركة
                هو احنا عندنا عواصف رعديه وبرق زي بره ؟ وهل الحاجات دي ليها لازمه لو مفيش صواعق اصلا ؟
                الشحنه الكهربيه غير مرتبطة بالرعد والرق
                في شحنات بتكون في الجو بدون برق او رعد
                [CENTER]:11_5_14[1]:[/CENTER]

                Comment


                • #9
                  المشاركة الأصلية كتبت بواسطة me_medoo مشاهدة المشاركة
                  والله انتا ابن حلال يا بش مهندس لسه كنت فوق السطح دلوقتي وبفكر وبقول يانهار ازرق احنا بيتنا مرتفع كام متر عن البيوت الي حولينا يعني لو في صاعقة ممكن تفجر البيت كلوو وبعدين بصيت جمبينا لقيت مأذنة الجامع اعلى مننا قلت لا ماهي الساعقة لو جت هتضرب المؤذنة وبعدين قلت طيب افرض حكمة ربنا. وقضائو. ان الصاعقة متجيش في المؤزنة. وتيجي فينا احنا بعدين فكرت في حتت. الصواعق وقلت لنفسي ياترى مين بيعملها في مصر والمشكلة لو سئلت اي حد مش فاهم هيقلك هات مصورة واربطها بحتت سلك. وادفنها في الارض

                  وسبحان الله لمن شفت موضوعك افتكرت انتا بتتكلم عن صواعق الناموس. وكاتب حضرتك كلمة مفهمتهاش اسمها التقريض انا افتكرتها التقريص. يعني تقريص الناموس يالله ربنا بعتك لينا من السما. ازاي الواحد يعمل حاجة كده لصواعق البرق. لاننا ساكنين فوق هضبة مع ارتفاع البيت يبقى احنا في خطر حقيقي من الصواعق
                  الحماية من الصواعق انواع
                  بس اشهرهم نوعين
                  وهو حاجة زي الماسوره بس نحاس متوصله بكابل نحاس بينزل لحد الأرض وبيتعمل فيها بئر ارضي 30*30 سم
                  والنوع تاني جهاز بيركب وده بيحس بالصاعقة فايطلع شحنات يمتصها
                  وفي انواع تانية بس دي بترمي الصاعقة علي اللي جمبك :)

                  وكله طبعا بيختلف حسب التكلفة والمساحة والارتفاع
                  [CENTER]:11_5_14[1]:[/CENTER]

                  Comment


                  • #10
                    ههههههههه هو بكام ياباشا الجهاز الي بيرمي الصاعقه علي جمبك ده علشان جمبي جار منرفزني كل شوية الاقي موقف عربيتو قدام باب الجراش عندنا نفسي مره اكهربو كده. هو وعربيتو والكلب بتاعهم الي بيفضل يهو هو طول الليل ومبيخلناش. ننام ده ، وياسلام لو في جهاز. بتحكم ذاتي. اي توتوك يعدي مشغل الكاسيت باللليل يكون الجهاز ده مخزن شحنة صواعق كده و يكهرب ميتينوووو. ههههههههه
                    me_medoo

                    Comment


                    • #11
                      أنا شغال في مجال تصميم المحطات الكهربية , وكل المحطات هنا في مصر لازم بيتعملها نظام تأريض و حماية ضد الصواعق

                      أكيد حضرتك ليك تعاملات كتير مع وزارة الكهرباء والشركات التابعة ليها

                      Comment


                      • #12
                        المشاركة الأصلية كتبت بواسطة a_h_m_a_d مشاهدة المشاركة
                        أنا شغال في مجال تصميم المحطات الكهربية , وكل المحطات هنا في مصر لازم بيتعملها نظام تأريض و حماية ضد الصواعق

                        أكيد حضرتك ليك تعاملات كتير مع وزارة الكهرباء والشركات التابعة ليها
                        اكيد طبعا ومع هيئة المياة كمان
                        احنا لسه مخلصين محطه كهرباء الشباب بالأسماعليه من كام شهر وده من اكبر المشاريع اللي خلصناها في وقت قصير جداااااا
                        [CENTER]:11_5_14[1]:[/CENTER]

                        Comment


                        • #13
                          المشاركة الأصلية كتبت بواسطة hema_lancer مشاهدة المشاركة
                          اكيد طبعا ومع هيئة المياة كمان
                          احنا لسه مخلصين محطه كهرباء الشباب بالأسماعليه من كام شهر وده من اكبر المشاريع اللي خلصناها في وقت قصير جداااااا
                          تمام يا باشا المحطة كلها خلصت في 6 شهور بس , ودي كانت تعتبر فترة قياسية بكل المقاييس حتى على المستوى العالمي مش بس في مصر , تنفيذ المحطة دي كان تحدي حقيقي لكل العاملين فيها عشان تخلص في الوقت المحدد اللي شركة الكهربا عايزاه قبل دخول الصيف وزيادة الأحمال

                          أنا على فكرة شغال في سيمنس الشركة المنفذة لمحطة الشباب

                          Comment


                          • #14
                            المشاركة الأصلية كتبت بواسطة A_H_M_A_D مشاهدة المشاركة
                            تمام يا باشا المحطة كلها خلصت في 6 شهور بس , ودي كانت تعتبر فترة قياسية بكل المقاييس حتى على المستوى العالمي مش بس في مصر , تنفيذ المحطة دي كان تحدي حقيقي لكل العاملين فيها عشان تخلص في الوقت المحدد اللي شركة الكهربا عايزاه قبل دخول الصيف وزيادة الأحمال

                            أنا على فكرة شغال في سيمنس الشركة المنفذة لمحطة الشباب
                            اسأل عننا بقي
                            قولهم الشركة اللي عملت الأرضي احنا كنا تبع ابناء علام
                            [CENTER]:11_5_14[1]:[/CENTER]

                            Comment


                            • #15
                              المشاركة الأصلية كتبت بواسطة HeMa_LanCeR مشاهدة المشاركة
                              اسأل عننا بقي
                              قولهم الشركة اللي عملت الأرضي احنا كنا تبع ابناء علام
                              تمام يا باشا , كده بقى لو قابلتني أي مشكلة متعلقة بالEarthing أو الLightning هاتبقى انت مرجعي فيها
                              , لأن إحنا ساعات بتقابلنا مشاكل في التأريض بالذات في الأماكن الصحراوية والأراضي ذات المقاومة العالية

                              Comment

                              Working...
                              X