هو دا طبيعي ولا انا بس ؟!

[HeMa_LanCeR]

الموضوع ومافية اني بشتغل محاسب في شركة مقاولات
بس للأسف انا مش بشتغل محاسب بس
لأ انا كمان ماسك المشتريات
ومتابع مناقصات قطاع البترول
وبروح اوصل المناقصات بنفسي
وبروح اشتري الحاجات واسلمها في المواقع بنفسي
واي حاجة بيحتاجوها بنزل اجيبها
ولو في شغل في الورشة بروح بنفسي اقف علية واخلصة
ولو اتزنقوا مرة في الموقع بنزل معاهم المواقع
ولو جت بضاعة ومافيش حد من العمال عادي بنزلها طبعا
والمفروض ميعاد الشغل من 9 الي 5
الشهر اللي فات اتأخرت كام يوم كده بقيت باجي بعد 9
اتخصملي فلوس
مع العلم اني عمري ما مشيت 5 دي ابدا
يعني اقل يوم امشي 6 وساعات 9 وساعات 12 بدون اي مقابل
ولما اتكلمت اني زي ما اتخصملي زي ما هاخد لما اتأخر
اتقالي لأ دي مالهاش دعوه بدي اخبط دماغي في الحيطة يعني
واخيرا اطلب مني اني انزل مع فريق المبيعات وطبعا بدون مقابل

انا بجد مبقتش فاهم في ايه
انا بعمل كل حاجة في الشركة شغال جميع الوظايف
وفكرت كتييير اني امشي بس للأسف انا ضد مبداء اني اقعد في البيت

هو ده طبيعي ان الواحد يعمل كل ده ولا في ايه بالظبط

[Bonanza]

عدي الفترة دي علي خير و استحمل

الوقت اللي احنا فيه ده تحمد ربنا انك بتشغل اصلا و بيدخلك مرتب في اخر الشهر

صحيح اللي بيحصل معاك ده مش طبيعي و لا يطاق و من حقك تشتكي و من حقك اي دقيقة زيادة في الشغل تاخد قصادها فلوس و من حقك انك تعترض و ترفض اي شغل خارج توصيفك الوظيفي

لكن الوقت اللي احنا فيه اللي ماسك وظيفة و بيقبض مرتب يحمد ربنا و يبوس ايدة شعر و دقن

[mohammedabdallh]

هو كدا وفى ازيد كمان ومش عاجبك انت عارف
يارجل احمد ربنا انك فى مكان لسه شغال وبيديك فلوس

[Hondawy_2008]

استحمل و ما تمشيش لأن أي واحد دلوقتي ممكن يقرفك علشان تمشي و يجيب حد بدالك بمرتب أقل دي سياسة الشركات الخاصة طول عمرها كدة و في الوقت دة ألعن علشان مفيش سيولة عندهم و الاقتصاد منهار و البورصة واقعة

[Screenplays]

معلش تعالي علي نفسك لان فعلا هتندم لو سبت الشغل ده

[Eng.Mina]

بعض اصحاب القطاع الخاص للأسف بيعاملوا الموظفين والعمال اللي عندهم معاملة العبيد ( انا مش بتكلم علي حضرتك طبعا انا بتكلم عموما ) واللي يفتح بؤه ويطالب بحقه بياخد علي دماغه ويخلوه هو اللي يقدم استقالته وده انا شفته بعيني في اضراب حصل من سنة في المصنع اللي انا بشتغل فيه مع ناس غلابة مش حمل دخول في قضايا ومشاكل مع أصحاب المال الا اللي عنده منهم فلوس وبال طويل .
عموما محدش لاقي شغل الايام دي واللي بيشتغل في مكان بيمسك فيه بايديه وسنانه .

[احمد المصرى]

ربنا يكون فى عونك وان شاء الله الفرج قريب

[Amrgamal1]

لا مش طبيعي طبعا
انا والدي عنده شركه مقاولات والمحاسب عندنا شغلته الحسابات بس
اخرة اوي لو راح يودي اوراق وملفات للمحاسب القانوني في مكتبه كل سنه
غير كدا مش بيتحرك من المكتب بتاعنا غير لو طلب شخصي طلبته منه انه يخلصه ولقيت وقته يسمح ب دا
بس لو حضرتك بتاخد مقابل اضافي علي كل دا يبقي تمام اوي و اوعي تسيب الشغل دا

سؤال برا المنهج معلش .. حضرت شغال في شركه ايه ؟ وحجمها ايه ؟

[ابو ليلى]

بص يا صديقى انت لو خرجت بره الموضوع وشفته هتلاقى نفسك كسبان
كل الحاجات اللى انت بتعملها دى بتاخد خبرة فيها ...يعنى فلوس برضه بس فى رصيدك
هتيجى بعد سنتين تلاتة هتسحب من الرصيد ده .

[abogogo]

كنت شغال نفس شغلنتك من 98 وحتى 2001 قبل ما اتعين في الحكومة كل اللى انت بتقول عليه كأنك بتحكي عن طبيعة شغلى في الفترة دي في شركة مقاولات ...!!! كنت محاسب - سكرتير - مشهلاتي - سواق - مندوب مشتروات - ملاحظ مواقع - ... الخ اصبر وربنا ان شاء الله يكرمك جميع شركات القطاع الخاص بتستنزف الموظف يعني لو بيديك جنيه ياخد منك شغل بـ 100 جنيه للأسف هو ده العادي في مصر واحياناً بتمضي استمارة 6 مع الاستقالة قبل ما تمضي العقد ...!!! وسلملي على مكتب العمل ..!!

[MOK3336]

بص يا صديقى انت لو خرجت بره الموضوع وشفته هتلاقى نفسك كسبان
كل الحاجات اللى انت بتعملها دى بتاخد خبرة فيها ...يعنى فلوس برضه بس فى رصيدك
هتيجى بعد سنتين تلاتة هتسحب من الرصيد ده .

ده الكلام الصح
يعني حضرتك بتتعلم ببلاش بس طبعا ده علي حساب اعصابك و زهقك
يعني لو تاخدها من منطق انك بتاخد خبرة هترتاح
بس انت ممكن تعمل حاجة حلوه قوي لو الموضوع مش عاجبك
تجي الساعة 5 تقفل شغلك و مع السلامة حد يكلمك قولهم انا مظبط مواعيد تانية علي الساعة 6
ولما يبعتوك تعمل حاجة ( الحاجة ايلي تتعمل في ساعة اعملها في 3 - ساعات ) عادي برحتك خالص
ساعتها هيبطلوا يبعتوك في اى حتة
و بالنسة للناس ايي بتقول لأ استحمل محدش لاي شغل و الكلام ده
لو يا حبيبي الموضوع فيه قله قيمة و كرنمة يبقي مع مليون سلامة و محدش بيقطع رزق حد و رزقك مش واقف عليهم و ربنا مش بيرضي ان الواد يزل نفسة
عشان ايلي بيزل نفسة يستحمل ايلي يجراله
اسمع مني يا بني إلا إذا بقي حضرتك مش فاهم طبيعة شغلك

[HeMa_LanCeR]

لا مش طبيعي طبعا
انا والدي عنده شركه مقاولات والمحاسب عندنا شغلته الحسابات بس
اخرة اوي لو راح يودي اوراق وملفات للمحاسب القانوني في مكتبه كل سنه
غير كدا مش بيتحرك من المكتب بتاعنا غير لو طلب شخصي طلبته منه انه يخلصه ولقيت وقته يسمح ب دا
بس لو حضرتك بتاخد مقابل اضافي علي كل دا يبقي تمام اوي و اوعي تسيب الشغل دا

سؤال برا المنهج معلش .. حضرت شغال في شركه ايه ؟ وحجمها ايه ؟

شركة مقاولات و حجم الشركة صغيرة بس شغلها كبير

بص يا صديقى انت لو خرجت بره الموضوع وشفته هتلاقى نفسك كسبان
كل الحاجات اللى انت بتعملها دى بتاخد خبرة فيها ...يعنى فلوس برضه بس فى رصيدك
هتيجى بعد سنتين تلاتة هتسحب من الرصيد ده .

طيب انا موافقك بس انا عايز اقولك ان انا خبرتي في الحاجات دي اكبر من الشغل كمان يعني انا اللي بعلم الشغل مش هو اللي بيعلمني لأن انا من صغري متمرمط في السوق وعارف كتير عنة

ده الكلام الصح
يعني حضرتك بتتعلم ببلاش بس طبعا ده علي حساب اعصابك و زهقك
يعني لو تاخدها من منطق انك بتاخد خبرة هترتاح
بس انت ممكن تعمل حاجة حلوه قوي لو الموضوع مش عاجبك
تجي الساعة 5 تقفل شغلك و مع السلامة حد يكلمك قولهم انا مظبط مواعيد تانية علي الساعة 6
ولما يبعتوك تعمل حاجة ( الحاجة ايلي تتعمل في ساعة اعملها في 3 - ساعات ) عادي برحتك خالص
ساعتها هيبطلوا يبعتوك في اى حتة
و بالنسة للناس ايي بتقول لأ استحمل محدش لاي شغل و الكلام ده
لو يا حبيبي الموضوع فيه قله قيمة و كرنمة يبقي مع مليون سلامة و محدش بيقطع رزق حد و رزقك مش واقف عليهم و ربنا مش بيرضي ان الواد يزل نفسة
عشان ايلي بيزل نفسة يستحمل ايلي يجراله
اسمع مني يا بني إلا إذا بقي حضرتك مش فاهم طبيعة شغلك

للأسف انا مبعرفش اكروت في الشغل
بحب ادي الحاجة حقها وزيادة وانا ممكن اقول لأ علي مشوار بس للأسف انا بوافق علشان المركب تمشي ما لما ده يعود بالنفع علي الشركة اكيد هيعود عليا
بالرغم اني ماليش زياده في المشاوير او التأخير

[engtmk]

مص الدم اكيد في اي مكان اي حته مش طبيعي

انت اعمل اللي عليك وافهم شغل المبيعات وصدقني ممكن ربنا بعد كده ييسرك شغلانه يعوضك بيها عن ده بس فيه حاجه تانيه

حاول تشوف شغل تاني لو قدرت يعني احتياطي لو لقدر الله حصل اي حاجه وربنا يعيننا علي الايام الحلوه اللي احنا فيها