بتشترى عبايات منين؟؟

[أشرف فتحى]

بمناسبه دخول الصيف والحر......قررت أشترى عبايات .....بصراحه.....مريحه جدا جدا وسهله فى اللبس والغسيل وكل حاجه....

المشكله بقى انى عمرى ما اشتريت واحده...يا جاتلى هديه مع حد جى من السعوديه يا حد بيلف بيها يبيعها علينا فى الشغل...

حد يقوللى أجيبها منين زى بتاعه السعوديه ....؟!!

يمكن الموضوع يبان مش مهم بس أدينا بنستفيد من بعض!!!!

[kar!m]

هو حضرتك اسكنراني أصلا .. أصل الاسكندرانيه هما اللى بيقولوا عبايات .. احنا بنقول جلابيه :-)

ممكن التوحيد و النور .. أحيانا بلاقى عند جلابيات الأصيل.

[koshary]

لما بتحتاج وانا فى القاهره بشترى من التوحيد والنور وعادة لما بروح البلد اقضى كام يوم هناك بشترى جديد من هناك فى محلات متخصصه والاسعار هناك ارخص من هنا بكتيير

[mostafabakry]

علي فكرة فيه فرق بين العباية و الجلابية
الجلابية دي كلنها عارفينها طبعا فيه منها انواع مختلفة
1-بلدي و دي بيلبسوها الصعايدة والفلاحين و بتتفصل حسب المقاس مش جاهزة و بتكون من غير ياقه و اكمامها واسعه و نفس تفصيلة الجلابية واسعه و برحة و مفيهاش زراير زي الصور دي ههههه

و علي فكرة الجلابية البلدي بيتلبس تحتها صديري زي البدلة و كمان حاجة اسمها تقشيطة بتكون جلابية بس خفيفة جدا و بلون فاتح زي جمال اسماعيل كدا ما لابس في الصورة

انا ليا عم مزاجه عالي حبتين بيفصل جلاليب بلدي الواحدة بتكلفه اكتر من الف جنيه وطبعا بتكون قماشتها صوف بيبعت يشتري القماش من برا من الخليج طبعا بملحقاتها صديري و تقشيطة من الاخر مكيفة الهواء ههههههههههههه

2- والنوع التاني بيطلق عليه الافرنجي او بيسموها اسكندراني اللي بتكون بياقه و اكمامها اما وفتوحة او باساور و بيبقي فيها زراير تقفل الصدر و ممكن تتفصل و كمان بتتباع جاهزة

3- الجلابية الخليجي و دي اللي حاليا انتشرت و كلنا عارفين شكلها و طبعا اغلبنا بيلبسها يوم الجمعة في الذهاب للصلاة

اما بأه العباية دي بتتلبس في البيت و بتكون اما بكم او بنص كم حسب ما بتحب و فيه ناس ممكن تخرج بيها في اماكن قريبة من البيت يعني ممكن يصلي بيها لو المسجد قريب من بيته
انا بصراحة بلبسها في البيت بس مبطلعش بيها و هي لبسي المفضل في الصيف و تكون قطن و برتاح جدا اما البس اقدم عباية عندي بتكون مريحة جدا خصوصا لما بتكون دايبه خالص من كتر اللبس برتاح جدا و انا لابسها هههههه مزاج متسولين هههههه

اماكن بيعها منطقة الموسكي و سوق غزة في الواايلي و طبعا عمر افندي و بيع المصنوعات و بنزايون و اكيد التوحيد و النور

[SHNORY]

هو حضرتك اسكنراني أصلا .. أصل الاسكندرانيه هما اللى بيقولوا عبايات .. احنا بنقول جلابيه :-)

ممكن التوحيد و النور .. أحيانا بلاقى عند جلابيات الأصيل.

لا يا عدو الساحل
اشرف قاهري مش اسكندراني
هههههههههههههههههههههه
كمان هو انت لسه محرمتش يابتاع القوطه و الطعميه ؟؟
هههههههههههههههههههه

[أشرف فتحى]

لا يا عدو الساحل
اشرف قاهري مش اسكندراني
هههههههههههههههههههههه
كمان هو انت لسه محرمتش يابتاع القوطه و الطعميه ؟؟
هههههههههههههههههههه

أشرف.. قاهرى المنشأ... سكندرى الهوى..!!!!

[أشرف فتحى]

أنا شايف فى إجماع على التوحيد والنور...توكلنا على الله..!!!

[MaZaGAngeE]

مش عارف
أصل المدام أو والدتي اللي بيشتروا الملابس الخاصة بيا
بس كويس اهه الواحد يعرف برضه