عشان تعرفوا البنات في مصر بيتعرضوا لإيه و مستحملين ايه

[hobiko]

6 .... 7 .... 8

الشباب دول المفروض يتعمل فيهم زي اللي اتعمل في الفيلم كده

و علي فكره مافيش اي تبرير للي بيحصل ده و لا حتي البنت لابسه محزق و لا الكلام الفارغ ده

و في الاخر بينتخبوا الاحزاب الدينيه ...... شيزوفرنيا! !!!!!!!

[bHa2]

انا لا ابرر سلوك المحرش اطلاقاً
بس في تحامل غريب ع الجنس الذكوري هنا
مش هقول الرجاله لان اللي بيعمل كده مش راجل
بس انا اتعلمت اني ملومش الضحيه
الشاب الغير سوي بيقابله ع الطرف الاخر بنت غير سويه
البنت اللي بتم التحرش بيها بتبقي ضحيه "بغض النظر عن لبسها لو منتقبه ببتعاكس و بيتبصلها"
والشباب برضه
فقر و بطاله و افلام قذره ع الـ TV وقنوات مسخره
وعدم تعليم الدين ف المدارس
وحاجات كتير من دي
الظاهره دي نتاج 30 سنه قرف عايشين فيه
الشباب مكبوت ومفيش فلوس عشان يتجوز ويلم عينه و ايده عن الناس
وشروط اهالي البنات و البنات نفسهم بقت عجيبه
يعني مدام دونزي تحط نفسها مكان الشباب حتي المحترم اللي مش بيعمل العمليه القذره دي
لما يكون مش عارف يتجوز
وشايف مناظر مثيره له ف ال tv و ف الشارع وف اعلانات الجرايد و كل حته
هيعمل ايه
والله انا مش بيرر التحرش اطلاقاً وكتير بهدلت انصاف رجال بتعمل كده
بس احنا رايحين ع فين
الواحد بقي ماشي باصص ف الارض عشان عينه متجيش ع بنت ماشيه ف الشارع

[Donzi]

للاسف بعض الردود صادمة اكتر من الموضوع نفسوا

للاسف لسة عندنا ثقافة لوم الضحية : هي ليه لابسة كزا ، هي ايه اللي وداها هناك ، هي ليه ماشية كدا

يا جماعة مش من حق اي راااااااااااااجل انه يتحرش باي واحدة ايا كانت هي عاملة في نفسها ايه !!!؟؟

طب بالنسبة للشباب اللي بينزلو في الصيف بالشورت و الفانلة الكت - لبس مش شرعي اهو - هل معنى كدا انه يستاهل يسمع تريقة او كلام مش محترم من اي حد من اللي حواليه
و مابتكلمش على المصايف ولا اماكن البحر و البسين لأ الشباب بيلبسوا شورتات و سوري فانلات و ينزلوا بيها من بيوتهم عاااااااااادي جدا و يقف عالناصية يعاكس و يشرب ببس

[nonetta]

الموضوع دة جالي عالفيس من 3 ايام تقريبا
فكرت اعمل نفس الموضوع
بس رجعت في كلامي قلت الكل بيدخل عالفيس واكيد الكل قراه وشافه
بس طبعا انا مش هاقدر اعلق عليه
غير انه في بعض الاحيان بيبى المسئولية مشتركة
وفي بعض الاحيان بتبقى الضحية منتقبة ولابسة خيمة ومش باين منها غير سواد ورغم كدة مش بتسلم من الاذى

[Ghosts]

بالظبط كداااااااااااااااا

الموضوع مش متعلق باللبس خالص و اسألو البنات و انتو تعرفوا و تتأكدو

اقسم بالله المنتقبات بيسمعوا كلام من اقذر ما يكون

يبقى السبب مالوش علاقة بلبس البنت او الست نهائياااااااااا

يعنى لما المنقبات اللى مش باين منهم حاجة بيتعاكسوا وبيتم التحرش بيهم ....
واللى لابسين المحذق والملزق أكيييييييييد طبعآ بيتعاكسوا وبيتم التحرش بيهم ....

يبقى المشكلة فى الراجل اللى ملاقاش حد يربية وقاعد طول النهار والليل يبص على الستات اللى رايحة و اللى جاية ومفيش حاجة شغلاة غير أرضاء غرايزة و شهواتة ....
(يعنى من الأخر حيواااااااااااااان) ....

[lanos2004]

يمكن يكون دة بيحصل فى الهرم علشان سمعته الراقيه--انا ساكن فى مصر الجديده وعمرى ما شوفت الكلام دة الناس مؤدبه

[bHa2]

يافندم انا مبلومش الضحيه و مبقولش ايه اللي وداها هناك
بس نظرياً الاتنين ضحايا

[Ghosts]

يمكن يكون دة بيحصل فى الهرم علشان سمعته الراقيه--انا ساكن فى مصر الجديده وعمرى ما شوفت الكلام دة الناس مؤدبه

هرم أية حضرتك؟؟!!
الكلام دة كان زمااااااااان قبل ما الكبريهات يشتريها الأخوان و يغيروا نشاطها ....

[تامر.محمد]

توقعت الجدال اللي بدأ
عموما انا ضد القول القائل ان الملابس مالهاش علاقة
و برده ضد القول القائل ان الملابس هي السبب

هي عامل من عوامل , لكنه مش الوحيد
زي ما قلت في مشاركتي اللي فاتت , ثقافة عامة يامتهان النساء نشرها الاعلام (و هاقول لكم شوفوا افلام عادل امام تحديدا) , و اتطورت لاعتبار اللي بيعمل كده نفسه شاطر , ثقافة (ماليش دعوة) و (يا حيط داريني) اللي المجتمع كله دخل فيهم و بقى من حزب الكنبة , الظاهرة دي من توابعها في الحقيقة
ثم ملابس الستات, و هنا القول القائل ان حتى المحجبات و المنتقبات بيتعرضوا للتحرش , هو صادق , لكن الفكرة ان الحالة العامة (بسبب عامل الملابس + باقي العوامل) وصلت لأن ما بقاش فيها اي حاجة, كان صح زمان ان المحتشمة مش بتتعرض لحاجة , ثم مع الوقت اتطور الموضوع تدريجيا لحد ما بقت زيها زي غيرها , او بتتعرض لتحرشات بنسبة اقل

التحرش هو التطور الطبيعي لشريعة الغاب اللي سادت البلد

[Amr Axel]

ايه اللي في كلامي صادم ؟؟

[ehab_mansour]

الأزمة هي أزمة اخلاق من الطرفين و أكيد كلنا مش محتاجين نفسر عشان كله واضح تماما
قال صلي الله عليه وسلم "انما بعثت لأتمم مكارم الأخلاق "
الحل
هو اتباع سنة النبي صلي الله عليه وسلم في كل مناحي الحياة من كلا الطرفين
ياريت كل سيدة او بنت تقيس نفسها علي فعل و قول و لبس و تقرير زوجات النبي صلي الله عليه وسلم و تشوف بينها و بين نفسها هيا فين من دول
و ياريت كل واحد فينا سواء شاب او عائل لأسرة أن يقيس نفسه علي فعل و قول و تقرير النبي صلي الله عليه وسلم و أصحابه في نفسه و في أهله و في أبنائه و تربيتهم و ما يعيشون عليه

وربنا يبصرنا بيعيوبنا و يرينا الحق حقا و يرزقنا اتباعه و يرينا الباطل باطلا و يرزقنا اجتنابه

[kameluo]

اختلأف المستوي الفكري و الثقافي هو البيعمل كدة
يعني متلقيش واحد محترم ابن ناس و متربي تربية سليمة يعمل كدة او يعاكس حتي لو شاف بنت ببكيني فالشارع
لكن الحيوان الي من بيئة قذرة هو البيعمل كدة و مستحليها عشان مافيش حد من اهله قاله ان كده حرام و غلط
ولأ قاله داين تدان ولو بعد حين

[Elawany13]

لا حول ولا قوة إلا بالله
إنا لله وإنا إليه راجعون
مجتمع منهار اخلاقيا ومتردى تماماً

[ahmedeihab]

يمكن يكون دة بيحصل فى الهرم علشان سمعته الراقيه--انا ساكن فى مصر الجديده وعمرى ما شوفت الكلام دة الناس مؤدبه

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالا
اوعا تقول الهرم سمعته مش تمام ازعل منك الناس الزباله اللى بييجوا فيه هو اللى مخلينه كده
انا ساكن فى الهرم و اقولك على حاجه
هتعرف ان كل اللى مخليين سمعه شارع الهرم مش تمام مش من الهرم اساسا
كلهم من مناظق خارجيه و بييجوا يصبوا فى الشارع ده
مش هذكر مناطق ايه علشان محدش يزعل منى

[Ghosts]

لا حول ولا قوة إلا بالله
إنا لله وإنا إليه راجعون
مجتمع منهار اخلاقيا ومتردى تماماً

مبارك أفسد كل حاااااااااااااجة حتى الأخلاف ....
تقدروا تقولوا لى المصرى النهاردة هيتعلم الأخلاق فين وسط المجتمع الفاسد اللى أحنا عايشين فية؟؟!!

دة مفيش حاجة دلوقتى مبقيتش فاسدة ....
د/أحمد زويل قال أن الشعب المصرى بيمر بأصعب المراحل فى تاريخة ....
لأن التعليم المصرى فااااااااسد, الأعلام فااااااااااسد حتى الخطاب الدينى النهاردة أصبح فاااااااااسد ....