ايه الحكايه مش لاقى عروسه !!!!!!

[mrghost]

السلام عليكم ورحمة الله وبركاته
انا دايخ ياجماعه بقالى 6 شهور بدور على بنت مناسبه ليا ومش لاقى !!!!!!
ايه الحكايه مع انى مش عاوز حاجه مفيش زيها يعنى
تكون مؤدبة ومتدينه طبعا وتكون مؤهل عالى زيى يعنى طب او هندسه او صيدله مثلا ومش لاقى !!!!!!
هو النوع ده خلص ولا ايه؟

[Screenplays]

ده تعليق سابق ليا في موضوع مشابه

تدور علي ايه ؟ هي كيس سكر الاسره و شاحح من السوق ؟ الموضوع ده قسمه و نصيب و مش مطلوب منك سعي فيه الا انك تسعي لارضاء ربك و انك تسعي للاجتهاد في عملك و لكن السعي في التدوير علي عروسه ده سعي غير مطلوب و مش هيجيلك منه غير وجع الدماغ

[Ghosts]

ده تعليق سابق ليا في موضوع مشابه

تصدق يا Screenplays أنت جبت من الأخر ....
أنا شغال فى مكان كلة بنات بس أية بقى عايزين ضرب النار و مفيش فيهم ولا واحدة تملى عينى ....

و مستعد أقعد من غير جواز ولا أنى أتجوز واحدة من دول ....
فسلمت أمرى للة لأنة مفيش فى المواضيع اللى زى دى حل تانى ....

[Screenplays]

مفيش في البلد واحده تملي العين اصلا ... يعني مشكله عامه ... ربنا يعينا و نسافر من هنا

[احمد المصرى]

البنات المحترمه موجوده والعائلات المحترمه موجوده يا شباب انت بس توكل على الله وان شاء الله هتلاقيها كتير ولو مش عارف قلنا بس ونجبلك بدل الواحده عشره وانت تختار

[Ghosts]

البحث عن زوجة زى البحث عن وظيفة بالظبط ....
كلنا كنا هنتجنن عشان نلاقى أى شغل ....

ولما أشتغلنا كرهنا الشغل اللى بنروحة واحنا مخنوقين و ينشتغل وأحنا مضايقين و بنرجع من الشغل و أحنا قرفانين ....
أنا كل يوم بشوف ناس متجوزين كتير و مبحسش أنهم مبسوطين ....

اللى أبنة عيان, اللى مراتة منكدة علية عيشتة , اللى حماتة مورياة النجوم فى عز الضهر , اللى مراتة مسرفة
,اللى بنتة فاشلة فى التعليم ألخ ....

يا جماعة الجواز مشاكلة كتيييييييييييييييييييير ومبتنتهيش ....
و كل واحد لسة متجوزش مايزعلش و يحاول يستمتع بحياتة ويشغلها لأن الجواز مش كلة سعادة ....

[ahmedhawas]

مفيش في البلد واحده تملي العين اصلا ... يعني مشكله عامه ... ربنا يعينا و نسافر من هنا

يا عم أحمد .. إرحم الناس شوية .. مش كده.
أنا بدأت أشك إن انت السبب الرئيسي في عزوف شباب نايل موتورز عن الزواج
وتفاقم مشكلة العنوسة في المجتمع المصري .. ههههه .. براحة شوية.

[Screenplays]

يا عم أحمد .. إرحم الناس شوية .. مش كده.
أنا بدأت أشك إن انت السبب الرئيسي في عزوف شباب نايل موتورز عن الزواج
وتفاقم مشكلة العنوسة في المجتمع المصري .. ههههه .. براحة شوية.

هههههههههههههههه و الله اللي عايز يتجوز يروح يخيش و يتجوز و اللي مش عايز علي راسنا من فوق ... انا بنصح بس و النصيحه لوجه الله ... لان اللي شوفته و اللي بشوفه و اللي هشوفه مش قليل ده ان شاء الله طبعا

[Screenplays]

البحث عن زوجة زى البحث عن وظيفة بالظبط ....
كلنا كنا هنتجنن عشان نلاقى أى شغل ....

ولما أشتغلنا كرهنا الشغل اللى بنروحة واحنا مخنوقين و ينشتغل وأحنا مضايقين و بنرجع من الشغل و أحنا قرفانين ....
أنا كل يوم بشوف ناس متجوزين كتير و مبحسش أنهم مبسوطين ....

اللى أبنة عيان, اللى مراتة منكدة علية عيشتة , اللى حماتة مورياة النجوم فى عز الضهر , اللى مراتة مسرفة
,اللى بنتة فاشلة فى التعليم ألخ ....

يا جماعة الجواز مشاكلة كتيييييييييييييييييييير ومبتنتهيش ....
و كل واحد لسة متجوزش مايزعلش و يحاول يستمتع بحياتة ويشغلها لأن الجواز مش كلة سعادة ....

تمام بس متقارنش الشغل بالجواز ... الشغل لابد منه و لكن الجواز مش لابد منه ... الشغل هتلاقي فلوس بتخش جيبك ... الجواز هتلاقي الفلوس بتهرب من جيبك ههههههههههههههه

[Ghosts]

تمام بس متقارنش الشغل بالجواز ... الشغل لابد منه و لكن الجواز مش لابد منه ... الشغل هتلاقي فلوس بتخش جيبك ... الجواز هتلاقي الفلوس بتهرب من جيبك ههههههههههههههه

أنت بمجرد ما تخطب هتلاقى الفلوس بتتبخر من جيبك ....
دة أنا لما كنت خاطب يالهوااااااااااااااااى صرفت مصاريف بالعبيط وياريت كان بفايدة ....

[megamoudy]

لا للجوااااااااااااااااااااااااز :d

[Screenplays]

لا للجوااااااااااااااااااااااااز :d

الله ينور عليك يا دوك ... بس لو في حته امريكيه منقولش لا برضه و لا ايه ؟

[Ghosts]

الله ينور عليك يا دوك ... بس لو في حته امريكيه منقولش لا برضه و لا ايه ؟

أيوة طبعآ ....
بس الأمريكانى و الأوروبى عمومآ لازم يتم الكشف عليهم كويس فى التوكيل قبل أى حاجة عشان بيبقى فيهم مشاكل تودى فى 60 داهية ....

[megamoudy]

ههههههههه

الامريكان حلوين اه وماله ميضرش :d

[megamoudy]

بس ليه اسكرين مركز ف المستورد ههههههه