ذكــريــــــــــــــآت

[Sherifmt]

انا فاكر حصة الأعب والكوتش بتاع باتا القماش وفلنات الكوره كانت عار وحصة الدين الي كنا لازم نروح فيها نصلي في جامع المدرسة وبنطلونات الباجي والجزمه البانص اللي من غير رباط والرمرمه من البياعين اللي قدام مدرسة شجرة الدر والحلبسه والحرنكش وتأجير العجل باللفه ويا سلام لما واحد يتأخر في اللفه كان بيبقي بلاك لست ومحروم من العجل أسبوع وفسحه بورسعيد في شم النسيم والبيجو التابوت الطائر لما كانت أحسن طريقه سفر بين المحافظات وكان فعلا كلمة قرش ليها قيمه الرغيف الصغير بتعريفه والكبير ونضيف بقرش بحاله وكان كيلو السمك البلطي من بحيره ناصر 80 قرش بلا مبالغه السمكه الواحده 5 كيلو ومش مجمد طاااازه كانت السمكه تأكل بيت عيله كامل يعني حوالي 20 بني ادم غدا وبيفيض للعشا ......
ولادي لما بحكيلهم بيبصولي كإني بحكي فيلم خيال علمي ........الغريبه اني وانا صغير كانت جدتي بتحكيلي عن زمانهم برضه........و أنا كمان كنت فاكر انه خيال علمي....... اه وربنا (:
تحياتي من مكه

[Sherifmt]

أه نسيت أقول اني أتصدمت لما سافرت بره اول مره وكنا في مول كبير في الدوحه واكتشفت ان باتا بره براند أحذيه أيطالي محترم جدا ومن أغلي الأحذية اللي ممكن تشتريها وللحظه أفتكرت الكاوتش القماش بتاع باتا ............. وقولت للي معايا تعرفو انا بلبس من باتا من وانا عندي 7 سنين ........... لا تعليق

تحياتي من مكه

[FunnyMickey]

هوا اشمعنا الجيل بتاعنا احنا اللي عنده ذكريات كتير كلها متطابقه كده

يعني ليه كلنا كنا بنعمل حاجه واحده
واهالينا كلنا بتربينا كلنا تربيه واحده

ده حتي كلام التربيه والتأديب واحد

[horas3000]

ملاحظ اني و ناس كتير بتشتاق و تحن للماضي لما المستقبل صورته بتبهت و بتظلم
و انا اللي كنت فاكر اني لوحدي

[eino666]

ههههههههههه فكرتونى باللى فات على رأى ثومة لما كان والدى الله يرحمه يجيب لنا كل خميس فى اول الشهر (كفتة و لحمة مشوية)+ ابو فروة و كان زمان لا غنى عن بابور الجاز فى بيت بالرغم من وجود البوتاجاز و نقعد قدام التليفزيون الابيض و اسود نتفرج على حفلة الست ام كلثوم و ابو فروة عمال يطقطق على صاجة البابور والى وقتنا هذا كل ما اشوف حفلة للست او حتى اسمع لها اغنية افتكر ايام الطفولة لما كان السلام الوطنى هو اغنية (و الله زمان يا سلاحى) وفى الابتدائى كنت باخد مصروف انا و اختى (3) قروش انا نص فرنك و هى قرش صاغ و بعدين اصبح المصروف (5) صاغ انا 3 صاغ و هى نص فرنك و كانت دايما تيجى لى فى الفسحة تصطادنى و انا بلعب كورة و تاخد ال5 صاغ و ما اشوفش و شها تانى الا و احنا مروحين هههههههههههههههههه
............................................*
محمود عينو

[SASA3]

احب اهديك اغنية مكى الجديده ايام زمان 1 و ايام زمان 2 :):)

[SYD]

طب حد فاكر غزو العراق لما الشوارع كلها اتبدرت عربيات كرسيدا ونيسان وداتسون (العربيات كلها لها نفس السمة (طويلة - فوانيس مستطيلة)

فاكرين الأتاري ولعبة الطيارات وسباق العربيات والعسكر والحرامي

فاكرين شريط في السكة محمد فؤاد

فاكرين لما طلع الأكلاسير الكرتون ابو استك

فاكرين كراسة الشمرلي ام خط احمر علي جنب الصفحة
وكشكول الشمرلي الي كان عليه قبة الجامعة

فاكرين سلاح التلميذ

فاكرين كراسة الأول

زكرياتي كلها عن المدرسة والدراسة

فاكرين الجزمة الي نزلت كسرت الدنيا (لطفي وزلط)
والبنطلون التركي ابو جيب صغير فوق الجيب الوراني
فاكرين لما نزل الجاكت الجلد ابو كباسين كتير

ايام جميلة وكنا بننبسط من اقل الأشياء

[د.أبونضال]

اتفضلوا معانا ... ده موضوع من تراث المنتدى وصاحبته الأستاذة علا عثمان كانت من أنشط أعضاء الاجتماعي قبل ما تنشغل عننا بعملها كمدير موارد بشرية إضافة لعملها التطوعي ... تحية لها
لكن للأسف الصور اللي في الموضوع مش ظاهره عندي ... حد ثاني عنده نفس المشكله

http://www.nilemotors.net/Nile/17349-a.html

[mohammedabdallh]

يااه موضوع كبير اوى
بس لمواليد السبعينات
احنا هنا بتكلم عن التمينينات
الموضوع ده المرفروض يترفع تانى

[Dr.SherifMansy]

كويس انك وضحت التمانينات
طبعا انا مشارك فى موضوع السبعينات قبل كده
و بصراحة حسستونى انى بقيت راجل عجووووز
انتوا بتتكلموا على البيبسى ب 25 قرش... انا لما دخلت اولى ابتدائى 1975 كنت بآخد مصروف خرافى بيحسدنى عليه القاصى و الدانى ... شلن ... خمسة قروش بحالهم
كنت باجيب بيه كيس شيبسى و كيس فيشار (من كانتين المدرسة طبعا ... ما كانش الشيبسي طلع لسه) و كانوا كبار كل واحد بقرش (و طبعا سعر الكانتين دايما اغلى من بره) و كنت اما اجيب قزازة البيبسي الصغيرة بتلات تعريفة (قرش و نصف) او السبورت كولا اللى نزلت جديد (و ساعتها الناس كانوا بيقولوها سبرتوكولا) و دى كانت اغلى لأنها اكبر ... بقرشين و نصف
و كنت باحوش يوميا ما بين تعريفة او قرش ...
و كل خميس ميكى بشلن
و كل سبت تان تان ببريزة
و كل شهرين تقريبا لما كنت احوش 25 قرش كنت اجرى اشترى العربيات الماتشبوكس و ايامها كانت Majorette
مش صينى زى دلوقت
كفاية كده احسن لو كملت مش هاعرف ارجع لزماننا الحالي

[mohammedabdallh]

بقيت الذكريات
علشان نكمل الموضوع
كل ماتعدى طيارة نقعد نصرخ ونجرى ونعملهم باى باى على اثاث انهم شيفنا
كنا نستنى سنه رابعه ابتدائى علشان نكتب بالقلم الحبر
تسالك امك الساعه كام تقولها العقرب الكبير على 12 والصغير على 4
نستنى الامتحانات علشان نلبس لبس حلو ونشيل شنطه صغيره وناخد مصروف اكبر
واحنا صغيرين بنرسم الشمس فى الزاويه البيعده
مضوع التعبير دايما اتكلم عن حرب اكتوبر
واحنا صغيرين نقفل باب التلاجه بشويش وببطىء علشان تعرف امتى اللمبه تنطفى ذطاء مدمر
حاولنا نوازن مقتاح الكهربا ونشوف اللمبه هتنطفى ولا لا
مسكنا مسمار ودخلاناه فى فيشة الكهربا واتكهربنا
لما حد كان يطلب كبايه ميه او عصير لازم نشرب منه بق الاول ونمسح بقنا قبل ما ندخل
الى فاكر حاجه يكتبها

[corsair]

يااااااااااااااه الله يباركلك فكرتني باللذي مضي كان بيضحك عليا من الحاج كان اول ما نزل الربع جنيه المخروم ده كان بيضحك عليا ويقولي هات النص جنيه اللي معاك ويديني الربع جنيه ده ويقولي ده اغلي من النص واتصدمت في الاخر والاقي نفسي في السلامكه

كنت ايام رمضان اجمع الشله في الشارع ونلم من كل واحد ساكن في الشارع جنيه وننزل نشتري نشا ونلزق الدنيا ورق

كنت في المدرسة اشتري لبان هارتي حبيب هارتي

مش فاكر حاجه بعد كدا الزهيمر عامل عمايله معايا

[mohammedabdallh]

كروسر حبيبى اخبارك ايه
طب ما تجيب ال200ج الى معاك ورقه واحده واديك 5 ورقات ب 20
ايه رايك
ايام رمضان دى ايام تانيه
كان زمان نمسك الكشكول الىاتملى كتابه ونقعد نقطعه ونعمل مثلاثات ومربعات ونجيب خيط ونجعه ونعلقه ولا الفنوس
نروح نجيب ازاز احمر واخضر شفاف ونجيب لمبه وبوص ونفعد نعمل الفانوس وكل يوم باليل نتخانق على الى يشغل الفانوس
ايام

[corsair]

محمد باشا مش هتبقي انتا والحاج عليا علي فكرة انا عوضت كل اللي خده مني دلوقتي ههههههههههههه انا مبسبش حقي

والله انتا اللي ليك واحشه كبيرة