خلاص نويت اشتري ومحتاج رايكم Samsung GALAXY Note

[MRBEBO]

انا باذن الله ناوي خلال الشهر ده اجيب سامسونج نوت

وزي ما كنت كتبت في موضوع قبل كده قلقان من كتر الناس اللي اشتكت منه

http://www.nilemotors.net/Nile/286479-a.html

وانا اقصد هنا الاصدار المصنع في فيتنام

فانا محتاج رايكم اولا التليفون يتراوح سعره من 3650 - 4400

اللي ب 3650 من غير ضمان

وبالضمان 4150 من كارفور بضمان يونيون جروب ومتاح الابيض بس وسيلد وفيتنامي

او 4400 من راية بضمان سكاي وموجود الابيض والاسود وسيلد وصيني ( مش متاكد انه صيني )

ايه رايكم اشتري من كارفور بضمان يونيون ؟ ولا من راية بضمان سكاي ؟

واشتري الابيض ولا الاسود ؟؟ واي حاجة عاوزين تنصحوني بيها

[abdelaziz-waleed]

انا بردو ناوي اشتريه بردو بس هجيبه بدون ضمان ان شاء الله
سعره في السراج جديد بدون ضمان ب 3450

[MRBEBO]

طيب مفيش اي اراء تانية :(

[_Ahmed_casper_]

بص انا عايز اجيبه برضه بس محتااار اجيبه ولا اى فون اس2 ولا فى موبايل نوكيا 808 ده لسه مانزلش مصر استناه؟
808 ده كاميرا 41 ميجا
ايه الميزه اللى فى نوت عن الباقى؟

[M.Elwan]

رايى ان استخدام النوت كتليفون صعب شوية عشان حجمة وارشحلك ال s iii خصوصا انه احتمال كبير يكون موجود الشهر ده فى مصر

[_Ahmed_casper_]

انا مش محتاجه تليفون بالظبط .. انا عايزه كترفيه و كاميرا و نت و فى نفس الوقت ميبقاش حجم كبير زى تاب علشان اعتمادى الاساسى على الموبايل

[yehia]

طيب لو المقارنة بينه وبين ال_ s II يا ترى مين أفضل أخذا فب الاعتبار حجم النوت الكبير قوي مقارنة بالـ sII وان فرق البروسيسور مش كبير قوي مع تساويهما في دقة الكاميرات؟

[amrrashed]

هات النوت ومش هتندم

[_Ahmed_casper_]

طب اقنعنى طيب

[mido_soliman]

النوت معايا والاس2 معايا بردوا
الاس2 كان معايا قبل النوت
وكنت مش مقتنع بالنوت علشان حجمة ومش عارف اية
لحد ما نزلت بالصدفة مول العرب وبتفرج على الموبيلات لقيتة فى وشى
اول ما مسكتة عرفت فعلا ان اللى ميعرفش يقول عدس :)))
الجهاز مش كبير اوى زى ما انا كنت متخيل
بالعكس انا حاسة دلوقتى صغير :)
الشاشة فية اكتر من رائعة
لدرجة انى اديت الاس2 لمراتى واشتريت النوت تانى يوم
الجهاز انا شايفة افضل جهاز موجود فى السوق حتى الان حتى الوان اكس من اتش تى سى حتى الان كل الريفيوهات بتفضل النوت عنة مع الاخذ فى الاعتبار المعالج الرباعى فى الوان اكس بس بطاريتة للاسف عليها كلام كتير اوى لحد دلوقتى
شاشة النوت متعة وانا بحكم انى بحتاج النت دايما فى الموبيل كان النوت الملاذ
الفلاش اللى فية بالنسبة للكاميرا اقوى فلاش ليد فى موبيل حتى الان والفلاش لية 3 درجات اضاءة
سهولة الكتابة علية متعة
القلم دة حللى مشاكل كتير جدا واهمها انى بقيت بدون طلبات البيت علية علشان دايما كنت بسقط اشيائ وبرجع الطلبات ناقصة :)
طبعا دة غير انك ممكن تدون عليها اى حاجة بكل سهولة وترسم وحجات كتير بدقة متناهية وكانك بتكتب على ورقة بالظبط
صوت الموبيل فى السماعة الداخلية محترم جدا ومجسم عن الاس2 وافضل بمراحل من الوان اكس لان صوت سماعتة رفيعة
صوت الاسبيكر الخارجى هايل جدا فى الرنات وعالى
حجم الجهاز ووزنة تقيل ودة يرجع لوزن الشاشة وعيبة الوحيد انة لا قدر الله لو وقع يبقى الله يرحم شاشتة لانها كبيرة وتقيلة مقارنة بشاشة الاس2
بس وزنة وحجمة مديلة فخامة وشياكة وانت ماسكة فعلا وخاماتة افضل بكتير من الاس2 باثتثناء الضهر لانة كلة واحد فى كل موديلات الجالكسى
من راءى الجهاز دة مخدش حقة خالص بحجة حجمة لكن لو اى واحد مسك الجهاز دة واستخدمة يوم واحد لا يمكن يقدر يبقى عندة موبيل بحجم اقل انش واحد من 5.3
لدرجة ان الاس3 لما نزل انا مهتمتش خالص بية لان لو منزلش نوت2 يبقى مش حغير
فى ملاحظة مهمة
النوت بينزل ابيض واسود
اللونين هايلين جدا بس الابيض بيكبر الجهاز بزيادة
الاسود بيلمة
تحياتى