عشان تعرفوا البنات في مصر بيتعرضوا لإيه و مستحملين ايه

[AmatoALLAH]

علي فكره اللي بيقول لبس البنات و الستات مش محترم و يستاهلوا

احب اقول لحضرتك ان ممكن لبس زوجتك او بنتك اواختك يكون محتشم بمفهومك انت لكن بمفهوم أشخاص تانيين ان دول لو اتعاكسوا باللبس دا يبقوا يستاهلوا اللي يجرالهم

بالزبط زي ما حضرتك بتدي لنفسك الحق و تحلل انك تعاكس واحده لبسها عريان هو بمفهومه بيدي الحق لنفسه انه يعاكس اختك و لا مراتك و لا بنتك لانه في نظره انها مس لابسه اسدال مثلا و لا مش لابسه سواد و لا التونيك مش تحت الركبه لا دا فوق الركبة

و كما تدين تدان

[CalvinKlein]

اخرت الحوار ده ايه ياخونا !!!!!

ههههههههههههههههههههههههه, هتقوم خناقة بين الرجالة و الستات و الستات هتتقمس و تذعل (كالعااااااااادة) و كام واحد ممكن يتشتم و يطلع من الفلول,ييجى واحد يعمل الصدر الحنين السبع رجالة و يقف فى صف الستات هياخد على دماغة من غيرة.
ربنا يستر لان مش ملاحظ قبول رائى الغير يعنى اللى بيقول حاجة معندوش حب ان يسمع حد يناقض رائية الشخصى

[AmatoALLAH]

أنا متابع بردو و عايز اشوف أخره ايه
بس بصراحة أتصدمت من ردود بعض الأخوات الأفاضل

و خصوصاً الرد ده

و البنت مأمورة انها تتحجب حجاب شرعي لكي لا تفتن غيرها

و من كلام العضوات انا تصورلي ان المتحرشين قاعدين معايا في الشقة
مع العلم اني بركب مواصلات و خصوصاً المترو
و بمشي في شوارع في فيصل و الهرم و الدقي و المهندسين و الجيزة
و بصراحة عمري ما شوفت واحدة محترمة في لبسها و مشيتها أتعاكست حتى من اوطى مخاليق خلق ربنا
إلا نادراً
و حتى الي مش محترمين الأمر لا يتعدى كون كلمه جارحة = لبسها الخارج
و أنا و الي زيي مش مسئولين ندافع عنها طالمها هي أسترخصت لحمها في الأصل و ما حافظتش عليه هتجبر ضعاف النفوس انهم يحافظوا على كرامتها !!!!!!!!!!!!!!!!!!!!!!



إذا وضعتوا انفسكم في مواضع الشبهات فلا تلوموا من أساء الظن


هي الموضوع كمان مش موضوع لبس بس على فكرة الفكرة كلها في الحياء أصلاً ( ملبس + أخلاق + تعامل )

و حضرتك اتصدمت ليه انا لما كنت بتكلم كنت بوجه كلامي لراجل

و لو هوجه كلامي لسيدة اكيد هقول لها انها مأمورة بالحجاب و بغض البصر بردوا

و ماحدش قال لحضرتك دافع عنها حضرتكحر تعمل اللي انت عايزه

انا الصراحه اللي اتصدمت من كلام حضرتك ان اي واحده لو اتعاكست حتي لو مره واحده تبقي مش محترمه , يعني سيادتك بتعيب في كل السيدات و منهم الاخوات اللي ردوا هنا و انا منهم و بتتهمنا باننا مش محترمات لمجرد ان واحد مختل نفسيا عاكس و لو مره مثلا

و لو حضرتك قرات كل كلامي هتلاقيني بقول ان كل ما الاحتشام بيزيد كل ما الموضوع بيقل

انا بئي اللي مش فاهمه فكره ان الراجل يدي لنفسه حق ان يعاكس واحده مش محترمه و عذره انها مش محترمه طيب ما هو بئي مش محترم زيها لما عاكس , يعني بيعيب عليها فعلها يقوم يعمل اللي العن منه

و راجع اخر مشاركتي اللي قبل دي و انت تعرف حضرتك انا قصدي ايه

[AmatoALLAH]

ههههههههههههههههههههههههه, هتقوم خناقة بين الرجالة و الستات و الستات هتتقمس و تذعل (كالعااااااااادة) و كام واحد ممكن يتشتم و يطلع من الفلول,ييجى واحد يعمل الصدر الحنين السبع رجالة و يقف فى صف الستات هياخد على دماغة من غيرة.
ربنا يستر لان مش ملاحظ قبول رائى الغير يعنى اللى بيقول حاجة معندوش حب ان يسمع حد يناقض رائية الشخصى

يعني هو الموضوع معمول ليه مش للحوار

و يا سيدي ربنا لا يجيب قمص و لا زعل مادام فيه احترام متبادل في الردود و رقي في الحوار , و لا ايه ؟ :)

[ahmad--ezzat]

ايه :-):-):-)

[أشرف العدوي]

و حضرتك اتصدمت ليه انا لما كنت بتكلم كنت بوجه كلامي لراجل

و لو هوجه كلامي لسيدة اكيد هقول لها انها مأمورة بالحجاب و بغض البصر بردوا

و ماحدش قال لحضرتك دافع عنها حضرتكحر تعمل اللي انت عايزه

انا الصراحه اللي اتصدمت من كلام حضرتك ان اي واحده لو اتعاكست حتي لو مره واحده تبقي مش محترمه , يعني سيادتك بتعيب في كل السيدات و منهم الاخوات اللي ردوا هنا و انا منهم و بتتهمنا باننا مش محترمات لمجرد ان واحد مختل نفسيا عاكس و لو مره مثلا

و لو حضرتك قرات كل كلامي هتلاقيني بقول ان كل ما الاحتشام بيزيد كل ما الموضوع بيقل

انا بئي اللي مش فاهمه فكره ان الراجل يدي لنفسه حق ان يعاكس واحده مش محترمه و عذره انها مش محترمه طيب ما هو بئي مش محترم زيها لما عاكس , يعني بيعيب عليها فعلها يقوم يعمل اللي العن منه

و راجع اخر مشاركتي اللي قبل دي و انت تعرف حضرتك انا قصدي ايه

حضرتك بتقوليني كلام ما قولتهوش و لا انا غلطت فيكي و لا في العضوات المحترمات الي معانا
و ياريت بلاش الأسلوب ده في الكلام
أنا بتكلم بوجه عام

و خلاصة الكلام
زي ما في رجالة نفوسها ضعيفة و مريضة في بنات بردو كذلك
ما نقدرش نقول ان الطرفين ملايكة

انا الأقصد من مشاركتي ان انا كبني آدم أعمل الي عليا و الي امرني بيه ديني الأول و بعدين أدور على اصلاح الأخرين
الي انا حاطت تحتيه خط ده انا موافقك فيه
الراجل الي بيعاكس فعلاً مش محترم سواء بقى عاكس واحدة محترمة أو غير محترمة فهو لا يخصه عدم أحترامها
و لكن أذا كان هي في الأساس لا يهمها احترام الناس لها فلا تلومي من لا يحترمها

ياريت اكون قدرت اوصل وجهة نظري
و أسف إذا كونتي او حد من العضوات فهم مشاركتي الأولى زي ما انتي وضحتي لان ليس هو المقصود


كاتب بالفصحى أهو ( و لا كأنه مسلسل مكسيكي مدبلج )

[houras1010]

الذباب بيقف على اي حاجه مبيفرقش واللى معندوش دين او اخلاق مش فارق معاه لبسه ولا مش - ده ممكن الممنوع يبقى مرغوب اكتر الحل فى الستات يطالبوا اللى فى ايده الأمر يصدر قانون يعلم قليل الأدب الصح ويبقى يقول للقاضى اصلها كانت ماشيه بطريقه مش حلوة ولا لابسه لبس معجبنيش وهو يسامحه

[osama.m]

كلامي يمكن ما يعجبش اكتر الناس بس للاسف احنا هنفضل ندفن راسنا في الرمل و نقول مش بيحصل و نرمي مبررات وخلاص

الكلام دا كلة بيحصل و اكتر من كدا و كلنا بنشوف بعنيننا بس احنا مش بنحب نشوف الحقيقة
احنا اللي بقى عندنا مشكلة في المجتمع .. العيال الصغيرة دلوقتي شوف بيتكلموا ازاي و شوف هما قاعدين قدام اية ياخدوه قدوة و يحولوا اسلوب حياتهم بنفس الطريقة اللي بيشوفوها
الحكاية عمرها ما كانت بالحجاب او كمية الهدوم بدليل ان حتى اللي بيكتروا في الهدوم بيتعاكسوا بس بردو احنا بنقول لا مش بيحصل .. و لو شفنا بعنينا بنقول دي مرة واحدة
ياريت بس ما نحكمش على الناس بالهدوم
ويا رب محدش يزعل

[AmatoALLAH]

حضرتك بتقوليني كلام ما قولتهوش و لا انا غلطت فيكي و لا في العضوات المحترمات الي معانا
و ياريت بلاش الأسلوب ده في الكلام
أنا بتكلم بوجه عام

اسلوب ايه اللي حضرتك بتتكلم عنه ؟؟

انا قلت كلام حضرتك موافئتنيش فيه و رديت عليا بكلام انا ماوفئتكش فيه و كلامك بالتحديد اللي ردي عليه هوكان دا

و بصراحة عمري ما شوفت واحدة محترمة في لبسها و مشيتها أتعاكست حتى من اوطى مخاليق خلق ربنا
إلا نادراً

حضرتك بتعمم الكلام ووجهت ليا انا بالاخص و للاخوات اللي ردوا هنا , المفروض اني افهم منه ايه و كلامنا انا و الاخوات هنا في الموضوع ان حتي اللي محترمات في لبسهم ساعات مش يسلموا من المعاكسات
يبقي اسلوب ايه اللي بلاش منه





و قلت

و خلاصة الكلام
زي ما في رجالة نفوسها ضعيفة و مريضة في بنات بردو كذلك
ما نقدرش نقول ان الطرفين ملايكة

و انا متفقه مع حضرتك في الكلام دا بدليل اني قلت للاخت دونزي لما استفسرت ان حتي بالعبايه السودا ممكن البنت تتعاكس و شرحت لها ان فيه بنات مش محترمه بتلبسها لاغراض تانيه غير الاحتشام

و علي فكره انا مش عارفه هل اللي قرا مشاركاتي معتقد مثلا ان انا مع التبرج؟؟

لا انا ضده اكيد بس في نفس الوقت من 12 سنين تقريبا لما كنت في الكليه كان معايا بنت من اللي لبسهم مايتلبسش اصلا زي اللي احنا بنتكلم عليهم دلوئتي و كنت بكرها جدا و مش بطيق حتي اشوفها , و في يوم كنت واقفه مع واحده تعرفها لقيتها بتحكيلي موضوع و في سياق الكلام ان فلانه اللي مش بحبها دي بتحضر دروس دين و بتصلي, انا من جوايا لثانيه قلت بتصلي و بتحضر دروس دين طيب ما تلبس عدل الاول , بعدها بفتره لقيتها لبست الحجاب اللي مايتلبسش دا اللي نص الشعر طالع بره و البنطلون هيتفترك , بعدها ب 5 شهور تقريبا لقيتها لابسه حجاب محتشم جدا و واسع و فضفاض , و بعدها بسنه البنت دي انتقبت و دلوئتي من احلي الشخصيات اللي شفتها في حياتي سواء في تعاملها مع زوجها او اهل زوجها او اهلها و جيرانها , يكفي انها تعرضت لحادثة شديدة جابلها اعاقه دائمه في رجلها و بئت تعرج و ماشوفتش منها الا ثبات علي الدين و صبر و شكر لله و تعرضت بعد الحادث دا انها مابئتش تخلف و بالرغم من كدا شاكره ربنا و صابره و ابنها اللي رزقت به قبل الحادثة من حفظة كتاب الله دلوئتي و هو لسه يمكن 10 سنين اول اقل , يعني مش مجرد نقاب مظهر خارجي و خلاص , لا هي من جوا و من بره , ربنا يحفظها لزوجها و ابنها يا رب

و علي فكره هي انتقبت قبل مني و حفظت القران و احسبها عند الله انسانه صالحه و لا ازكي علي الله احد , و انا اللي كنت في يوم من الايام مش طايقه اني اسلم عليها اوحتي ابص لها

الشاهد من حكايتي دي ان براحة شويه علي الناس لاننا مش ربنا بنحاسبهم و لازم نخاف من اليوم اللي ممن يجي احنا نقل في الدين و الخلق و اللي كنا بتريق عليهم يبقي مكانتهم عند ربنا اعلي مننا

انا اشهد ان الاخت دي دلوئتي احسن مني بمراحل بالرغم ان اللي كان يقارن ما بينا زمان يقولك عليها دي عمرها ما هتعرف طريق ربنا

انا الأقصد من مشاركتي ان انا كبني آدم أعمل الي عليا و الي امرني بيه ديني الأول و بعدين أدور على اصلاح الأخرين
الي انا حاطت تحتيه خط ده انا موافقك فيه
الراجل الي بيعاكس فعلاً مش محترم سواء بقى عاكس واحدة محترمة أو غير محترمة فهو لا يخصه عدم أحترامها
و لكن أذا كان هي في الأساس لا يهمها احترام الناس لها فلا تلومي من لا يحترمها

طيب احنا متفقين اهوو ماعرفش ليه اصلا حضرتك في مشاركتك الاولي قلت اتصدمت من ردي مادام رايك تقريبا في المجمل نفس راي و هو انا بس هختلف مع حضرتك ان اللي مش بيحترمها بيعبر عن عدم احترامه لها بانه يعاكسها و رجعنا لنفس النقطة تاني :)

ياريت اكون قدرت اوصل وجهة نظري
و أسف إذا كونتي او حد من العضوات فهم مشاركتي الأولى زي ما انتي وضحتي لان ليس هو المقصود

لا حضرتك الموضوع مش مستحمل اسف لاننا هنا بنتناقش لكل واحد رايه المختلف عن التاني و الاحترام المتبادل هو المفروض يكون بينا مهما اختلافنا و انا حبيت استوضح من حضرتك هو دا المقصود و لا لا لاني معرفتي بحضرتك من خلال مشاركتك ماتدلش علي كده

كاتب بالفصحى أهو ( و لا كأنه مسلسل مكسيكي مدبلج )

شكرا لك اخي الكريم <<< و انا رديت عليك بالفصحي اهو :)

[أشرف العدوي]

حضرتك بتعمم الكلام ووجهت ليا انا بالاخص و للاخوات اللي ردوا هنا , المفروض اني افهم منه ايه و كلامنا انا و الاخوات هنا في الموضوع ان حتي اللي محترمات في لبسهم ساعات مش يسلموا من المعاكسات
يبقي اسلوب ايه اللي بلاش منه

حضرتك انا ما عممتش انا كاتب إلا نادراً في الاخر ووضحت ان في ناس نفوسها ضعيفة في الطرفين يعني ما فيش تعميم .
على العموم حصل خير

[CalvinKlein]

للاسف لسة عندنا ثقافة لوم الضحية : هي ليه لابسة كزا ، هي ايه اللي وداها هناك ، هي ليه ماشية كدا

يا جماعة مش من حق اي راااااااااااااجل انه يتحرش باي واحدة ايا كانت هي عاملة في نفسها ايه !!!؟؟

انتى قصد كلامك ايه بالضبط؟؟؟؟؟؟؟؟؟؟؟؟؟؟؟؟؟؟؟
يعنى بتدى الحق الكامل المطلق للبنت انها تعمل اللى هيه عوزاة و المفروض ان الراجل يغمض عينه والا يحط وشة فى الارض,و فى الاخر يكون الغلط مش على البنت.
كلامك معناة اننا هنحلب الثوررررررررررررر قريب
طيب خلينا نمسك فى الحمار اللى فى البيت و نسيب بنته البردعة اللى وافق انها تنزل بالمنظر القذر فى الشارع و نقولة يا حمار انتا خسيس و مسرح بنتك فى سوق النخاسة و سامح ليها انها تنزل بلبس مش لبنت شرقية نهائى دا حتى الاجانب مش بيلبسوا بالمناظر اللى عندنا اصل الناس لسه عندها عقدة الخواجة,على العموم كما قال رسول الله الكاسيات العراة احنا فى اخر الزمن فعلا

[nonia]

علي فكره اللي بيقول لبس البنات و الستات مش محترم و يستاهلوا

احب اقول لحضرتك ان ممكن لبس زوجتك او بنتك اواختك يكون محتشم بمفهومك انت لكن بمفهوم أشخاص تانيين ان دول لو اتعاكسوا باللبس دا يبقوا يستاهلوا اللي يجرالهم

بالزبط زي ما حضرتك بتدي لنفسك الحق و تحلل انك تعاكس واحده لبسها عريان هو بمفهومه بيدي الحق لنفسه انه يعاكس اختك و لا مراتك و لا بنتك لانه في نظره انها مس لابسه اسدال مثلا و لا مش لابسه سواد و لا التونيك مش تحت الركبه لا دا فوق الركبة

و كما تدين تدان

انا مع راي حضرتك جداااا في نقطة
ان فعلا كل واحد ليه وجهة نظره في اللبس واللي ممكن يشوف ديه لبسها محترم جدا
حد تاني هايشوفها اوفرررر اوي وماينفعش تنزل من بيتها كده
حتى العباية زي ما حضرتك قلتي في ناس بتحللها حاااجة تانية خالص
مش تعميم بس فئة موجودة

[r0xer]

اقسم بالله الموضوع دا وصمة عار في جبين المنتدى دا.....معقولة الناس اللي بحترمها وبقدرها دي تقول الكلام اللي اتقال هنا د!!!!!!!

معنى كدا لو حضرتك كنت ماشي جعان ولاقيت مطعم جامد وبيغريك بريحة الاكل هتروح داخل واكل من جواه عافية ومتدفعش الحساب.....لانه المطعم كان مغري اوي بصراحة وانت كنت جعان!

لو ماشي وشفت لبس حلو اوي في محل محطوط في باترينة ومعكش فلوسه ونسيت فيزتك في البيت، تقوم داخل واخده وتقولهم اعملكم ايه شكله مغري انتو اللي غلطانين؟

لما احنا هنا متعلمين وعندنا عربيات ونعتبر كلنا من الطبقة المتوسطة، امال الطبقات التانية بتقول ايييييييييه؟!!!!!!

un&&&&&&believable

[أشرف العدوي]

هي شكل النقاش هيفضل كدة
كل واحد بيرمي التهمة على الأخر
و في بعض اعضاء بيستغربوا ان احنا بنجيب اللوم على لبس البنت أنه ساعات بيبقى خارج !!!!!!!!!!!!!
انا مش عارف على اي أساس و أزاي ما بتلومش البنت الي بتلبس لبس خارج و مش شرط خارج انه يبقى قصير او مفتوح ده في عبايات انها المفروض اسلامية و تودي في داهية

ياريت التوضيح علشان ما ينفعش نصلح طرف من غير التاني
يعني ما ينفعش فرضاً يعني ان الرجال يغضون أبصارهم تقوم الستات تمشي تاني يوم ببكيني
و ما ينفعش الستات تلبس خيم تقوم الرجال تاني يوم تكف عن غض البصر

أليس من أمرنا بغض البصر هو من أمر بالحجاب

أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ

صدق الله العظيم

[shaddadfalcon1]

اقسم بالله الموضوع دا وصمة عار في جبين المنتدى دا.....معقولة الناس اللي بحترمها وبقدرها دي تقول الكلام اللي اتقال هنا د!!!!!!!

معنى كدا لو حضرتك كنت ماشي جعان ولاقيت مطعم جامد وبيغريك بريحة الاكل هتروح داخل واكل من جواه عافية ومتدفعش الحساب.....لانه المطعم كان مغري اوي بصراحة وانت كنت جعان!

لو ماشي وشفت لبس حلو اوي في محل محطوط في باترينة ومعكش فلوسه ونسيت فيزتك في البيت، تقوم داخل واخده وتقولهم اعملكم ايه شكله مغري انتو اللي غلطانين؟

لما احنا هنا متعلمين وعندنا عربيات ونعتبر كلنا من الطبقة المتوسطة، امال الطبقات التانية بتقول ايييييييييه؟!!!!!!

Un&&&&&&believable

مينفعش التعميم ياباشا ومش اي حاجه ناخدها قاعده لان شهوات الأنسان وغرائزه بتختلف وكما قال الرسول (ص) ان اعظم فتنه لبني ادم في النساء وانها اخطر شيء علي الرجال يبقي مينفعش نساوي دي بشهوة الاكل