محتاج فندق فى القاهره رخيص

[Mshawky]

انا طبعا مش جاى سياحه ولا حاجه انا من اهل القاهره بس محتاج حاليا فندق مش غالى اوى لمده شهر واحد فيه يكون قريب من مدينه نصر - مصر الجديده - صلاح سالم يعنى المناطق ديه لانها قريبه من شغلى


فلو حد يعرف فندق ميكنش سياحى ولا حاجه يكون مكان للنوم والمعيشه نضيفه ومريحه ومحترمه فقط

[shaddadfalcon1]

في حدود كام يعني؟

[AboELsoud]

انا الصراحه معرفش فنادق كتير بالرغم من اني بقاللي في المنطقه 22 سنه :)
بس طبعا اعرف فندق سونستا و طبعا دا سياحي جداااااا و اسعاره نفخ ده غير الكازينوا اللي فيه ( اومال انا بقوله ليه ؟؟؟ :) )

في فندق ورا جنينه مول شكله عادي و اسعاره مش عاليه// موجود بعد المول تاني شارع يمين في اول شمال

فيه فندق برضه لسه مكتشفه من اسبوع و شكله برضه كويس مش غالي موجود في الشارع اللي جنب عمارات رامو عند كليه البنات

لو افتكرت تاني هكتب ان شاء الله

[shaddadfalcon1]

في فندق في مصر الجديده في نزلة شارع الميرغني اسمه كارفن كنت بنزل فيه والليله كانت بحوالي 250 جنيه

[member]

في فندق أسمه رويال مارشال في الخليفة المأمون

فندق رويال مارشال, مصر الجديدة, القاهرة, مصر | فنادق ومنتجعات | Yellow.com.eg | 4 أ ش الخليفة المأمون

[Mshawky]

طب انا محتاج مكان كويس ونضيف لمده لا تقل عن شهرين او تلاته

فرايكم اقعدهم فى فندق ولا اخد شقه مفروشه افضل ؟ ومش عايز اصرف تكاليف كتير

يعنى اخرى كل شهر 2000 جنيه مثلا

[A_H_M_A_D]

إختار براحتك يا باشا

عندك في الموقع ده 156 فندق في القاهرة بأسعارهم

Booking.com: فنادق في القاهرة. احجز فندقك الآن!

[korkor]

فى فندق تريومف بتاع الجيش فى الخليفه المامون جنب الحرس الجمهورى

[shaddadfalcon1]

تريومف الليله ب 500 جنيه الليله

2000 جنيه معتقدش انهم هيقعدوك في اي فندق وحتي في الأماكن اللي بتقول عليها دي مش هتلاقي اي شقق مفروش بالسعر ده

اقل شقه مفروشه وخصوصا في الصيف مش هتقل عن 3000

[azmeralda]

تريومف ب 700

مارشال ب 300 بالفطار بوفيه مفتوح

[azmeralda]

بيتهيألى ارخص حاجة نضيفة فنادق الشرطة بس لازم ضابط يضمنك وهتبقى الليلة ب 200


كل الأسعار الل ى قلتها دى غرفة مزدوجة الفردى هترخص 50 ج ملا عن كده





والفندق اللى جنب جنينة مول ده اسمه مكسيم ومستواه وحش والليلة ب 260 فى غرف وفى غرف ب 350

احنا اضطرينا ننزل فيه وسىء وكفاية ان تحته ديسكو شغال من 8م ل 8 ص معرفتش انام نهائى مع ان كنا فى الدور الرابع صوته عالى جدا ومعرفش الناس اللى سكنة هناك ساكته على كده ازاى



مش مفروض الديسكو ده له تصريح بشروط!!!!

[Abdallah]

فندق الماسة تابع للقوات المسلحة فى مدينة نصر عند النصب التذكارى
اعتقد اخر مرة قعدت فيه كانت الليلة بـ 250 جنيه
2000 جنيه قليل جدا على فندق ممكن تشوف شقة مفروشة فى جسر السويس مثلا