عاوز بسكلتة

[aif]

سؤال
هو لو حد وزنه تقيل ينفع يركب بسكلته
انا وزني حوالي 115
هل الكاوتش يستحمل
وهل فيه حد اقصى ؟؟؟
نفسي اركب عجل زي زمان .... وتبقى رياضة مفيدة جدا

[eng.m7md.ali]

واحد صحبي من فترة 4 شهور كدة اشترى واحدة من عند ابو الجوخ في جسر السويس
بصراحة منصحكش تجيب من هناك
كان جايبها ب 890 اسمها هامر
كل شوية يرجع بمشكلة شكل
عندك كمان محلات بسكلتة دي كويسة بس غالية

[TaoTao]

أستاذنا الكبير الحاج أحمد بنفسه؟ نورت الموضوع .
بص أنا سألت بالنسبة لوزني (100 كيلو ) والرد كان الدراجة مناسبة لوزني
ممكن حضرتك تنضم للجروب ده: Anmelden | Facebook
اللي رد علي كان اسمه محمد حنفي ابو الجوخ.

[Amr Axel]

انا اخر مرة شوفت عند ابو الجوخ من اول 400 ج و انت طالع و طبعا اللي معدي نوعيات أنضف زي بيجو و بي ام
لكن الارخص صيني و مصري و هندي الحاجات اللي متعودين عليها فلو جيبت حاجة عادية خليك في الهندي و المصري
اسمع ان فيه صيني نضيف بس بالنسبة ليا كله صيني

بس عايز انبهك الانواع العادية بتكون حديد و تقيلة و هتكون صعبة شوية في المشاوير البعيدة النوعيات الافضل الومنيوم و بتكون خفيفة معاك في المشاوير و متتعبكش
غير طبعا خامة العجلة و ملحقاتها زي الفرامل فرامل النوعية النضيفة تختلف عن العادية اسأل مجرب هههههه الموضوع بيفكرك بالفرق بين الفرامل العادية و الفرامل اي بي اس غير طبعا باقي الملحقات او زي ما تقول الكماليات

و بالمناسبة ديه انا كنت عامل مبادرة لركوب العجل

يلا نركب عجل تاني | Facebook

و هتلاقي صور عن الاكسسوارات و العدادات ..ألخ..ألخ

بس خليك في العجلة الأول و السيفتي و بعدين نبص للاكسسوارات براحتنا :)

[TaoTao]

اشتركت في الصفحة وبقينا 50 نفر :)

هاتصفحها وارجع لك بالأسئلة ;)

[FunnyMickey]

تشرفنا يا فندم، أنا دخلت على صفحتكم ع الفيس بوك، وما شاء الله كل اللي بيرد من "آل أبو الجوخ" :)
واحد قال لي على طوارج بـ 2300 جنيه !!

شكلها كدة هاستنى شوية أو اشوف حاجة مستعملة

لو لقيت حاجه اوربيا او بيجو مستعمل حيبقي احسن 100 مره من العجل الصيني

[Hondawy_2008]

ايه البسكلتة الكهربا دي يا جماعة ؟ و بكااااام ؟

[TaoTao]

المفروض إنها عجلة عادية وبيركب عليها موتور كهربا (يعني تبدل عادي ولما تتعب ممكن تشغل الموتور الكهربا)

انت زميل في راية على ما افتكر، صح؟؟

[TaoTao]

لو لقيت حاجه اوربيا او بيجو مستعمل حيبقي احسن 100 مره من العجل الصيني

ربنا يسهل والاقي حاجة كويسة. وشكراً ع النصايح.

[البرنس]

بس حضرتك الصيف شادد حيلة فا إنك تبدل 8 كيلو دول إنت هاتبقي بتشر ماية و الريحة هتبقي حدث ولا حرج و هتحتاج تاخدلك دش أول ما توصل الشغل فا لازم تحط الموضوع دا في إعتبارك

[TaoTao]

احنا المفروض عندنا ساعة "جيم" Gym كل يوم في الشغل. كل يوم اقول هانزل ومانزلش. فاقلت لنفسي اجيب عجلة اروح بيها الشغل بدل الجيم، منها لياقة ورياضة ظريفة وشوية حفاظ ع البيئة، وأنزل الجيم آخد الدش الدافي وابدأ الشغل بإذن الله :)

[TaoTao]

وماينفعش اروح الشغل بالعجلة في الشتا عشان باوصّل العيال للمدرسة :)

(أكيد فيه ناس هاتقول راجل طويل عريض وعنده عيال وعاوز يركب بسكلتة !! :):):) )

[aif]

وماينفعش اروح الشغل بالعجلة في الشتا عشان باوصّل العيال للمدرسة :)

(أكيد فيه ناس هاتقول راجل طويل عريض وعنده عيال وعاوز يركب بسكلتة !! :):):) )

لأ المشكلة دي مش عندي الحمد لله
انا باعمل الصح واللي مش عاجبه يبقى يغمض عينه
والنتيجة رائعة
النتيجة ان ناس كتير بيقلدوني

[TaoTao]

صح كدة يا أستاذنا :)

[FunnyMickey]

ايه البسكلتة الكهربا دي يا جماعة ؟ و بكااااام ؟

المفروض إنها عجلة عادية وبيركب عليها موتور كهربا (يعني تبدل عادي ولما تتعب ممكن تشغل الموتور الكهربا)

انت زميل في راية على ما افتكر، صح؟؟

يعني انتا عاوز تقنعني ان العجله حيبقي فيها موتور
وانتا حتبدل برجلك
:)

طب خد عندك بقي قبل ما تشتري

1- العجله تقيله جدا لان فيها موتور
2- الموتور ده ببطاريتين 24 فولت
3- لو خلصوا يامعلم وانتا ماشي في نص الطريق يبقي جهز عضلات رجليك لمجهود خرافي لان العجله تقيله
4- سرعه العجله اما تكون مشحونه 40 ك م \س واما البطاريه بتبقي نص نص بتبطئ
5- سعرها 3000 جنيه يعني تجبلك موتسكيل هوجان ولا دايون اجدع
6- سلام عليكم :) :)