عاوز بسكلتة

[TaoTao]

إخواني، بمناسبة اليوم العالمي للأرض قررت اشتري بسكلتة. فياريت أصحاب الخبرة يساعدوني في اختيار دراجة سعرها مناسب ومواصقاتها كويسة للظروف التالية:
- الطريق اللي هامشي فيه بتمشي فيه نريللات :( .. هل ده فيه خطورة في القيادة (حاسس إن ضغط الهواء اللي بيحصل من التريللات ممكن يشفطني تحتها أو ينطرني برة الطريق)
- المسافة بين الشغل والبيت 8 كيلومتر.
- الطريق فيه مطالع ومنازل.
- الطريق فيه مسافة غير ممهدة (شوية نقر ومطبات خفيفة).


عاوز حاجة كويسة في حدود 800 - 1000 جنيه. وشكراً مقدماً

[رزق]

وانا كمان
فـمتابع

[TaoTao]

يا مسهل :)

صحيح أنا طولي 180 سم إيه المقاس المناسب؟؟ (أصل دي أول مرة اشتري عجلة وماعرفش أي حاجة خاااااااااااااااالص :) )

[beshomilan]

تصدق فعلا انها ممتازة وتصلح للمشاوير الصغيره
فيه محلات كتير فى وسط البلد بتبيعها..ممكن تسال هناك
بس انا عايز الكهربا منها بتكون حلوه اوى

[TaoTao]

طيب أنا هانزل ابو الجوخ اللي ف أكتوبر (اقرب محل بالنسبة لي) .. هل فيه أي اقتراحات بأي مكان يكون أرخص أو فيه موديلات أنسب؟؟

[Kefo_Honda]

إخواني، بمناسبة اليوم العالمي للأرض قررت اشتري بسكلتة. فياريت أصحاب الخبرة يساعدوني في اختيار دراجة سعرها مناسب ومواصقاتها كويسة للظروف التالية:
- الطريق اللي هامشي فيه بتمشي فيه نريللات :( .. هل ده فيه خطورة في القيادة (حاسس إن ضغط الهواء اللي بيحصل من التريللات ممكن يشفطني تحتها أو ينطرني برة الطريق)
- المسافة بين الشغل والبيت 8 كيلومتر.
- الطريق فيه مطالع ومنازل.
- الطريق فيه مسافة غير ممهدة (شوية نقر ومطبات خفيفة).


عاوز حاجة كويسة في حدود 800 - 1000 جنيه. وشكراً مقدماً

كتير قوي 800-1000 أنا كان عندي عجلة ب 500 كانت أنضف حاجة وقتها كان فيها عداد كيلو متر وstop light وإشارات كنت بسابق بيها العربيات

[FunnyMickey]

وانا كمان
فـمتابع

يا مسهل :)

صحيح أنا طولي 180 سم إيه المقاس المناسب؟؟ (أصل دي أول مرة اشتري عجلة وماعرفش أي حاجة خاااااااااااااااالص :) )

تصدق فعلا انها ممتازة وتصلح للمشاوير الصغيره
فيه محلات كتير فى وسط البلد بتبيعها..ممكن تسال هناك
بس انا عايز الكهربا منها بتكون حلوه اوى

طيب أنا هانزل ابو الجوخ اللي ف أكتوبر (اقرب محل بالنسبة لي) .. هل فيه أي اقتراحات بأي مكان يكون أرخص أو فيه موديلات أنسب؟؟

كتير قوي 800-1000 أنا كان عندي عجلة ب 500 كانت أنضف حاجة وقتها كان فيها عداد كيلو متر وstop light وإشارات كنت بسابق بيها العربيات:m_yes[1]:

كتييييير
:) :) :)
امال لو شفت عجله ب6000 ولا ب10000
حتعمل في البياع ايه :)

اقتله ياولد
بكسر الواو
:)

الفكره كلها كل ما يقل وزن العجله كل ما تبقي اريح في المشي واخف وكمان سعرها يعلي
الميزانيه اللي انتا عاملها حتجيب عجله حديد او المونيوم اي كلام

عالعموم ابو الجوخ فرع اكتوبر حتلاقي فيه عجل كويس
والمقاس المناسب ليك طبعا 26 ولو عجله ماركه حيبقي مقاس الكدر 18

وخللي بالك ان انتا حتسوق مسافه
ومحتاج حاجه تبقي كويسه تحت رجلك
لو ناوي تكمل بيها يبقي هات حاجه عالاقل المونيوم
عشان تبقي خفيفه

ومهم اوي لو الطريق مقطوع او مفيهوش بنزينات ولا حاجه
يبقي
محتاج فردتين داخلي لاي ظروف
وطقم لافيه عشان تعرف تخرج الكاوتش من مكانه لو حصل حاجه

دي اهم حاجه

[TaoTao]

كتييييير
:) :) :)
امال لو شفت عجله ب6000 ولا ب10000
حتعمل في البياع ايه :)

اقتله ياولد
بكسر الواو
:)

الفكره كلها كل ما يقل وزن العجله كل ما تبقي اريح في المشي واخف وكمان سعرها يعلي
الميزانيه اللي انتا عاملها حتجيب عجله حديد او المونيوم اي كلام

عالعموم ابو الجوخ فرع اكتوبر حتلاقي فيه عجل كويس
والمقاس المناسب ليك طبعا 26 ولو عجله ماركه حيبقي مقاس الكدر 18

وخللي بالك ان انتا حتسوق مسافه
ومحتاج حاجه تبقي كويسه تحت رجلك
لو ناوي تكمل بيها يبقي هات حاجه عالاقل المونيوم
عشان تبقي خفيفه

ومهم اوي لو الطريق مقطوع او مفيهوش بنزينات ولا حاجه
يبقي
محتاج فردتين داخلي لاي ظروف
وطقم لافيه عشان تعرف تخرج الكاوتش من مكانه لو حصل حاجه

دي اهم حاجه

كتر خيرك يا أستاذنا أنا كنت متابع موضوع المتميز عن المشايات الكهربية من فترة .. جزاك الله كل خير
بس أنا مش فاهم أغلب الكلام :b4_556:
يعني لما اروح المحل اسأله على عجلة ألومنيوم مش حديد، مقاس 26 عارهفا بس كادر 18 دي يعني ايه؟!!
اللافيه والداخلي دول حاجات ممكن اجيبهم من نفس المحل؟؟ وهل فيه أدوات تانية اشتريها (أنا معايا منفاخ )
لو الميزانية مش مناسبة عشان اجيب حاجة كويسة .. ايه هي الميزانية المناسبة؟؟

وألف شكر

[TaoTao]

وكمان موضوع المساعدين والسرعات .. ايه النظام؟

وياريت لو عندك فكرة عن الإكسسوارات (عدادات السرعة والمسافة والمرايات واللبس)

معلش هاتقل عليك في الأسئلة، بس ماصدقت واحد متخصص رد علي :)

[kar!m]

بص يا باشا .. مبدأيا فى نوعين مشهورين من الدراجات .. جبلية و سباق .. طبعا بالنسبة للي انت عاوزه .. الجبلية هى اللى هتنفعك .. فى نوع تالت اسمه هيبريد بتكون حاجه بين الاتنين .. بس مش منتشره أوى.

المبلغ اللى حضرتك حاطه ممكن يجيب لك عجله جبليه ماركه بس تكون مستعمله .. بس تزود عليه حاجه بسيطه .. يعنى لو توصل ل 1500 يبقى كويس .. ممكن تجيب بيجو أو أوربيا.

الحاجه اللى عاوز ألفت نظرك ليها انك هتمشى فى المتوسط بسرعة 16 كم/ساعه .. انت ممكن توصل ل 40 أو أكتر .. بس أنا بتكلم على المتوسط .. يعنى المسافه من شغلك لبيتك هتاخد نص ساعه تقريبا.

فى جروب على الفيس بوك اسمها Egyptian Used Bikes Market .. أنا كنت بايع عجله عليها قبل كده .. و اشتريت العجله اللى معايا دلوقتي من عليها برضه.

و بالتوفيق ان شاء الله.

[FunnyMickey]

كتر خيرك يا أستاذنا أنا كنت متابع موضوع المتميز عن المشايات الكهربية من فترة .. جزاك الله كل خير
بس أنا مش فاهم أغلب الكلام :b4_556:
يعني لما اروح المحل اسأله على عجلة ألومنيوم مش حديد، مقاس 26 عارهفا بس كادر 18 دي يعني ايه؟!!
اللافيه والداخلي دول حاجات ممكن اجيبهم من نفس المحل؟؟ وهل فيه أدوات تانية اشتريها (أنا معايا منفاخ )
لو الميزانية مش مناسبة عشان اجيب حاجة كويسة .. ايه هي الميزانية المناسبة؟؟

وألف شكر

وكمان موضوع المساعدين والسرعات .. ايه النظام؟

وياريت لو عندك فكرة عن الإكسسوارات (عدادات السرعة والمسافة والمرايات واللبس)

معلش هاتقل عليك في الأسئلة، بس ماصدقت واحد متخصص رد علي :)

ولا متخصص ولا حاجه
بص ياباشا
مقاييس شراء عجله بالنسبه لكل شخص بتختلف

فيه واحد حياخدها رياضه وتخسيس
وفيه واحد واخدها لف ولعب وخلاص
وفيه واحد بيسافر بيها وبتبقي حياته بالعجله

كل واحد من دول بيختار عجله حسب احتياجاته

المهم دلوقتي
حتلاقي انواع كتير اوي للعجل
من اول للاسف المصري و الصيني الردئ وده ابعد عنه
شكلها بيبان

وفيه الصيني الكويس
زي ماركه GTC TORBEDO
او TPT او TBG
يعني كلهم صيني وكويسين

حنيجي بقي لموضوع المونيوم ولا حديد
بردو ده يرجع لاختيارك

عاوز حاجه تفحتك وانتا طالع مطلع لانها حديد وجارر في رجليك ما لا يقل عن 25 ك
ولا حاجه خفيفيه 12 15 ك
تفرق بردو

الماركات اللي موجوده في السوق المصري
كماركه ومضمونه

بيجو واوربيا

الاولي وكيلها محلات بسكلته
والتانيه عندنا

بتفرق في ايه بقي
ان كل حاجه محطوطه في العجله ماركه
فتيس مساعدين فرامل كاوتش كل حاجه

طب اسعارها
مش اقل من 2500

سواء بيجو او اوربيا

موضوع المقاس بتاع الكادر بقي
مفيش مقاس في العجل المونت اكبر من 26
وحتلاقي فيه ناس طويله وناس قصيره
عشان كده تلاقي الفريم مقاسه 26
و26 ده مقاس الكاوتش

اما الفريم فعندك بقي من اول مقاس 14 وده ناس قصيرين اوي
لحد 22 وده ناس طوال

وممكن تعمل حساب للفريم المناسب ليك عن طريق السايت ده
Mountain Bike Size Calculator

موضوع الاكسسوار ممكن تأجله شويه
لحد ما تشوف نفسك في موضوع العجل حيمشي ولا لا
لانه بحر ملوش اخر

عامل زي الكمبيوتر
لو معاك 10000 ممكن تجيب اكسسوار للعجل

بس لافيه العجل وقطع الغيار ممكن تلاقيهم اه في نفس المحل ولو ملقيتهومش ممكن تطلبهم عادي


وانا تحت امرك في اي سؤال

[TaoTao]

بص يا باشا .. مبدأيا فى نوعين مشهورين من الدراجات .. جبلية و سباق .. طبعا بالنسبة للي انت عاوزه .. الجبلية هى اللى هتنفعك .. فى نوع تالت اسمه هيبريد بتكون حاجه بين الاتنين .. بس مش منتشره أوى.

المبلغ اللى حضرتك حاطه ممكن يجيب لك عجله جبليه ماركه بس تكون مستعمله .. بس تزود عليه حاجه بسيطه .. يعنى لو توصل ل 1500 يبقى كويس .. ممكن تجيب بيجو أو أوربيا.

الحاجه اللى عاوز ألفت نظرك ليها انك هتمشى فى المتوسط بسرعة 16 كم/ساعه .. انت ممكن توصل ل 40 أو أكتر .. بس أنا بتكلم على المتوسط .. يعنى المسافه من شغلك لبيتك هتاخد نص ساعه تقريبا.

فى جروب على الفيس بوك اسمها egyptian used bikes market .. أنا كنت بايع عجله عليها قبل كده .. و اشتريت العجله اللى معايا دلوقتي من عليها برضه.

و بالتوفيق ان شاء الله.

شكراً جزيلاً ع المعلومات الجميلة دي
وكويس إني لقيت حد غاوي لأني جديد في الموضوع بس قلت اغير شوية من نمط حياتي واعمل حاجة مفيدة لصحتي :)

اسألك بقى كام سؤال بصفتك محترف بسكلتات:
- إيه اخبار السواقة في شوارع المحروسة؟؟
- وإيه أخبار السواقة في الطرق السريعة؟ أنا حاسس إني ممكن اتشفط لو تريللا عدت من جنبي !!

وشكراً تاني لوقتك

[TaoTao]

ولا متخصص ولا حاجه
بص ياباشا
مقاييس شراء عجله بالنسبه لكل شخص بتختلف

فيه واحد حياخدها رياضه وتخسيس
وفيه واحد واخدها لف ولعب وخلاص
وفيه واحد بيسافر بيها وبتبقي حياته بالعجله

كل واحد من دول بيختار عجله حسب احتياجاته

المهم دلوقتي
حتلاقي انواع كتير اوي للعجل
من اول للاسف المصري و الصيني الردئ وده ابعد عنه
شكلها بيبان

وفيه الصيني الكويس
زي ماركه gtc torbedo
او tpt او tbg
يعني كلهم صيني وكويسين

حنيجي بقي لموضوع المونيوم ولا حديد
بردو ده يرجع لاختيارك

عاوز حاجه تفحتك وانتا طالع مطلع لانها حديد وجارر في رجليك ما لا يقل عن 25 ك
ولا حاجه خفيفيه 12 15 ك
تفرق بردو

الماركات اللي موجوده في السوق المصري
كماركه ومضمونه

بيجو واوربيا

الاولي وكيلها محلات بسكلته
والتانيه عندنا

بتفرق في ايه بقي
ان كل حاجه محطوطه في العجله ماركه
فتيس مساعدين فرامل كاوتش كل حاجه

طب اسعارها
مش اقل من 2500

سواء بيجو او اوربيا

موضوع المقاس بتاع الكادر بقي
مفيش مقاس في العجل المونت اكبر من 26
وحتلاقي فيه ناس طويله وناس قصيره
عشان كده تلاقي الفريم مقاسه 26
و26 ده مقاس الكاوتش

اما الفريم فعندك بقي من اول مقاس 14 وده ناس قصيرين اوي
لحد 22 وده ناس طوال

وممكن تعمل حساب للفريم المناسب ليك عن طريق السايت ده
mountain bike size calculator

موضوع الاكسسوار ممكن تأجله شويه
لحد ما تشوف نفسك في موضوع العجل حيمشي ولا لا
لانه بحر ملوش اخر

عامل زي الكمبيوتر
لو معاك 10000 ممكن تجيب اكسسوار للعجل

بس لافيه العجل وقطع الغيار ممكن تلاقيهم اه في نفس المحل ولو ملقيتهومش ممكن تطلبهم عادي


وانا تحت امرك في اي سؤال

ألف شكر يا أستاذ، معلومات مهمة جداً، هو حضرتك شغال في ابو الجوخ؟

[FunnyMickey]

دي عائلتي
وحاليا شغال بس لوحدي في مجال الاجهزه الرياضيه
بس فيه فكره بسيطه كده عن العجل

[TaoTao]

تشرفنا يا فندم، أنا دخلت على صفحتكم ع الفيس بوك، وما شاء الله كل اللي بيرد من "آل أبو الجوخ" :)
واحد قال لي على طوارج بـ 2300 جنيه !!

شكلها كدة هاستنى شوية أو اشوف حاجة مستعملة