الجوازة دى مش ممكن تتم

[Ghosts]

كتير مننا ممكن يعجب بزميلة لة فى الدراسة, فى العمل و ممكن أوى يعجب بجارتة ....
لكن بعد تفكير عميق بتلاقى نفسك بتنفض للموضوع ....
أية هى الأسباب اللى ممكن تخليك تقول:
الجوازة دى مش ممكن تتم ....
نفس السؤال دة بردوا للفتيات ....
أية هى الأسباب اللى ممكن تخليكى ترفضى العريس؟؟!!

[rompo10]

يارتهم رفضوا يارتهم رفضوا انا مش عارف اخلع

[Screenplays]

بلا جواز بلا قرف بلا وجع دماغ
يعني هنتجوز ناديا جورلين و لا جوردانا بروستر ؟ و لا هنعيش في امريكا و لا في كندا ؟
بلا قرف بلا وجع دماغ

[Ahmed_Ramadan]

يارتهم رفضوا يارتهم رفضوا انا مش عارف اخلع

Loooooooooooool ..................أنا مش قادر أبطل ضحك

[SHNORY]

هو انتم مش بتحرموا ؟؟؟
شوف يا سيدي
حنعيد الكلام لعاشر مره
متفكرش انك حتغير طبع لو فيها طبع مش عاجبك
متفكرش انها حترضي بقليله لو مكانتش راضيه او وافقت علي مضض
متفكرش انها حتبطل تبص لغيرها لو كانت بتبص
متفكرش انها حتبطل تفتكر نفسها هبه الله في الارض
ولو مش ماليه عينك متاخدهاش احسنلك واحسنلها
وباختصار اكتر
اللي متعملكش تاج لراسها متعملهاش مداس لرجلك
والكلام للبنات برضه ويختارو علي نفس الاساس

وكل اللي بتكلم فيه ده ملهوش علاقه بالاخلاق والتدين
دي حاجات تانيه

ملحوظه:
متعملش فيها عم الشهيد المناضل وتمضي علي قايمه انت مش قدها
طالما بيمضوك علي شويه خشب وزباله ومش ضامنينك فيهم
حيدولك بنتهم اصلا ليه ؟؟
ولا هو الخشب اغلي منها؟؟

[SHNORY]

loooooooooooool ..................أنا مش قادر أبطل ضحك

شكله ماضي علي كتير

[Screenplays]

الله علي حكمك يا شنوري

[Screenplays]

يارتهم رفضوا يارتهم رفضوا انا مش عارف اخلع

هههههههههههههههههههه شكلك ماضي علي ترليون دولار

[rompo10]

هههههههههههههههههههه شكلك ماضي علي ترليون دولار

انا لسه خاااااااااطب وانا مش عاوز اتجوز اصلا ومش عارف اخلع لانها قريبتي

[Screenplays]

طب حد قالك تخطبها من الاول ؟ يعني حطوا علي رقبتك سكينه و قالولك اخطبها و لا هنطيرلك رقبتك ؟ انت اكيد خاطبها بمزاجك و كيف كيفك يبقي متقولش اخلع و خصوصا هتتعمل مشاكل للركب عندكوا في العيله لو سبتها

[khaled_yassin]

البببببببببببببببببببس يا شعب

[rompo10]

طب حد قالك تخطبها من الاول ؟ يعني حطوا علي رقبتك سكينه و قالولك اخطبها و لا هنطيرلك رقبتك ؟ انت اكيد خاطبها بمزاجك و كيف كيفك يبقي متقولش اخلع و خصوصا هتتعمل مشاكل للركب عندكوا في العيله لو سبتها

يعني ياباشا هو في حد من رجاله المنتدي حد ضربه عشان يخطب ولا يتجوز ما كله بيشتكي جت عليا يعني

[الغزالى]

ابوها لحقها واحنا صغرين وسافر ابن .................... ملحقتش اقول حاجه ولا اعمل حاجه
ولما شوفتها واحنا كبار ممبقاش مصدق انى شوفتها ... لحد اما اختفت تانى ولقيتها على الفيس ومش عارف مش راضيه تقبل طلب الصداقه ليه ... نحس نحس يعنى من يومى

[Screenplays]

يعني ياباشا هو في حد من رجاله المنتدي حد ضربه عشان يخطب ولا يتجوز ما كله بيشتكي جت عليا يعني

ههههههههههههههههههههههههههههههه انا كنت بنكشك علي فكره بس انا اول مره اقري علي المنتدي ان واحد خطب و عايز يخلع بدون ابداء اسباب

ابوها لحقها واحنا صغرين وسافر ابن .................... ملحقتش اقول حاجه ولا اعمل حاجه
ولما شوفتها واحنا كبار ممبقاش مصدق انى شوفتها ... لحد اما اختفت تانى ولقيتها على الفيس ومش عارف مش راضيه تقبل طلب الصداقه ليه ... نحس نحس يعنى من يومى

يا عم فكك منها و تلاقيها مخطوبه و لا متجوزه حاليا

[rompo10]

انا مش عاوز اخلع عشان خطبتي بالعكس انا كنت عاوزها بس انا عاوز اخلع من الجواز عموما