وصفة فى القاهرة؟

[azmeralda]

من الدراسة للمهندسين اوصفوا لى الطريق بالعربية ولو ركبت تاكسى ادفع كام

والمهندسن كبيرة اتوه فيها يعنى ولا عادى؟

[A.Saad]

الدراسة للمهندسين
1- صلاح سالم
الملك الصالح
ش النيل
العجوزة - ش التحرير ومنه للبطل احمد عبد العزيز او طوالى كورنيش ثم ش احمد عرابى وش جامعة الدول
2- صلاح سالم
نفق الازهر
ش فؤاد
الاسعاف
ميدان عبد المنعم رياض وكوبرى مايو
ش جامعة الدول ومحى الدين وعرابى
المسافة حوالى 12 او 15 كيلومتر

[hussein]

اطلعى كوبرى اكتوبر وخديه لحد اخره هينزلك اول البطل احمد عبد العزيز

[Ayman-Ahmed]

لو رايحة مرور الدراسة وانت خارجة من المرور الشارع اتجاه واحد اجبارى واخرالشارع يمين فى يمين تانى مع محطة موبيل هتطلعى صلاح سالم تانى وتنزلى النفق وتطلعى من النفق شمال فى سنة شمال تانى(خلى بالك الشمال ده فى عربيات تمناية بتقطع الطريق ساعات) هتكملى علطول وتدخلى من قبل ميدان عابدين يمين وعلطول هتوصلى ميدان هتقطعيه وتكملى علطول لحد ميدان عبد المنعم رياض وتسالى على كوبرى 15 مايو واطلعيه او كوبرى اكتوبر اتجاه المهندسين وهتنزلى البطل احمد عبد العزيز واخره شارع جامعة الدول العربية(اكبر شوارع المهندسين)

التاكسى الابيض : ممكن يكلف من 12-18 جنيه حسب الزحمة.

المهندسين مش صغيرة واللى ميعرفهاش كويس ممكن يتوه فيها. هو العنوان اللى حضرتك فين او جنب ايه؟

[Screenplays]

رايحه فين في المهندسين ؟

[azmeralda]

شكرا على ردودكم
واهتمامكو
انا رحت فعلا


انا حبيت كوبرى اكتوبر ده جدا اى مكان رايحاه تقريبا بلاقيه له مخرج من فوقيه حقيقى اختراع

انا كنت رايحة شارع الشهيد احمد عبد العزيز بس فعلا شارع زحمة غير طبيعية ورغم ان فيه بين كل جراج والتانى جراج : ) العربيات ركنة صف تانى


بالمناسبة بقى البطل اللى الشارع متسمى بيه ده عمل ايه ؟؟

[aif]

شكرا على ردودكم
واهتمامكو
انا رحت فعلا


انا حبيت كوبرى اكتوبر ده جدا اى مكان رايحاه تقريبا بلاقيه له مخرج من فوقيه حقيقى اختراع

انا كنت رايحة شارع الشهيد احمد عبد العزيز بس فعلا شارع زحمة غير طبيعية ورغم ان فيه بين كل جراج والتانى جراج : ) العربيات ركنة صف تانى


بالمناسبة بقى البطل اللى الشارع متسمى بيه ده عمل ايه ؟؟

ده احد ابرز ابطال مصر في حرب فلسطين 1948 واستشهد فيها في اغسطس 1948 بعد ان قام باعمال بطولية رائعة
رحمه الله وتقبله شهيدا

[azmeralda]

تمام الله يرحمه