الكلبة عندي خلفة (فيديو)

[me_medoo]

حبيت احطلكم. مراحل نمو الكلاب عندي
بسم امانه امانه الي يشوف الفيديو يقول
بسم الله مشاء الله
مش ناقص كلب فيهم يعيى ولا حاجة
حاكم التطعيمات بقت غاليه وشحة كمان من السوق
وانشاء الله يعجبكم الفيديدو

[youtube]http://www.youtube.com/watch?v=eHTCXZnmGOk&feature=youtube_gdata_player[/youtube]

[COLOR="rgb(139, 0, 0)"]سبحان الله. وبحمده. عدد خلقه
ايه رايكم بقه ومين فيكم مربي كلاب عندو [/COLOR]

[minicooper20]

حبيب قلبى اخوك بقا بيربى كلاب من 10 سنين
بس مليش فى الكلاي السيس
بس مشاء الله

[rompo10]

بسم الله ماشاء الله

[me_medoo]

حبيب قلبى اخوك بقا بيربى كلاب من 10 سنين
بس مليش فى الكلاي السيس
بس مشاء الله

حبيبي يا ميني كوبر ، انا بحترم جداً الي يحب الكلاب ويربيهم لانهم رمز للوفاء والاخلاص بس انا كان عندي وولف وبلاك جاك وسربتهم كانو خرعين. بالك انتا الكلاب السيس دي اجدع كلاب حراسة بالذات الجري فووو رغم انها صغيرة كده بس شرسة وذكية جداً وحساسة. بالك انتا انا بعرف مين واقف على باب البيت. بمجرد ما اسمع صوت هو هوتها بعرف مين بره اذا كان ضيف ولا قريب ولا حتى محصل الكهربا. او حد من عيالي سبحان الله بسم الله مشاء الله عندهم الحاسة السابعة عندهم شغاله قوي

[Amrgamal1]

اولا : بسم الله ما شاء الله
ثانيا : هههههههههههههههههههههههههههههههههههههههههههههههههه ههههه
الفيديو يموت من الضحك هههههههههههههههههههههههlool ههههههههههههههههههههههه

[mohamed_e36]

بسم الله ما شاء الله بالرغم اني بكره الكلاب بس ما شاء الله شكلهم جميل كده وهما صغيرين
وتعليقاتك دي هيه اللي موتتني من الضحك هههههههههههه

[me_medoo]

ههههههههههههههه حبايب قلبي ، هههههههههه واللهِ ، لا وأحلى حاجة علشان اقعد انيم العيال عندي وبعد ما اغطيهم واقعد احكيلهم حكاية أبص الاقي الكلاب كمان تقعد على الارض تسمع الحكاية ... والحدوته ... وبعد ما كلهم ينامو واخش انام اصحى تاني يوم ابص الاقي الكلاب نايمين على سرير ابني وبنتي وداخلين تحت البطانية ونايمين تحت رجليهم ... هههههه المشكلة مش راضين يقتنعو ابداً انهم كلاب ومينفعش ينامو على السرير ... لدرجة بفكر اشتريلهم سرير جديد وأحطهم لهم في اوضة العيال علشان ميزعلوش ههههههههه .

بس لا حظتلك حاجة غريبة يأخي تصدق وتأمن بالله الكلاب بتغير من بعضها ... يعني لو طبطبت على كلب ومطبطبتش على التاني تبص تلاقيهم ياخدو على خاطرهم جداً وممكن يعضو بعض ... شفت لمن تجيب لعبة لبنتك ومتجبش لعبة لابنك ازاي بيتخانقو من بعض ويزعلو ويغارو ... نفس الحكايه تماماً مع الكلاب بس على العن الغيرة تبص تلاقيها بتاكولهم كده .

حتى وانتا جي تلبس الجزمة ولا حتى الشب شب تبص تلاقيهم بيجرو على باب الشقه عاوزين يخرجو معاك هههههههههه .
سبحان الله .

[BUNSH]

بسم الله ماشاء الله وربنا يباركلك فيهم (ويحفظهم من عيييييييييين) !
بس اى رخااااااااااامة اللى انت فية دى ماتسيب رجااااااالة ترضع فى امانة الله عماااااال تزقهم وتجيبهم يمين وشمااال (هتلاقى وااحد منهم هيقولك ارحم امى وسابنى اشفط شفطة بمزااج بقى ) ,, بس مش تربيهتم فى البيت بتمنع ملائكة ولا اى ؟!
اناااااااااااا بقى من هوااة تربية شيرازيااااات

[Screenplays]

كلاب ياااااااااااااااع

[me_medoo]

بسم الله ماشاء الله وربنا يباركلك فيهم (ويحفظهم من عيييييييييين) !
بس اى رخااااااااااامة اللى انت فية دى ماتسيب رجااااااالة ترضع فى امانة الله عماااااال تزقهم وتجيبهم يمين وشمااال (هتلاقى وااحد منهم هيقولك ارحم امى وسابنى اشفط شفطة بمزااج بقى ) ,, بس مش تربيهتم فى البيت بتمنع ملائكة ولا اى ؟!
اناااااااااااا بقى من هوااة تربية شيرازيااااات

ههههههههه لا مانا بساعدهم انهم يشفطو اصل في كلاب بتفتري وبتشفط بغباء وكلاب تانيه ياعيني يادوبك شفطولهم شفطة . فعلشان كده. بساعد انهم يشربو بالتساوي ، حتى فكرت احلبة واصوبلي كوباية ههههههههه اللبن برضو كلو غزى هههههههههههه

[me_medoo]

كلاب ياااااااااااااااع

كده برضو ياسكرين ده الكلاب دي هيا اخر شيء في الدنيا. عندهم وفاء وصدق وطيبة ، وتلاقي كده الكلب ممكن يضحي بحياتو علشانك. ويرمي نفسو في وش الموت ولا حد يديقك ، متتصورش قد ايه الكلاب بتحس بيك. مرة. كانت ام العيال مسافرة وانا سبت العيال بتلعب فدخلو المطبخ. واقمو مولعين فيه والعيال قاعدة بتضحك وتقول هاي هاااااي. نار الله نارررر. وان مش سامعهم وقال ايه. كل واحد شايل قزازة مية نسلة وقاعد يرش عليه والبت ماسكة بخاخة. المي بتاعات المكوة وعمال تعمل فسسس فسسس على النار ، بس انا لقيت فلفي قاعده بتهووو هوووو وجية بتشد البطانية من عليا. وقاعدة بتصحيني. وتنط عليه وتهو هو وتشد رجل البنطلوم. فعرفت ان في مصيبة في البيت حصلت ورحت لقيت المطبخ بقة فحمة والنار يامشالله يا مشالله. وساعتها اتصرفت. عرفت بقى. ايه اهمية الكلاب في البيت ولسه احكيلك البدع ، ده حتى لو حد من العيال عيان ولا سخن بتيجي تصحينا. وتسحبنا كده لاوضتهم علشان تقولنا ان ابنك عيان او سخن

[Screenplays]

بلاش قرف
نجسين يا عم
بعدين بيعدوا يعملوها في اي حته
هي ناقصه قرف

و الله لو اشترتلهم سلحفه
هيعدوا قدامها 24 ساعه
و هتخلص من زنهم
و اهه موفره جدا و نضافتها سهله

[Screenplays]

العيال العفاريت ولعوا في المطبخ ؟ ربنا معاك

[me_medoo]

لا ياباشا ازاي يعملوها في اي حته ... ده انا كنت لسوعتهم من ديلهم ... أنتا بتدربهم ان ليهم مكان محدد يعملوه فيها ... وبعدين انتا لاوم تمشيهم بالليل كده في اوقات محددة بيتعودو عليها ويفضلو ماسكين نفسيهم لغايت متنزلهم في الشارع وبراحتهم باه في اي حته ههههههههههههههه

[me_medoo]

بس اما مش فاهم ياسكرين ، انتا شايفني حاططهم في حضني ولا قاعد ببوسهم من بوقهم ، انا حاطط الكلاب في بير السلم قفلو كده وعملو زي اوضة. وحاطط فيهم الكلاب. ، وفي ناس تانيه بتربي كلاب فوق السطح وفي ناس بتحط كلاب في الجراش. او حولين سور بيتهم ، واكيد الي بيربي كلاب ده مش ساكن في عشة او. شقتو اوضه وحمام ومطبخ ، اكيد ربنا مسهلوا وعندو امكانيه او مكان انو يربيهم فيه بسم الله مشاء الله
وهيا هواية عند ناس في ناس بتحب تربي قطط في ناس بتحب تربي حمام او عصافير او سلاحف وفي الي بيربي بط وز. بس انا من جوايا بقرف من الكلام ده. بس مبقرفش من تربية الكلاب وتدريبهم لكن انا عن نفسي بعتبر الي بيربي كلاب او سمك او حتى احصنة دي كله هوايات الملوك بتلاقيه برينس كده عايش مع نفسو ، فمتستهنشي مثلاً بتمن الكلب الواحد انتا عارف شوية الكلاب دي كده ٥٠٠٠ جنيه بسم الله مشاء الله ، عارف كمان لو هتاخود من عندي كلب علشان يعشر كلبة عندك هتدفعلي ١٠٠ جنيه وليا نص الخلفة وهما يومين بس حتى كان عندي كلب. بلجيكي بعتو ب ٣٥٠٠ جنية بسم الله مشاء الله والي اشتراه كان بيبوس ايدي اني انزلو فيه كمان وانا مرضيتش فمتستهينشي بتربية الكلاب لانها تجارة بتكسب وهوايا جميلة