حسبي الله ونعم الوكيل . فى محامى الشركة

[abokoko]

تمت مجازاتى بخصم يوم كجزاء للاهمال فى الابلاغ عن خطأ موظف تابع لى فى العمل
وانا باعتبر الجزاء مبالغ فيه وكمان باعترض على اعتبار الموضوع زاته خطأ
وطبعا بعت تظلم لرئيس مجلس ادارة الشركة وكمان بعت خطاب لرئيس لجنة التظلمات
لكن
عايز اشتكى محامى الشركة
وكنت سمعت انهم لهم تفتيش للشكوى
ممكن اعرف اشتكيه فين وايه العنوان اللى اشتكى عليه
؟؟؟

[amdd]

انا مش فاهم حاجة واضح ان حضرتك فى مشكلة ومستعجل ومعندكش وقت تشرحها بالتفصيل

[abokoko]

انا مش فاهم حاجة واضح ان حضرتك فى مشكلة ومستعجل ومعندكش وقت تشرحها بالتفصيل

احكى بالتفصي
وظيفتى رئيس قسم شئون تجاريه
وفى مشترك ركب عداد ورشة -لكن - موافقة الوحده المحلية الصادرة للمكان - كانت لمخزن
ونتيجة شكوى من احد الجيران للشركة تم فتح تحقيق وتمت مجازاة الموظف اللى قبل الملف ب 5 ايام و5 ايام لموظف المعاينات و2 يوم لى

وانا عملت تظلم نصه
.................................................. .................................................. ............

السيد المهندس / رئيس مجلس الإدارة والعضو المنتدب لشركة القناة لتوزيع الكهرباء
تحيه طيبه .. و بـــــــــــعد ،،
مقدمه لسيادتكم / محمد توفيق محمد – مدير الشئون التجاريه بهندسة كهرباء شمال الغردقه .قطاع البحر الاحمر
حيث اننى اتقدم لسيادتكم متظلما من القرار رقم 859 لسنة 2012م الصادر بتاريخ 8/4/2012م والمتضمن – مجازاتى بخصم يومان من راتبي كجزاء
حيث اننى اعمل مدير الشئون التجاريه باكبر هندسة بالبحر الاحمر من حيث عدد المشتركين ويتعدد عملى داخل القسم ولا يوجد معى محاسب لرئاسة وحدة خدمة العملاء وسبق ان تقدمت باكثر من خطاب بحاجة العمل بالقسم لعماله متنوعه تجنبا للوقوع فى اخطاء العمل -– كما اننى ومنذ عملى بالشركة بتاريخ 1990م وحتى تاريخه لم يوقع عليا اى جزاءات وتقاريري السابقه ( امتياز )
اولا— أ - الجزاء وقع بسبب تركيب عداد كهرباء لورشة صادر لها موافقة الوحده المحليه بتوصيل الكهرباء لعداد مخزن ..وموافقة الوحده المحليه تصدر مره واحده للمكان ولنشاط منزلى او تجارى والمخزن والورشة كلاهما عداد تجارى ويوجد بالملف رخصة المبنى ووارد بها – الدور الارضى مسطح تجارى –
ب – المتبع في مجلس مدينة الغردقة . طالما تم اخذ موافقة بالتوصيل . لا تعطى موافقة مرة أخرى
ثانيا—عقد الإيجار بالملف به وصف المكان المؤجر (مخزن ) والغرض المستعمل فيه المكان (ورشة )
ثالثا -- وكذلك استنادا الى محضر الاجتماع الخامس لجهاز تنظيم مرفق الكهرباء وحماية المستهلك رقم 5 لسنة 2010م والذى ينص على – الاكتفاء باقرار كتابي موقع من الطالب بنوع النشاط الذى سيستخدم الكهرباء من اجله
رابعا – منطقة السلام المركب بها العداد هى منطقة ورش نجارة وخراطة وخلافه – ولا توجد اى تعليمات بمنع توصيل عدادات كهرباء لورش بتلك المنطقه
خامسا – يوجد بطاقة ضريبيه وسجل تجارى وكلاهما بنشاط ورشة على نفس العنوان والمكان وكلاهما من جهة حكوميه معتمده ( و إلا فما فائدة طلبهما وضمهما للملف )
سادسا – نشاط الشركة توريد عدادات للمشتركيين .مادة ( 2 ) من اللائحة .. واتجاه الشركة فى تسهيل تركيب العدادت لمنع سرقة الكهرباء والتوسع فى ذلك بعدادات كوديه وعدادات فى حالة السرقه المستدامه – وحتى العدادات الدائمه .سمح فيها بالعقود العرفيه
من جهتى وبمجرد علمى بوجود خلاف - لم اهمل ولم اتكاسل
• تم عمل امر تكليف برفع العداد اكثر من مره ولم نتمكن من الرفع لاعتراض صاحب الورشه – وتم عمل خطاب لاداره الشركة بالغردقه وكذلك لشرطة كهرباء البحر الاحمر
وعليه فاننى ايضا اتظلم من السيد الاستاذ المحقق الاستاذ / عبد النبي
فضلا عن الشكوى من طريقه تعامله معنا والتي يعتبرنا فيها خصوم ومتهمين وليس زملاء . برجاء الإحاطة بالتالي :--
 على خلاف المعمول به والمتعارف عليه - أشر الأستاذ / عبد النبي (... بأنه لا يوجد مانع قانوني من تغيير العداد باسم الطالب ... )) وذلك في الإفادة عن إجراء تنازل عن عداد كهرباء لإحدى شقق مجلس المدينة -- دون ورود خطاب من المجلس بتخصيص الشقة لمقدم الطلب المتنازل إليه بالعداد ..( وهو السيد / محمد عبد الله إسماعيل محمد ) .. أو دون تقديم عقد جديد باسم مقدم الطلب --
 والعداد القديم المركب باسم / عادل عباس حامد محمد عمارة 8 شقة 300 المرور الأول بالدهار/الغردقة مرجع حساب 0/190/4/1/801
 علما بان عقد الوحدة الممنوحة للسيد / عادل عباس حامد – البند التاسع – (يتعهد الطرف الثاني بعدم التصرف في الوحدة المبيعه بالبيع أو التنازل أو إجراء أي تعديلات فيها إلا بعد موافقة المحافظة و....))
 وعلما بان العقد المقدم من السيد / محمد عبد إسماعيل -مقدم الطلب ..هو عقد عرفي – ولا يوجد عليه صحة توقيع من المحكمة .. وكذلك لا يوجد إقرار وتعهد بصحة البيانات والمسؤولية عنها

(لاَ يُحِبُّ اللَّهُ الجَهْرَ بِالسُّوءِ مِنَ القَوْلِ إِلاَّ مَن ظُلِمَ وَكَانَ اللَّهُ سَمِيعاً عَلِيماً (148) )
برجاء التكرم من سيادتكم ببحث تظلمى هذا بعين الرأفه والاعتبار ورفع الجزاء و الظلم و الاجحاف الواقع على شخصى
وتفضلوا سيادتكم بقبول فائق الاحترام
مقدمه لسيادتكم
محاسب / محمد توفيق محمد
مدير الشئون التجاريه بهندسة كهرباء شمال الغردقة .بالبحر الاحمر

.................................................. .................................................. ............................

دلوقتى انا عايز اشتكى محامى الشركة اللى حقق معايا
اولا لانه وقع على شخصى جزاء فى واقعه انا بعتبر انها لا تحتوى على مخالفه
او على الاقل المخالفه غير جوهريه وانا وضحت ده فى ردى عاليه
ثانيا لان محامى التحقيق معى هو نفسه -- اشر بفتوى قانونيه تحتوى على اخطاء

[mailo]

أنا معرفش

بس ممكن ترفع عليه قضية عند الناس بتوع القضاء الادري

مش ده تبعهم برده ؟

[abokoko]

لا
المحامى ليهم تفتيش مفروض تبع وزارة العدل
وده اللى بسال عليه علشان اشتكيه

[abokoko]

???
الاخوة المحاميين ممكن يتفضلوا بالافادة
ولهم شكرى

[A.Saad]

يا استاذ محمد
مش هينفع حضرتك تشتكى موظف فى مكان خارج جهة عملك
لان
1 - على حد علمى مش هيكون خاضع للى حضرتك عايزه من تفتيش العدل
2- لو اختلفت مع محامى حر
بتشتكيه فى النقابة مش الوزارة
3- الشكوى لجهة خارجية هيتطلب انك تورى ليهم اوراق جهة عملك
وده ممكن ميكنش مقبول عندك وتاخد جزاء تانى
شوف اللوائح فى الشركة عندك وازاى تقدم التظلم ولاى جهة بالظبط

[abokoko]

يا استاذ محمد
مش هينفع حضرتك تشتكى موظف فى مكان خارج جهة عملك
لان
1 - على حد علمى مش هيكون خاضع للى حضرتك عايزه من تفتيش العدل
2- لو اختلفت مع محامى حر
بتشتكيه فى النقابة مش الوزارة
3- الشكوى لجهة خارجية هيتطلب انك تورى ليهم اوراق جهة عملك
وده ممكن ميكنش مقبول عندك وتاخد جزاء تانى
شوف اللوائح فى الشركة عندك وازاى تقدم التظلم ولاى جهة بالظبط

انا فعلا بسال علشان اتجنب الخطأ واتجنب جزا تانى
انا بدأت داخل الشركة بالتظلم
ولسه الرد
لكن المحامين بيبقى ليهم وضع مستقل او مختلف عن باقى الموظفين داخل جهات العمل نفسها
وتقاريرهم السنويه بتتعرض على التفتيش بتاعهم
وعلشان كده انا هتظلم لتفتيشهم
و ده اللى بسال عليه تحديدا

[Inteltech]

ربنا معاك ويوفقك لما فيه الخير ومتابعين

[abokoko]

ربنا معاك ويوفقك لما فيه الخير ومتابعين

شكرا لحضرتك

[abokoko]

اكون شاكر جدا لو حد من المحامين من الاخوه بالمنتدى
يتفضل ويفيدنى

[AHMED12345678]

حضرتك تقدر تشتكيه فى النيابة الادارية بالبحر الاحمر وإذا وجدت النيابة أن المحامى المذكور اخطأ فعلا
فحينها سينتهى الامر بمجازاته إذا كان درجته الوظيفية أقل من درجة مدير إدارة قانونية أو أقل من مدير عام إدارة قانونية
إما إذا كان هذا المحامى بدرجة مدير إدارة قانونية أو أقل من مدير عام إدارة قانونية وثبت ضده الخطأ فستحيلة النيابة لإدارة التفتيش الفنى على الادارات القانونية بوزارة العدل للمجازاته أو لإحالته للمحاكمة التأديبية

بس المشكله هنا أن الاجراءات دى كلها هتأخد وقت طويل وفى نفس الوقت مش هتفيدك فى رفع الجزاء عنك لأن كل الاجراءات كلها بخصوص المحامى

أما حضرتك فالافضل تتظلم من القرار الادارى بمجازاتك امام جهة رئاستك خلال 60 يوم من صدور قرار الجزاء فإذا لم تستجب جهة الادارة فحضرتك ترفع دعوى أمام محكمة القضاء الادارى المختصة خلال الستين يوم أيضا من تاريخ صدور قرار الجزاء

بالمختصر حضرتك قدم الشكوى للنيابة الادارية لمحاسبة المحامى وفى نفس الوقت ارفع قضية امام محكمة القضاء الادارى المختصة بمجلس الدولة لرفع قرار الجزاء بس المهم يكون ده خلال ستين يوم من تاريخ صدور قرار الجزاء

[abokoko]

حضرتك تقدر تشتكيه فى النيابة الادارية بالبحر الاحمر وإذا وجدت النيابة أن المحامى المذكور اخطأ فعلا
فحينها سينتهى الامر بمجازاته إذا كان درجته الوظيفية أقل من درجة مدير إدارة قانونية أو أقل من مدير عام إدارة قانونية
إما إذا كان هذا المحامى بدرجة مدير إدارة قانونية أو أقل من مدير عام إدارة قانونية وثبت ضده الخطأ فستحيلة النيابة


لإدارة التفتيش الفنى على الادارات القانونية بوزارة العدل


للمجازاته أو لإحالته للمحاكمة التأديبية

بس المشكله هنا أن الاجراءات دى كلها هتأخد وقت طويل وفى نفس الوقت مش هتفيدك فى رفع الجزاء عنك لأن كل الاجراءات كلها بخصوص المحامى

أما حضرتك فالافضل تتظلم من القرار الادارى بمجازاتك امام جهة رئاستك خلال 60 يوم من صدور قرار الجزاء فإذا لم تستجب جهة الادارة فحضرتك ترفع دعوى أمام محكمة القضاء الادارى المختصة خلال الستين يوم أيضا من تاريخ صدور قرار الجزاء

بالمختصر حضرتك قدم الشكوى للنيابة الادارية لمحاسبة المحامى وفى نفس الوقت ارفع قضية امام محكمة القضاء الادارى المختصة بمجلس الدولة لرفع قرار الجزاء بس المهم يكون ده خلال ستين يوم من تاريخ صدور قرار الجزاء

اولا الف شكر لرد حضرتك
واسمح لى اسال حضرتك
ينفع اتوجه بالشكوى مباشره ل ادارة التفيش الفنى على الادارات القنونيه بوزارة العدل ؟؟؟
ينفع اعمل الشكوى ليهم مباشره من غير خطوة النيابة الاداريه ؟؟
ومن غير ما استنى لجنة التظلمات بداخل الشركة ؟؟؟

وبكرر شكرى لحضرتك

[AHMED12345678]

حضرتك لا شكر على واجب
وينفع تتقدم بالشكوى مباشرة لادارة التفتيش الفنى بوزرارة العدل مباشرة ومن غير متستنى لجنة التظلمات بالشركة

بس اهم حاجة لازم لجنة التظلمات بالشركة تعرفك نتيجة التظلم من قرار الجزاء خلال ستين يوم من تاريخ صدوره علشان تلحق ترفع قضية امام القضاء الادارى فى الميعاد القانونى فى حالة عدم قبول التظلم

وربنا يوفق حضرتك

[abokoko]

ممكن اعرف العنوان اللى ارسل عليه الخطاب

من النت -- ميدان لاظوغلى - صح كده ؟؟؟

وجزاك الله خيرا