مستشارك القانونى المجانى

[ايمن الشربينى]

بحكم عملى كمحام ،ومستشار قانونى يشرفنى استقبال استشارات السادة الأعضاء القانونية واقترح عمل موضوع إضافى بعنوان هل تعلم أن؟ ويكون موضوعة كل اسبوع مثلاً معلومة قانونية جديدة نفتح الباب لإلقاء الضوء عليها ؟وألتمس من الإدارة التثبيت؟
بعدأخذ اصواتالأعضاء للموافقة أو رفض الموضوعين أو احدهما أولإقتراح موضوع آخر

اللون الاحمر مخصص فقط للمداخلات الادارية والاشرافية
مشرف 3ب
1/5/2012
9.53am

[Screenplays]

ممنوع الكتابه باللون الاحمر يا فندم

[ايمن الشربينى]

يا راجل -طيب رحب بيةالاول وقول رأيك وبعدين تتلو اوامرك

[Screenplays]

دي مش اوامر دي قوانين المنتدي و بعدين اهلا و سهلا بيك معانا

[me_medoo]

يا اهلاً وسهلاً بيك يافندم بالمنتدى ومالو الاحمر ياعم الحج ده حتى فريحي كده ، بس هو مع الاسف يافندم مخصصينو للمشرفين ، بس بصراحة موضوع في الجون. وانا عاوز ابدء معاك ياريس
دلوقتي انا عانيت مع مستاجرة محامية طلعت عيني في دفع الاجرة سنتين وهيا مبتدفعش ، ومع الاسف خدت الشقة وفتحتها مكتب محاماه وخلعت التكيفات وبوظطلي الشقه وبعد ما كسبت انا القضية وخدت الحكم لم يستدل على العنوان بتعها . ده غير مكنش في قوة من قسم الشرطة انها تنفذ الحكم لان الشرطة وخده تعليمات متحتكش بالمواطنين
ورسي الموضوع في النهايه انها تاخود مني كام باكو علشان تخلي الشقة وتعملي تنازل عن عقد الايجار


السؤال هنا. دلوقتي لو انا كنت عملت عقد الايجار. سنة بدل تالت سنين ، وجه المستاجرة مدفعتش الايجار وخلصت السنة ومدفعتش. هل من حقي اقتحم شقتي دون اذن قضائي بحجة ان العقد خلص ولا لازم برضو ارجع للقضاء المستعجل الي بدوروا. بيقعد سنة وعلى اجازة القضاة وعلى عيد العمال وعيد الام وعيد تحرير سينا. وافضل برضو لايص في المحاكم. وتحياتي ليك يامتر

بكرر سؤالي لو اذا عقد المستاجر خلص هل من حقي اقتحام شقتي. دون اللجوء للقضاء ولا ممكن المستاجر يلبسني تهمة ويقول ويدعي اني سرقت الياقوت والمرجان. والدهب الي كان في الشقة. والزومرد واتنين مليون جنيه كانو محطوطين في درج المكتب الصغير عندو

لان المستاجرة بنت الحرامية كانت مفضية الشقه وقالت لي. لمن تطول حلمت ودنك مش هديك شقتك وفعلاً اخلت الشقه وكانت مستنياني اقتحم الشقة علشان تلبسني تهمه. وتحياتي ليك يا غالي .

[AHMED MOHSEN]

هههههههههههههههههههههههههه والله انتوا الاتنين زي العسل
مرحبا بيك استاذ شربيني وفكرة عظيمة منك

[Hacker5]

هل شهادة الرفت الطبى من الجيش يمنعنى من السفر ولا عادى اقدر اسافر بيها ؟
عشان انا قضيت 6 ايام فى الجيش و خرجت اعفاء طبى بسبب النظر

تم حذف ماهو خارج عن اطار الموضوع حتى يستفيد الاعضاء من الموضوع الرئيسى
مشرف 3ب
1/5/2012
10.00 am

[gaaz]

اهلا بيك استاذ ايمن
انا عندي واحد صديقي عراقي عايش في مصر بقالو عشرين سنة
هل ممكن ياخد الجنسية المصرية؟

[ايمن الشربينى]

يا اهلاً وسهلاً بيك يافندم بالمنتدى ومالو الاحمر ياعم الحج ده حتى فريحي كده ، بس هو مع الاسف يافندم مخصصينو للمشرفين ، بس بصراحة موضوع في الجون. وانا عاوز ابدء معاك ياريس
دلوقتي انا عانيت مع مستاجرة محامية طلعت عيني في دفع الاجرة سنتين وهيا مبتدفعش ، ومع الاسف خدت الشقة وفتحتها مكتب محاماه وخلعت التكيفات وبوظطلي الشقه وبعد ما كسبت انا القضية وخدت الحكم لم يستدل على العنوان بتعها . ده غير مكنش في قوة من قسم الشرطة انها تنفذ الحكم لان الشرطة وخده تعليمات متحتكش بالمواطنين
ورسي الموضوع في النهايه انها تاخود مني كام باكو علشان تخلي الشقة وتعملي تنازل عن عقد الايجار


السؤال هنا. دلوقتي لو انا كنت عملت عقد الايجار. سنة بدل تالت سنين ، وجه المستاجرة مدفعتش الايجار وخلصت السنة ومدفعتش. هل من حقي اقتحم شقتي دون اذن قضائي بحجة ان العقد خلص ولا لازم برضو ارجع للقضاء المستعجل الي بدوروا. بيقعد سنة وعلى اجازة القضاة وعلى عيد العمال وعيد الام وعيد تحرير سينا. وافضل برضو لايص في المحاكم. وتحياتي ليك يامتر

بكرر سؤالي لو اذا عقد المستاجر خلص هل من حقي اقتحام شقتي. دون اللجوء للقضاء ولا ممكن المستاجر يلبسني تهمة ويقول ويدعي اني سرقت الياقوت والمرجان. والدهب الي كان في الشقة. والزومرد واتنين مليون جنيه كانو محطوطين في درج المكتب الصغير عندو

لان المستاجرة بنت الحرامية كانت مفضية الشقه وقالت لي. لمن تطول حلمت ودنك مش هديك شقتك وفعلاً اخلت الشقه وكانت مستنياني اقتحم الشقة علشان تلبسني تهمه. وتحياتي ليك يا غالي .

تحياتى وبعد :
دائماً ما نحاول التوفير وندخل فى معاملات مالية ضخمة ونتختزل الأوراق فى إطار عقد مطبوع من أى مكتبة تمن العقدين ربع جنية وناكل احنا بقى من الشارع ههههههههه
ما أقصدة اخىالكريم أن العقد هو شريعة المتعاقدين اعتباراً من 1996 تاريخ صدور قانون الإيجار الجديد وخضوعة للقانون المدنى ... هتقولى يعنى اية هقولك تانى العقد شريعة المتعاقدين يتفقوا على ما يشاؤا بشرط ألا يكون مخالف للآداب العامة والقانون .
يعنى رداً على سؤال حضرتك :
تم تعديل الأمور الخاصة بالإيجارات واصبح من حق حضرتك بعد انتهاء مدة التعاقد أن تلجأ للنيابة العامة والتى اصبحت مختصة بإصدار اوامر إخلاء للأماكن تنفذ بالقوة الجبرية ويطردوهالك من المكان ، أما إن حضرتك تقتحم المكان فهذا الأمر يشكل جريمة

[ايمن الشربينى]

اهلا بيك استاذ ايمن
انا عندي واحد صديقي عراقي عايش في مصر بقالو عشرين سنة
هل ممكن ياخد الجنسية المصرية؟

موضوع الجنسية موضوع شائك ،وعموماً يجوز للأجنبى المقيم فى مصر مدة خمس اعوام متصلة اقامة دائمة كما لوكان أحد ابنائها أن يتقدم بطلب إلى وزير الداخلية للحصول على الجنسية المصرية . هذا هو القانون ، وما يحدث أنة سيتقدم بالطلب ولن يرد علية أحد فيضطر للجوء الى القضاء الذى سيحكم فى النهاية بأن الأمور الخاصة بالجنسية أمور سيادية للدولة ولها فيها كل السلطة التقديرية وبالتالى ترفض الطعن

[ايمن الشربينى]

هل شهادة الرفت الطبى من الجيش يمنعنى من السفر ولا عادى اقدر اسافر بيها ؟
عشان انا قضيت 6 ايام فى الجيش و خرجت اعفاء طبى بسبب النظر

تم حذف ماهو خارج عن اطار الموضوع حتى يستفيد الاعضاء من الموضوع الرئيسى
مشرف 3ب
1/5/2012
10.00 am

الإعفاء من التجنيد بسبب عدم اللياقة الطبية أمر يتم بنص القانون وبالتالى لا يمثل اية مشاكل

[ايمن الشربينى]

هههههههههههههههههههههههههه والله انتوا الاتنين زي العسل
مرحبا بيك استاذ شربيني وفكرة عظيمة منك

اهلا بحضرتك وان شاء الله نستفيد جميعاً وأرجو أن يعلم الجميع أن كل ابن آدم خطاء وفوق كل ذى علم عليم والإجابات ستكون فى حدود علمى المتواضع وما اجهلة أسأل فية من هو اعلم منى واعود اليكم بالرد الشافى إن شاء الله

[eagle2009]

الاخ العزيز
شكرا لمباردتك الكريمة
ياريت لتعم الفائدة نعرف معلومات عن كيفية تأمين المشترى فى العقود المحررة لارض القرعة فى المجتمعات العمرانية الجديدة زى اكتوبر ، بدر وغيرها
وهى اراضى تخصص لصاحبها فقط وغير مسموح ببيعها الا بعد اتمام البناء
فيلجأ البائع الى عمل عقد بيع ابتدائى وتوكيل بالادارة وتوكيل اخر بالبيع للنفس والغير ونقل الملكية يتم استخدامه بعد البناء ويستلم فلوسه .
كيف يؤمن المشترى نفسه فى العقد تجاه البائع خصوصا ان الارض هتفضل باسم البائع لحد اتمام البناء ، وكمان ماذا اذا لاقدر الله وتوفى البائع قبل ان تنقل الملكية للمشترى
وهنا التوكيلات لاقيمة لها ...
ارجوا الافادة بوضع قانونى متين مايخرش المية
مع خاص شكرى

[koshary]

أ/ ايمن مرحبا بيك معانا فى الصرح العملاق نايل موتورز وان شاء الله تكون اضافة قوية لينا ..

دلوقتى اانا عندى استفسار بسيط ....

انا اشتريت شقة فى منطقة حدايق الاهرام ومضيت على البورشور بتاع العماره وصاحب العماره مضى عليها والمفروض فى الطرقة اللى بين الشقق مساحتها 6*3 متر على اساس الطرقه دى فيها 4 شقق صاحب العماره باع للشقه اللى قدامى مساحة 3*3 متر من الطرقه يعنى اصبح لل 4 شقق مساحة 3*3 متر بس والطرقة بقت ضيقه جدا جدا والمفروض ان الطرقه دى منطقه خدمات مخصومه منى من مساحة الشقه هى والمناور والمدخل وكل ده مخصوم منى فلوس ايه المطلوب منى دلوقتى علشان اشيل الحيطه المخالفه دى وارجع الطرقة تانى زى ماكانت وللعلم الشقه اللى دخلت فيها الطرقه دى اتشطبت وسكنت

[ايمن الشربينى]

الاخ العزيز
شكرا لمباردتك الكريمة
ياريت لتعم الفائدة نعرف معلومات عن كيفية تأمين المشترى فى العقود المحررة لارض القرعة فى المجتمعات العمرانية الجديدة زى اكتوبر ، بدر وغيرها
وهى اراضى تخصص لصاحبها فقط وغير مسموح ببيعها الا بعد اتمام البناء
فيلجأ البائع الى عمل عقد بيع ابتدائى وتوكيل بالادارة وتوكيل اخر بالبيع للنفس والغير ونقل الملكية يتم استخدامه بعد البناء ويستلم فلوسه .
كيف يؤمن المشترى نفسه فى العقد تجاه البائع خصوصا ان الارض هتفضل باسم البائع لحد اتمام البناء ، وكمان ماذا اذا لاقدر الله وتوفى البائع قبل ان تنقل الملكية للمشترى
وهنا التوكيلات لاقيمة لها ...
ارجوا الافادة بوضع قانونى متين مايخرش المية
مع خاص شكرى

لا توجد اية ضمانات والكثيلر من المشاكل تحدث فى هذة التصرفات ، ولكن هناك بعض الأشياء الإحتياطية كضمان غير مؤكد
تعمل عقد البيع بدون تاريخ حتى يمكنك اضافة تاريخ سابق على تاريخ وفاة المالك الأساسى لا قدر الله
والتوكيل يتم النص فية على عدم جواز إلغائة أو توكيل الغير بخصوص نفس القطعة
وعليك أن تقوم بالبناء فى أسرع وقت ممكن ، وربنا يسترها