Tweet
يوميات مبارك وأسرته مع الفقر وسنينه
وأنا قاعد فى ساعة صفا كده سرحت بخيالي وقولت يجرى أيه لو طلع الشعب المصري قلبه أبيض أكتر ماهو أبيض
ويصدر قرار شعبي بعد أستفتاء
أن يتم العفو عن مبارك وأسرته ولكن عليهم أن يعيشوا مثل أغلب المصريين -تحت خط الفقر-بقيّة حياتهم
ومن هذا المنطلق هنشوف ونسمع يوميات مبارك والعائلة المحترمه جدا
الساعه تدق السابعة صباحاً
الدور الثاني فى منزل آيل للسقوط
حسني: فيه اييييييييييييييييه يا ناس
البيت بيقع ولا أيه ؟ ولا فيه زلزال
سوزان: صباح الخير يا سونه
مش تقلق دي الست جارتنا بتنفض السجاده الجديدة عقبال عندنا
بتنفضها فى اليوم يجي سبع مرات
وكويس أنك صحيت يا حبيبي عشان الفطار جاهز
وعشان تفتح الورشة بدري
حسني: الله يعكنن عليكي يا شيخه ع الصبح
لازم تفكريني بحكايه الورشه دي
فيييييييييييين ايام زمان كنت اصحى أفطر وأنزل ملعب الأسكواش
سوزان: ياحبيبي وهى الرياضة أنقرضت يعني ماهو عيالك العفاريت بيلعبوا من الصبح أهو
حسني: معقول فيه هنا أسكواش يا سوزى؟
سوزان: لا يا سونه بيلعبوا صلّح على قفا بعض
ومش عايز اقولك قفا جمال بقى أد ايه لأنه بيخسر من الصبح
حسني: طب سدي بقك ده شويه وبطلى وش
فاكرة نفسك فى معرض الكتاب يا وش الفقر أنت
سوزان: الفطار جاهز يا علاء أنت وجمال
كل واحد ينادي على مراته لأن الموجود طبق فول واحد
حسني: أوعى حد منك أنت وهو وهى وهو وهى يمد أيده
قبل ما نقول القسم بتاع كل يوم
كلهم فى نفس واحد: فاكرين يا بابا وحافظين
ثورة ثورة
دار دار
أمنا وأبونا
معزه وحمار
تحيا الثوره
يحيا الأبطال
يلا ناكل
يا شلة اقذار
حسني: يا سلااااااااااااام عليك يا سوزى عليكي طبق فول يهوس
أى أى أى
علاء: مالك يا بابا فيه ايه
حسني: حاجه كانت هتكسر سناني وأنا باكل اول قطمه
سوزان: تاكل وأنت ساكت يا سونه أكيد مسمار أو غطا حاجه ساقعه أو زرار قميص حد من الفرن
جمال: بس ياماما لو المسمار أكبر من 10 سم ممكن نرفع تعويض
سوزان: خيبه فى خيبة ابوك دي كلها معادن عشان صحكتكم
دا اقل واحد فى عصر ابوك الأسود فتح محل حدايد من مسامير العيش بس
زوجة علاء: عندك حق يا طنط أم علاء أنا فاكره كنت بزور مستشفى عشان الشو الأعلامي وكده
ولقيت شاب مكسور فى حادثه ومحتاج شرائح ومسامير
الدكتور قال له هنعمل لك شرايح بس لأنك مليان مسامير
سوزان: بقولك ايه يا سونه قبل ما تنزل الورشه الله يسترك تشوف لنا حد معرفه كده يجيب لنا انبوبة بتوجاز
حسني: أنا أشوف؟ وعندك بغلين أهم
خلى المخفي الصغير صاحب الطبال أحمد عز يشوف لنا أنبوبه
(صوت عالى بدرجه كبير بيقول)
أنت يا ولييييييييييييييييه يالى أسمك أم علاااااااااااااااااااااااء
ردي يا مخفيه الله يحرقك
حسني: مخفيه!!!!
مين عرف أسم الدلع بتاعك يا سوزي
سوزان: دي أكيد الست أم لسان طويله اللى فوقنا
اشوفها عايزه ايه
ايوه يا ست أم فاروق بتنادي عليا؟
أم فاروق: أيوه يا حربايه يا مراة الجعر
عايزه أنشر وأنت حاطه جلابية الجعر جوزك ولبس البغلين ولادك
احقاقا للحق الكلام ده منقول من احد المنتديات........................
Comment