مشروع كاوتش و جنوط

[bHa2]

انا عارف ان الناس هنا بتكسل ترد ع المشتركين الجدد
بس هطرح الموضوع يمكن حد يتكرم و يرد عليا
واضح من العنوان ان والدي عاوز يعمل مشروع بيع كاوتش و جنوط
كنت عاوز اعرف اكتر عن تفاصيل عن تكاليف المشروع
ف اتمني لو حد يقدر يعمل دراسه جدوي صغيره عن الموضوع دا يبقي ربنا يجازيه خير :)

[Kareem.ElAraby]

انا عارف ان الناس هنا بتكسل ترد ع المشتركين الجدد
بس هطرح الموضوع يمكن حد يتكرم و يرد عليا
واضح من العنوان ان والدي عاوز يعمل مشروع بيع كاوتش و جنوط
كنت عاوز اعرف اكتر عن تفاصيل عن تكاليف المشروع
ف اتمني لو حد يقدر يعمل دراسه جدوي صغيره عن الموضوع دا يبقي ربنا يجازيه خير :)

السلام عليكم الاول بس و أهلا بحضرتك هنا معانا في المنتدي
و لا حضرتك مش بنكسل نرد احنا هنا كلنا أسره واحده بس بنختلف ان اللي يعرف حاجه بيقولها و اللي مش عارف او مش عنده خبره بيسكت و مش بيفتي ده كل ما في الامر عشان حرام أفتي و أودي واحد البحر و أرجعه عطشان و أسوحه

موضوع المشروع بتاع والدك اللي أقدر أفيدك فيه ان الجنوط تكون تايواني و اندونيسي و تكون بعيده كل البعد عن الصيني حضرتك لان الصيني مش بيستحمل نهائي و لو حضرتك تابعت علي المنتدي هتلاقي فيه ناس كتير حصل ليهم مشاكل بسببهم
لف لفه كده عند أشرفكو و الروماني و ارابكوم و اتفرج و دول من أشهر الناس في الجنوط النضيفه و أفضلهم من وجهه نظري أرابكوم بس يعيبه ارتفاع اسعاره النسبي ثم يليه اشرفكو

الكاوتش يا ريت يكون من الماركات العالميه المشهوره و يكون بتاع بلده بمعني بريدج ياباني و كومهو كوري و بيريللي و كونتينتال ألماني ف بلاش يجيب أي ماركه من دول و تكون من منشأ غير بلدها و يكون تاريخ الانتاج قريب و تتخزن صح علي رف مش أي رميه في أي مخزن و السلام زي ما بأشوف عند ناس لما بأكون بألف علي كاوتش

دراسه حدول لا أفتي و ما أعرفش اكتر من اسمها و ربنا يوفقك و يرزقه الرزق الواسع بالحلال و مبروك مقدماا

[bHa2]

السلام عليكم الاول بس و أهلا بحضرتك هنا معانا في المنتدي
و لا حضرتك مش بنكسل نرد احنا هنا كلنا أسره واحده بس بنختلف ان اللي يعرف حاجه بيقولها و اللي مش عارف او مش عنده خبره بيسكت و مش بيفتي ده كل ما في الامر عشان حرام أفتي و أودي واحد البحر و أرجعه عطشان و أسوحه

موضوع المشروع بتاع والدك اللي أقدر أفيدك فيه ان الجنوط تكون تايواني و اندونيسي و تكون بعيده كل البعد عن الصيني حضرتك لان الصيني مش بيستحمل نهائي و لو حضرتك تابعت علي المنتدي هتلاقي فيه ناس كتير حصل ليهم مشاكل بسببهم
لف لفه كده عند أشرفكو و الروماني و ارابكوم و اتفرج و دول من أشهر الناس في الجنوط النضيفه و أفضلهم من وجهه نظري أرابكوم بس يعيبه ارتفاع اسعاره النسبي ثم يليه اشرفكو

الكاوتش يا ريت يكون من الماركات العالميه المشهوره و يكون بتاع بلده بمعني بريدج ياباني و كومهو كوري و بيريللي و كونتينتال ألماني ف بلاش يجيب أي ماركه من دول و تكون من منشأ غير بلدها و يكون تاريخ الانتاج قريب و تتخزن صح علي رف مش أي ركيه في أي مخزن و السلام زي ما بأشوف عند ناس لما بأكون بألف علي كاوتش

دراسه حدول لا أفتي و ما أعرفش اكتر من اسمها و ربنا يوفقك و يرزقه الرزق الواسع بالحلال و مبروك مقدماا

شكراً يا استاذ كريم ع سرعه الرد
انا كتبت الكلام دا لانه محصلش معايا لوحدي لا انا بلاحظه كتير
ما علينا
انا بقي كنت عاوز اعرف هل انا هستورد ولا هجيب من مستورد
والحد الادني لرأس مال مشروع زي دا يكون كام وهكذا :)

[Screenplays]

لو حضرتك عايز دراسه جدوي احترافيه انا ممكن ابعتك لمكتب محاسب صديقي

[bHa2]

لو حضرتك عايز دراسه جدوي احترافيه انا ممكن ابعتك لمكتب محاسب صديقي

الموضوع لحد دلوقتي مجرد فكره قابله لتطبيق
فانا بحاول اجمع الاول معلومات بشكل عام عشان الرؤيا تكون اوضح ليا
من ساعه الثوره بصراحه والاحوال الماديه ف النازل بشكل سئ
والدي كان كلمني ف الحوار دا قبل الثوره بفتره
ودلوقتي بقي ينزل يشتغل بال 16 ساعه ومفيش عائد
ف فكرت اني اقترح عليه الموضوع تاني يمكن يدوس فيه
ف لو الموضوع حسيت انه كويس
هروح اعمل دراسه الجدوي وادور المكان و اطرح قدامه كل التفاصيل
جزاك الله خير يا استاذ سكرين علي عرضك للمساعده :)