الى اهل الاسكندرية عايز اصيف يوم واحد

[aboomar22]

بصوا يا شباب انا عايز اخد اولادى واروح الاسكندرية يوم واحد كده قبل الزحمة وبصراحة انا ماسفرتش من وانا طفل غير كده زيارات سريعة شغل مش عارف اروح فين انا عايز اخد التوربينى الصبح من القاهرة اروح اى بلاج كويس وامشى بعد العصر ناكل فى اى مكان مميز يعنى يفكرهم بالاسكندرية وياريت لو يزوروا كوبرى استانلى لاننا بنشوفوا فى الصور ونرجع فى القطار على اخر النهار ممكن تقولى على مكان كويس فى ناس بتقول المنتزه ولا فيه مكان تانى ياريت بقى كل حاجة بالتفصيل يعنى تزل محطة سيدى جابرتركب تاكسى تقولة ودينى فين وهكذا والف الف شكر مقدما (لو حد برضه عنده اقتراح لمكان تانى غير اسكندرية يبقى كتر خيره)

[aboomar22]

ايه يا جماعة دا اهل الاسكندرية هنا اكتر من القاهرة ومفيش حد يرد ولا انتم مش عايزينى اجى بقى

[Dr. Elsaadani]

اخى الكريم
بعد التحية

ممكن اقترح على حضرتك اقتراح وان شاء الله حتدعيلى لما تجربه

بعد متنزل من القطار تاخذ تاكسى وتقوله ستانلى على البحر وتنزل عند كازينو اسمه الجوهرة امام فرع ماكدونالدز مباشرة

تنزل الشاطىء من فتحة خاصة بعد ما تدفع التذاكر للاسرة

الشاطىء هناك جميل وامامك كوبرى ستانلى ووراك ماكدونالدز

يعنى كل طلباتك موجودة: الشاطىء الجميل ، الاكل والشرب ، كوبرى ستانلى

يا رب تتبسطوا اليوم ده

سلامى

[Dr. Elsaadani]

نسيت اقولك متدفعش للتاكسى اكتر من 5 جنيهات لان المشوار مش حياخذ منه اكتر من خمسة دقائق

ولما تزهقوا وييجى ميعاد القطار فى وقت الرجوع تمشوا قبلها بنصف ساعة او ساعة مش اكثر وتركبوا من ناحية البحر

لو ليك استفسار تانى انا تحت امرك

[aboomar22]

الف الف شكر يا دكتور يعنى انا هدخل الشاطىء ولا هدخل كازينو الجوهرة ومنة ادخل الشاطىء يعنى الشاطىء تابع للكازينو ولا هو جنبه ولحضرتك جزيل الشكر

[elbeheri]

ازيك يا ابو عمر عامل ايه اتمنى ليك رحلة سعيدة
اخوك / محمد البحيري

[Dr. Elsaadani]

لا حضرتك حتنزل بس عند الكازينو لان فيه عنده زى موقف للسيارات صغير التاكسى ينفع ينزلكم فيه بدل متنزلوا عكس الطريق وتعدوا للناحية التانية على رجلكم

حتلاقى فتحة الدخول للشاطىء قريبة جدا

لو فيه اسئلة تانية تحت امرك

[ghostmido]

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور

[احمدعبدالعزيز]

ممكن كمان شاطى البوريفاج فى ميامى امام شارع 45 نفس فكرة شاطى استانلى بالظبط وفيه العاب مائية للاطفال وجنبك جميع انواع المطاعم من اول الفول والفلافل حتى الاسماك واللحوم ومن سيدى جابر الى ميامى بالتاكسى 15 جنيه وتحت امرك فى اى استفسار .

[احمدعبدالعزيز]

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور:copy of m-s5:

فى عند كوبرى استانلى كافيهات كثير المنظر بالليل عند الكوبرى جميل جدا والمطاعم فى مصطفى كامل اسمه ابن البلد للمشويات والاسماك تتغدى واتفرج على البحر ساعة العصارى الجو بيكون رائع والمولات ممكن سان ستفانو وجرين بلازا فى سموحه و البحر ممكن شاطىء البوريفاج فى ميامى او ستانلى او فنيسا المنترة او المعموره وتحت امرك فى اى استفسار

[Dr. Elsaadani]

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور:copy of m-s5:

اهلا بيك فى الاسكندرية مقدما

مصطفى كامل منطقة جميلة وقريبة من كل حاجة
حتخرج منها الى طريق الجيش (شارع الكورنيش او البحر)

يمين

كده ممكن تروح الاتى: المنتزة - ممكن تقضوا يوم هناك ومن اجمل المناطق اللى اسرتك ممكن تتبسط بيها الجزء اللى بين قصر المنتزة والبحر - اليوم حيكون وسط الخضرة - ممكن تشوى لو بتحب الشوى - ممكن تدخل بارادايز ان فيها داى يوز حيكلفك حوالى 450 جنيه لكابينة للاسرة امام حمام السباحة - وفيه فرع لماكدونالدز داخل المنتزة

ممكن كمان بعد المنتزة تدخلوا المعمورة وفيها مجموعة شواطىء فيهم واحد بتذاكر ممكن برضوا تقضوا وم هناك وفيها مجموعة هائلة من المطاعم والكافيتريات

لو خرجتم من مصطفى كامل ودخلتم شمال (عديتم للناحية الثانية ومشيتم جنب البحر)

كده ممكن تروح الاتى:
قلعة قايتباى وحتبقى باينة بنهاية البنايات والطريق حيوصلك لهناك مباشرة وفيها كمان متحف للاحياء المائية

منطقة راس التين وتاكلوا عند الشيخ الاكلة العثمانية (منطقة الانفوشى)



وعندك فى منطقة مصطفى كامل لما تتمشى على رجليك للبحر
حتلاقى مجموعة كبيرة من المطاعم وكوبرى ستانلى بسحر الغروب ومجموعة هائلة من الكافتيريات كمان

ديه افضل الترشيحات واجازة سعيدة ان شاء الله

[Dr. Elsaadani]

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور:copy of m-s5:

بالنسبة لمحل السمك

اطلع من مصطفى كامل يمين وقبل المنتزة ادخل الشارع الموازى للبحر (اسمه شارع جمال عبد الناصر) حتلاقى مطعم مشهور اسمه حسنى واكلات السمك عنده هايلة - وفيه مطعم تانى اسمه قدورة - ده توصله لو طلعت من مصطفى كامل ودخلت شمال مع جانب البحر قبل قلعة قايتباى بحاجة بسيطة قبل ابو العباس المرسى - المسجد المشهور

لكن لو تاخذ نصيحتى انتى ممكن تشترى الانواع اللى انت بتحبها او نفسك تجربها وتسويها وتاخذها البيت والكل يهيص حتلاقى نفسك اتكلفت تقريبا النصف - لكن حقول اجازة بقى وخلى الكل يهيص

عندنا حديقة حيوان فى اسكندرية لكنها فقيرة جدا فى الحيوانات الاحسن منها افريكا اللى قبل الاسكندرية على الطريق الصحراوى بحوالى 60 كيلو تقريبا ممكن تخليها لاخر يوم وانتوا مسافرين للقاهرة حتكون يمين الطريق الدخول ليها بتذكرة واحدة للسيارة باى عدد فيها بحوالى 250 جنيه وفيها حيوانات كتير والقرود بتتنطط على السيارة ومفاجئات اخرى - ايوة اللف جواها بالسيارة من مترجلين - لكن فيها اماكن جوة الاولاد حيعرفوا يلعبوا فيها وتستريحوا كمان

[Dr. Elsaadani]

ولو فيه اى استفسار انا تحت امركم وانتم منورين اسكندرية وتليفونى 01111979966

[ghostmido]

فى عند كوبرى استانلى كافيهات كثير المنظر بالليل عند الكوبرى جميل جدا والمطاعم فى مصطفى كامل اسمه ابن البلد للمشويات والاسماك تتغدى واتفرج على البحر ساعة العصارى الجو بيكون رائع والمولات ممكن سان ستفانو وجرين بلازا فى سموحه و البحر ممكن شاطىء البوريفاج فى ميامى او ستانلى او فنيسا المنترة او المعموره وتحت امرك فى اى استفسار

تسلم يا جميل ربنا يباركلك
ان شاء الله لما اروح هحاول اكلمك بالمرة اتعرف على حضرتك لو مش هيعطلك.
مشكور مرة تانية

[ghostmido]

ولو فيه اى استفسار انا تحت امركم وانتم منورين اسكندرية وتليفونى 01111979966

مش عارف اقول لحضرتك ايه بجد مشكور على الاهتمام انا عارف كل اعضاء المنتدى جدعان ومش بيتاخروا فى اى استفسار او طلب.
ان شاء الله لما اوصل هكلم حضرتك ممكن نتقابل انا وانت واستاذ احمد ممكن تبقى مقابلة بسيطة ويا سلام لو القرصان شنر يعرف يجى معانا واى حد من اليكس طبعا والاستاذ صاحب الموضوع اللى انا حاسس انى شبه بوظتله موضوعه مش عايزه يزعل .
الدعوة عامة بس فين وامتى مش عارف ياريت حد من اليكس مهتم بالموضوع ومتحمس يحدد ميعاد ومكان وليكن الخميس وبالمرة الواحد يعوض مقابلة تويوتا اللى هاتفوتنى غصب عنى.