كلمتها وعرفتها اللي جوايا .. ولكن !

[ahmadmidop]

طبعا كنت كتبت موضوع من فترة عن واحدة زميلتي في الشغل معجب بيها لدرجة .. ما علينا وكنت عاوز اعرف رايها .. المهم الحمد لله فاتحتها في الموضوع وكلمتها ان انا معجب بيها وكده .. والمهم اتفقنا ان احنا نسيب الموضوع شوية لان احنا بردو لسه منعرفش بعض قوى وكده ( نعرف بعض من شهر بس ) .... اللي هيموتني نقتطين : اولا وده موضوع طبيعي وده الصح انها هااادية جدا ومش بتحاول تظهر بوضوح اهتماام او كده احنا بنتعامل مع بعض وهزار عادي ورخااامة على بعض عااادي ... بعتلها مسج قالتلي معلش بلاش الموضوع ده احنا مع بعض كل يوم ومش مستاهلة .. ايميل حضرتك اكونت الفيس ملوش لازمة احنا مع بعض كل يوووم . عندها حق هيا مش عايزة اي حاااجة من الكلام ده الا لو في حاجة رسمي وانا احترمتها اكتر من النقطة دي .. بس المشكلة ان انا معنتش بفكر في حااااجة الا الموضوع ده مسيطر على دماااااااغي بغباء هيا اه مهتمة بس مش زي طبعاا .. انا حااسس اني بقيت بنزل الشغل عشان اقعد معاها ..
المشكلة التانية : واللي بدات افكر فيها مؤخرا .. انا لسه خريج 2011 لسه فلة شمعة منورة لو اتكلمت في حاااجة هيبقى ازااااي ! اه الشقة موجودة بس هل ممكن تصبر وتفضل مخطوبة سنة ولا اتنين لما الدنيا تتظبط وهل هحتاااج سنة ولا اتنين بس ولا ايييه ... واللي قلقني اكتر انها من عيلة مبسوطة فأنا مش عارف هل ممكن يقبلو بالكلام ده ولاايه .. ان عارف ان الكلام معاها هو اللي هيحدد كل حاجة بس طبعا مقدرش اتكلم في حاجة من الكلام ده .. الا لما نعرف بعض تمام وندخل للمرحلة دي ... اعمل ايه لاني بصو ضاااااااااااااااااااااااااااااااايع وبنهاار

[Screenplays]

لا حول و لا قوه الا بالله

يعني تعرفها من شهر و تروح تقولها انك معجب ؟

و بعدين انت لسه 22 سنه و عايز ترتبط ؟

معاك ايه غير الشقه ؟ و بتقبض كام ؟

دي الاسئله اللي ابوها هيسألهالك

و بعدين هي كام سنه طالما انت 22 سنه ؟

ايه اخبار الجيش ؟

لا حول و لا قوه الا بالله

[Raul_7]

حاول تمسك نفسك شوية عشان لو سبت نفسك كده هتتعب جامد لو رفضتك....حُط دايما احتمالية إن ممكن تكون مش في دماغها أصلا.

[ايمن الشربينى]

طبعا كنت كتبت موضوع من فترة عن واحدة زميلتي في الشغل معجب بيها لدرجة .. ما علينا وكنت عاوز اعرف رايها .. المهم الحمد لله فاتحتها في الموضوع وكلمتها ان انا معجب بيها وكده .. والمهم اتفقنا ان احنا نسيب الموضوع شوية لان احنا بردو لسه منعرفش بعض قوى وكده ( نعرف بعض من شهر بس ) .... اللي هيموتني نقتطين : اولا وده موضوع طبيعي وده الصح انها هااادية جدا ومش بتحاول تظهر بوضوح اهتماام او كده احنا بنتعامل مع بعض وهزار عادي ورخااامة على بعض عااادي ... بعتلها مسج قالتلي معلش بلاش الموضوع ده احنا مع بعض كل يوم ومش مستاهلة .. ايميل حضرتك اكونت الفيس ملوش لازمة احنا مع بعض كل يوووم . عندها حق هيا مش عايزة اي حاااجة من الكلام ده الا لو في حاجة رسمي وانا احترمتها اكتر من النقطة دي .. بس المشكلة ان انا معنتش بفكر في حااااجة الا الموضوع ده مسيطر على دماااااااغي بغباء هيا اه مهتمة بس مش زي طبعاا .. انا حااسس اني بقيت بنزل الشغل عشان اقعد معاها ..
المشكلة التانية : واللي بدات افكر فيها مؤخرا .. انا لسه خريج 2011 لسه فلة شمعة منورة لو اتكلمت في حاااجة هيبقى ازااااي ! اه الشقة موجودة بس هل ممكن تصبر وتفضل مخطوبة سنة ولا اتنين لما الدنيا تتظبط وهل هحتاااج سنة ولا اتنين بس ولا ايييه ... واللي قلقني اكتر انها من عيلة مبسوطة فأنا مش عارف هل ممكن يقبلو بالكلام ده ولاايه .. ان عارف ان الكلام معاها هو اللي هيحدد كل حاجة بس طبعا مقدرش اتكلم في حاجة من الكلام ده .. الا لما نعرف بعض تمام وندخل للمرحلة دي ... اعمل ايه لاني بصو ضاااااااااااااااااااااااااااااااايع وبنهاار

عدم اهتمامها هو سبب تعلقك الشديد بها ،ودة طبيعى الطرف الأقوى هو الذى يتحكم فى انفعالاتة اقوى والنساء عموماً يشعرن بالنشوة لتواجد المعجبين حولهن ولكى تكسب قلبها خذ هذة النصيحة الغالية ونتيجة خبرةالسنين ، كل التجاهل يؤدى الى كل الحب ،كلما تجاهلتها بعد ان اوضحت اعجابك بها كلما ارتبطت بك اكثر واذا تقدمت منك خطوتين تقدم انت خطوة واحدة ،وجرب فى مرة تغيب عن الشغل يوم وتانى يوم شوف رد الفعل بشرط تنسى الموبايل تماماً فى هذا اليوم
وصدقنى النساء لا تحب من يحبهن بل من يتجاهلهن

[ahmadmidop]

بص ياباشا .. حوار اني قولتلها ده جه بظروفها نظرا للحالة البائسة اللي بمر بيها ... سيبك من السن انا في ناس في سني وخطبو ونفس الظروف بس متفقين على الدنيا هتبقى ازااي والناس التانية عندها استعداد تستنى ... الشقة وطبعا ابويا هيساعدني بس المشكلة في اللي بعد كده .. بقبض 900 مليم :( من غير سخرية هههه ... لدرجة ان في حوار سفر ربطته بالموضوع لو تم اسافر لو ما تمش مش هسافر .. هيا قدي في السن .. انا وحيد فالحمد لله مليش جيش ..

[Screenplays]

حاول تمسك نفسك شوية عشان لو سبت نفسك كده هتتعب جامد لو رفضتك....حُط دايما احتمالية إن ممكن تكون مش في دماغها أصلا.

عدم اهتمامها هو سبب تعلقك الشديد بها ،ودة طبيعى الطرف الأقوى هو الذى يتحكم فى انفعالاتة اقوى والنساء عموماً يشعرن بالنشوة لتواجد المعجبين حولهن ولكى تكسب قلبها خذ هذة النصيحة الغالية ونتيجة خبرةالسنين ، كل التجاهل يؤدى الى كل الحب ،كلما تجاهلتها بعد ان اوضحت اعجابك بها كلما ارتبطت بك اكثر واذا تقدمت منك خطوتين تقدم انت خطوة واحدة ،وجرب فى مرة تغيب عن الشغل يوم وتانى يوم شوف رد الفعل بشرط تنسى الموبايل تماماً فى هذا اليوم
وصدقنى النساء لا تحب من يحبهن بل من يتجاهلهن

الله ينور يا رجاله

[beshomilan]

بص خد الحكمه من اخوك بس متتصدمش وده عن خبره عميقة
هى مش بتحبك لانها لو بتحبك مكنتش رفضت الارتباط بيك..واوعى تصدق كلام انكوا تستنوا وتتعرفوا على بعض والحاجات دى..ده كله كدب بنات..من الاخر انت لو مالى عنيها مش هتضيعك من ايديها ابدا
متزعلش منى ومن كلامى انا بنصحك لوجه الله

[shaddadfalcon1]

هي ممكن تكون مش في دماغها وبتتسلي وممكن يكون في دماغها وهتطير من الفرحه بس تقلانه عشان شكلها برده وانت المفروض برده تتقل وخليك تقيل وغيب من الشغل وتجاهلها شويه وشوف رد الفعل ايه

والسن مش قصه لو انت قد المسئوليه

انا متجوز وانا عندي 22 سنه وخطبت 21 والحمد لله فاتح بيت وعندي ولدين دلوقتي

[Screenplays]

بص ياباشا .. حوار اني قولتلها ده جه بظروفها نظرا للحالة البائسة اللي بمر بيها ... سيبك من السن انا في ناس في سني وخطبو ونفس الظروف بس متفقين على الدنيا هتبقى ازااي والناس التانية عندها استعداد تستنى ... الشقة وطبعا ابويا هيساعدني بس المشكلة في اللي بعد كده .. بقبض 900 مليم :( من غير سخرية هههه ... لدرجة ان في حوار سفر ربطته بالموضوع لو تم اسافر لو ما تمش مش هسافر .. هيا قدي في السن .. انا وحيد فالحمد لله مليش جيش ..

حاله بائسه ايه ؟ حاسس انك وحيد ؟ طب ما معظمنا كده هل فينا واحد راح يقول لواحده انه معجب بيها و هو ميعرفهاش الا من شهر ؟ مفكرتش ان في احتمال كبير تقولك لا و ساعتها الشغل هيبقي جحيم و هتتضطر تسيبه ؟ المرتب كويس مبدئيا مفيش مشاكل و لازم تعتمد علي نفسك شويه اكتر من كده و الله انا بنصحك لوجه الله

بص خد الحكمه من اخوك بس متتصدمش وده عن خبره عميقة
هى مش بتحبك لانها لو بتحبك مكنتش رفضت الارتباط بيك..واوعى تصدق كلام انكوا تستنوا وتتعرفوا على بعض والحاجات دى..ده كله كدب بنات..من الاخر انت لو مالى عنيها مش هتضيعك من ايديها ابدا
متزعلش منى ومن كلامى انا بنصحك لوجه الله

هي مقالتلوش لا حتي الان بس غالبا هتقوله لا طالما هو مش تقيل معاها

[Screenplays]

هي ممكن تكون مش في دماغها وبتتسلي وممكن يكون في دماغها وهتطير من الفرحه بس تقلانه عشان شكلها برده وانت المفروض برده تتقل وخليك تقيل وغيب من الشغل وتجاهلها شويه وشوف رد الفعل ايه

والسن مش قصه لو انت قد المسئوليه

انا متجوز وانا عندي 22 سنه وخطبت 21 والحمد لله فاتح بيت وعندي ولدين دلوقتي

بقولك ايه ؟ احنا داخلين نعقل الواد مش نزقه و بعدين هو عشان اتجوزت صغير فتعد تنصح الناس كلها ان الجواز صغير جميل و حلو ؟ اما حاجه عجيبه و الله ههههههههههههه

[megamoudy]

نصيحة مني انا 24 سنة ونص ......... وقرفت من البنات ....... بلاش قرف ....... عيش حياتك ...... وخليك ملك نفسك

خليك انت مصدر سعادة نفسك ومتربطش سعادتك بشخص عشان متتعبش

[Screenplays]

megamoudy ينفع اقولك انت برنس مره تانيه ؟ انت مواليد شهر كام ؟

[Raul_7]

نصيحة مني انا 24 سنة ونص ......... وقرفت من البنات ....... بلاش قرف ....... عيش حياتك ...... وخليك ملك نفسك

خليك انت مصدر سعادة نفسك ومتربطش سعادتك بشخص عشان متتعبش

يعني إنت شايف إنك ممكن تفضل قاعد بقية عمرك من غير جواز؟ ماهو الواحد لازم يتجوز عشان يتجنب الحرام, أي نعم ماينفعش تبقى أي جوازة والسلام عشان الواحد مايقضيش بقية حياته في هم, وعشان كده لازم تلاقي البنت المناسبة...أنا معاك إنها مش حاجة سهلة وانا 24 سنة زيك على فكرة.

وربنا يتولانا برحمته.

[MaZaGAngeE]

اسمحلي اكلمك كاخ اكبر منك شوية .....
انت لسه طالع من حياة الجامعة بكل ما فيها من حلو ووحش و مسؤوليات محدودة و دخلت مجال العمل في وقت من اصعب الاوقات في مصر ( الفترة من 2004 الى 2008 كانت صعبة برضه ) و ضيف على كده ان كلنا حالتنا النفسية مش مظبوطة نتيجة التغيرات السياسية و الاقتصادية اللي بتحصل و الله اعلم مدى التاثير هيوصل لحد فين .... و متقوليش اني بقول كلام عام او انه قد لا ينطبق عليك ... لا يا معلم ده بينطبق على كل فرد لكن قد تختلف النسب على حسب القدرة المالية و ضمان دخل مستقر و اتجاه سياسي محدد مهما حصل من فشل او نجاح او عقبات ....

طيب خلاصة اللي عايز اقوله ايه ؟

أجل فكرة الارتباط حاليا بغض النظر عن موقف البنت دي او غيرها ... أنا اللي يهمني هنا موقفك انت .. الشقة 90% من المشكلة و دي اتحلت ... ركز بقى على ال 10% الباقيين و حاول تحقق اكبر نسبة منها قبل اي ارتباط جدي من اي نوع ...
و متقوليش اللي مجاش النهاردة هجيبه بكرة ... مش هيحصل يا برنس لأن مجرد ما تتجوز هتلاقي التزاماتك زادت اضعاف قدراتك و كل يوم يعدي التزاماتك تزيد و لو جالك طفل ده حمل اكبر هياثر على اي قرار انت هتفكر فيه ... طبعا الجواز ربنا بيساعد فيه و بيسهل على من ينوي الستر .. لكن برضه لازم هقلك يكون حاضر جدا جدا لأن الستات مهما كانت بتحبك و طلبت منك بنص جنيه لب ( و انت جايبلها هدية ب 10000 جنيه قبل اللب ب 10 دقايق ) و قلتلها بلاش دلوقتي عشان مش معايا نص جنيه لللب هترد عليك ( مش كلهم لكن نسبة كبيرة منهم ) مشفتش معاك يوم حلو و انت كده دايما تسد نفسي و ترفض اي حاجة انا اطلبها منك ...

[me_medoo]

يخرب بيت شيطانكوا ايه جرعت الاحباط الي انتو عايشين فيها دي ، ده بدل ما تشجعوه وتقلولوا ربنا يوفقك وتستقر وربنا يهدي سرك. يارب وتكمل نص دينك قاعدين تحرضوه انو يبعد عنها ، ده لو واحد قال انا عاوز اطلع اعاكس ولا اصيع. هتقولوا. اشطة وشغال ويالله بينا يامعلم طالع ايمتى علشان اجهز نفسي ههههههههههههه


سبحان الله. ، بص يا ابني. مع احترامي لجميع الشباب ، سيبك منهم خالص واركن على جمب شوية ههههه بص ياسيدي مدام انتا طالب الحلال وقصدك شريف. فان الله لا يضيع من احسن عملاااااااااا .
بالنسبة لسن الجواز ده اجمل سن للجواز ده العشرينات تحط رجل على رجل وتختار اجدعها بنت لان البني ادم زي متور العربية كل ما بيقدم كل ما تزيد اعطالو وسعرو بيقل. فاهمني ولا تحب اوضح وتلاقي نفسك محتاج لبدر تايجر والكلام ده. دي غير المفاصل الي هتنقح عليك وعضامك المفسفشة وعلى انزلاق غضروفي وعلى ديسك في العمود الفقري. .... فانتا تعتبر في سن الشباب. يعني نوفي لسه زيرو سن الزواج فما تقعدش لغايت ما مشاكل الدنيا وامراض الدنيا تبتدي تظهرلك وبعدين تقول يالله بقه خليني استقر واتجوز ....

بالنسبة لموضوع الشقة عندك شقة كده فلة قوووي. بسم الله مشاء الله

بالنسبة هيا اغنى منك ولا يهمك الراجل مش بفلوسوا. ... والراجل مش بس بكلمتو الراجل برعايتو لبيتو واسرتو ، هو ابوها هيعوز ايه غير انو يستر بنتو ويطمن عليها قبل ما يموت ويقابل رب كريم بعد الشر عليه ...

فلا تياس يا عزيزي وانصحك تسمع لمحاضرات للدكتور ابراهيم الفقي. الله يرحمو. هتفيدك جداً في حياتك ،، وحاول انك تتقدم لها لان التساهيل من رب العالمين ومين عارف مش يمكن تكون ولدتك دعيالك. وابوها يوافق ويقلك يا ابني انا بشتري راجل ومتحملش هم الفرش ولا الشبكة ولا المهر ولا حاجة انا هجهز بنتي من ساسها لراسها بس المهم انتا تحافظ عليها وساعتها كل الي في المنتدى وكل الشباب الي نصحوك وقالولك لأه. ساعتها هيحسدوك ويقولوا. يابن المحظوووووووووظة هههههههههههه. مع احترامي ليك وللشباب وارائهم. النيره ههههه