المشاركة الأصلية كتبت بواسطة engtmk
مشاهدة المشاركة
ثانيا المرتب ده هاتدفع منه ايجار شقه (و لازم تبقي لوحدك في الشقه طبعا علشان معاك مراتك) ده علي حسب المنطقه يعني لو في خيطان او الفروانيه يبقي من ١٥٠ الي ٢٥٠ دينار و دي شقه صغيره اوضتين و صاله بدون عفش و ده شهريا
ممكن فيه اسواق مستعمل للمغتربين اللي بيرجعوا بلادهم بيبيعوا فيها العفش بتاعهم ممكن تفرش الشقه منه بحوالي ٤٠٠ الي ٧٠٠ دينار علي حسب الحاله و دي ان شاء الله هاتبقي مره واحده
المواصلات هاتبقي علي حسب شغلك بس هو فيه مواصلات عامه (الصراحه عمري ما ركبتها)
بس لو هاتستلقطلك عربيه مستعمله ممكن تخشلها في ٥٠٠ اللي ٧٠٠ دينار (بس ما تكونش محتاجه مصاريف)
المرتب معقول بس فيه نقطه مهمه جدا بالنسبه ليك (الطفله )اللي معاك هاتحتاج تروح مدرسه و لا لسه صغيره (خد بالك التعليم هنا مش رخيص)
و عموما انا انصح حضرتك تيجي هنا شهرين تلاته الاول بدون عيلتك و تشوف الوضع لو تمام ابعتلهم التذاكر

)
Comment