عربيات نقل العفش

[piezo]

السلام عليكم يا شباب او صباح الخير
اخو مراتي كان عايز ينقل العفش من مكان الي مكان تاني فاكنت محتاج العربيات الي بتكون مقفوله و بتنقل العفش ومش عارف الاقيهم فين لاني محتاج عمال كمان علشان يفكو العفش السراير و دواليب و كده .
فالوا حد يعرف الناس ديه يساعدني و يكون ليه جزيل الشكر

[mramzy]

ميدان الجامع - مصر الجديدة
اخر شارع الجيش من ناحيه العتبة

[ahmedmali]

في العتبة و نصيحة فاصل معاهم كويس قوي بس خد حد منهم علشان العفش مايتبهدلش

[Ahmed_Ramadan]

و فى كمان مصر الجديدة عند جامع الخلفاء الراشدين

[piezo]

ربنا يكرمكم يارب و الف الف شكر ليكم ياجماعه

[Ahmed_Ramadan]

ربنا يكرمكم يارب و الف الف شكر ليكم ياجماعه

ربنا معاك فى العلقة ديه و تنقل الحاجة بدون خساير

[medododo]

عبد الرحيم عمرو بيطلعوا يفكوا العفش ويركبوه في المكان الجديد ومعاهم نجار وواحد بتاع دهان عشان لو حاجة اتخدشت بس مش فاكر تكلفة النقلة كام

[Mahmoud Mosaad]

بعد إذن صاحب الموضوع

محدش عنده اضافة جديدة يا أهل الخير؟

ويا ريت يكون في مدينة نصر

[haythamkmal]

زى ما قال الاخوة ميدان الجامع والافضل ميدان الجيش وانت رايح على العتبة فى ناس كتير جدا

متوسط السعر 700 جنيه للعربية والعمال من غير الاكرامية ومن غير النجار اللى هيفك ويركب
الاكرامية بتكون فى حدود 150--200 حيب الدور والنجار بياخد حوالى 300 جنيه

بس عايز احذرك من حاجة انا وقعت فيها ، فى ناس عاملة اعلانات على النت وكاتبين حجات تفرح عن طرق التغليف والفك والربك والامانه
المهم انا كلمتهم وجم عاملو معاينة الاول عشان يحددو المقايسة ... ، وبعد مخلصوا طبلو اننا نعمل عقد ""لزوم الشغل"" وحددو الميعاد وعدد العربيات والعمال اللى هتيجى ، وطلبوا عربون 300 جنيه ، وبعد فصال كتير خدوا 100 منى بس عشان انا مكنتش مستربح ، واللى حسبته لاقيتة ... محدش جه فى الميعاد ومبيردوش على التليفون
طلعوا نصابين محترفيين

فخد بالك من الموضوع ده

[midooo_119]

زى ما قال الاخوة ميدان الجامع والافضل ميدان الجيش وانت رايح على العتبة فى ناس كتير جدا

متوسط السعر 700 جنيه للعربية والعمال من غير الاكرامية ومن غير النجار اللى هيفك ويركب
الاكرامية بتكون فى حدود 150--200 حيب الدور والنجار بياخد حوالى 300 جنيه

بس عايز احذرك من حاجة انا وقعت فيها ، فى ناس عاملة اعلانات على النت وكاتبين حجات تفرح عن طرق التغليف والفك والربك والامانه
المهم انا كلمتهم وجم عاملو معاينة الاول عشان يحددو المقايسة ... ، وبعد مخلصوا طبلو اننا نعمل عقد ""لزوم الشغل"" وحددو الميعاد وعدد العربيات والعمال اللى هتيجى ، وطلبوا عربون 300 جنيه ، وبعد فصال كتير خدوا 100 منى بس عشان انا مكنتش مستربح ، واللى حسبته لاقيتة ... محدش جه فى الميعاد ومبيردوش على التليفون
طلعوا نصابين محترفيين

فخد بالك من الموضوع ده

الله يعوض عليك و نصيحه غالية من اخ محترم

[mohammedabdallh]

اخويا ساعه ما كان بينقل
جاب شركه من النت العربيه ب 500ج
من مدينه نصر الى التجمع الخامس جنب جامع الشربتلى فى اول التجمع
ففاصل معاهم على قد ما تقدر