عا يز نظاره بس اصلي اصلي

[hugan]

كنت عايز اشتري نظاره لكن عايزها اصلي مش كوبي او فيرست كوبي

لان كان معايا ريبان امريكي واتكسرت
واشتريت واحد ه بوليس ومكتوب عليها ايطالي
لكنها من الواضح انها مضروبه وعينيا تعبتني جدا منهاوحاسس بزغلله
احسن مكان اشتري منه
وازاي اقدر اتاكد انها اصلي ومش كوبي حتي لو مكتوب عليها صنع في ايطاليا حفر

[Amrgamal1]

عشان تتأكد انها اصلي وانت مغمض..يبقي تشتري من محل موثوق منه
في محل في كارفور حاجته كلها اصليه كنت سألت عنده عن نضارة ريبان ب 1150 بس تحفه
وبعدين بيبان من خامه النضارة والجراب والمنديل والسائل بتاع تنضيف العدسات انها اصلي

[Screenplays]

و الله الحاج جايب حته نضاره ريبان ظالمه بس من الخليج مش من هنا و قلبت الدنيا علي واحده زيها مش لاقي

[OMAR61995]

روح محل مشهور
و الأضمن تكون polarized لأنها شبه مستحيلة تتعمل فى الصينى

[wahba87]

طيب سؤال , هو محل M Gahar مضمون ؟

[dr.hazem]

روح محل مشهور
و الأضمن تكون polarized لأنها شبه مستحيلة تتعمل فى الصينى

انا شاري نظاره بوليس كوبي وبولارايزد
هههههههههههههههه
ياباشا مخلوش حاجه لحد والافضل انك تشتريها وانت عارف انها كوبي احسن ميتضحك علينا
بالنسبه للكوبي في البولارايزد انا سألت والكل قال ان العدسات اصليه والفريم هو اللي كوبي

تحياتي

[DreAmO]

ياباشا مخلوش حاجه لحد والافضل انك تشتريها وانت عارف انها كوبي احسن ميتضحك علينا

انا كنت داخل اقول كدة بردو

اختصر وهات تقليد .. علشان مابقاش فيه حاجة اصلي في البلد

واعتبرها اصلي يا سيدي

[OMAR61995]

هاااار أسود
حتى الكوبى بقى بولارايزد
بس المهم العدسة تبقى أصلى مش مهم الفريم

[dr.hazem]

هاااار أسود
حتى الكوبى بقى بولارايزد
بس المهم العدسة تبقى أصلى مش مهم الفريم

والله انا جربته عالوورقه التستر وشغال وعاجباني الحقيقه وندمت اني مخدتش اتنين منها


تحياتي

[ehab]

توكيل راي بان في مصر هو منير نصيف و دا مضمون انك تلاقي عنده الاصلي

[hugan]

والله انا جربته عالوورقه التستر وشغال وعاجباني الحقيقه وندمت اني مخدتش اتنين منها


تحياتي

شكرا لكل الاخوه
اشترتها منين يا دكتور
والاسعار
وازاي جربتها واتاكدت انهابولر رايزد

[OMAR61995]

هو فى طريقتين
الأولى لو هتشترى من محل هيديك كارت عليه رسمة
و لما تبص عليه بالنضارة هتشوف حاجات مكانتش موجودة من غير النضارة


و الطريقة التانية أنك تمسك النضارة قدام أى نور زى شاشة الكمبيوتر مثلاً و تميلها 90 درجة هتلاقيها بتغمق

[د.أبونضال]

هو فى طريقتين
الأولى لو هتشترى من محل هيديك كارت عليه رسمة
و لما تبص عليه بالنضارة هتشوف حاجات مكانتش موجودة من غير النضارة


و الطريقة التانية أنك تمسك النضارة قدام أى نور زى شاشة الكمبيوتر مثلاً و تميلها 90 درجة هتلاقيها بتغمق

أنا عملت التجربة بتاعة الكمبيوتر دي واغمقت فعلا بس على ناحية واحد بس يعني ميلتها ناحية الشمال اغمقت لكن ناحية اليمين لأ... كمان لاحظت إن زجاج السيارت وأنا سايق بيبقى عامل شكل الشبكة كده في نور الشمس خصوصا السيارات القديمة ودي حاجة ما كنتش باشوفها أيام النضارات الزبالة...
النضارة اسمها GRAVITY titanum وأخويا الله يصلح حاله جايبهالي هدية من الإمارات ومكتوب عليها made in Italy وجرابها محفور عليه الماركة ومعاها سائل تنظيف ومنديل كمان .... وسعرها حلو جدا حوالي 275 جنيه مصري ما يعادل 170 درهم ...لكن أخويا بيقول إن المحل بيبيعها للمواطنين ب 250 درهم ... وفعلا ريحت عيني كتير في السواقة

[dolly13]

منير نصيف وبركة وجولى عندهم اصلى ولو مش اصلى بيقولولك وبيقولولك على الفروق
دول ثقة ومش هايخدعوك

[dr.hazem]

شكرا لكل الاخوه
اشترتها منين يا دكتور
والاسعار
وازاي جربتها واتاكدت انهابولر رايزد

انا اشتريتها من احد الاخوة اللي بيبيعو عالنت
هو كان عنده محل ورحتله للمحل وقعدت اجرب واخدت منه يومها كميه يعني هدايا وكده

هو عنده ورقة تستر
جربت كذا نوع من البولارايزد ولقيت افصضلهم البوليس فأخذتها

الاسعار انا دفعت 200 جنيه للبولارايزد

حاليا الشخص ده بيصفي بضاعة 2011 وهينزل موديلات 2012 لكن في غيره كتير وبيبيعو بس اغلى من كده حاجه بسيطه

هوا ادهاني بالعلبه والمنديل ومعاها كرت الآي دي بتاع بوليس
حاجه كوبي كوبي يعني
ههههههههههههههههههههههههه

وبرضو اتأكدت من البولارايزد عالطبيعه بقا
رؤية افضل بكتيييييييييييييييير ما شاء الله

تحياتي