استفسار بسيط لمتخصصين الكهرباء ..

[smsm2015]

السلام عليكم

هو ينفع استعمل سلك الايرث اللى بيكون اصفر فى اخضر كسلك حى ولا ده ليه مواصفات والثانى ليه مواصفات اخرى لانى كنت محتاج كام متر سلك سويدى فروحت للكهربائى طلعلى لفة سلك اصفر + اخضر بقوله ده ايرث وانا عاوزه حى فقالى يشتغل عادى فهل كلامه صحيح ان الفرق لتميز اللون فقط لكن المواصفات واحده ..

[mohamed_selim]

هو ينفع طالما سمك السلك مناسب ... بس لو عايز الصح متستخدمش الوان الايرث فى الحى عشان فى المستقبل لو فى شغل تانى ممكن تحصل لخبطه و حد يتكهرب لا قدر الله

[amrelsaqqa]

شوفه كام ميللى وبناء على استخدامك هينفع اولا
بس هو غالبا بيبقى ارفع من الاطراف التانية فخلى بالك

[smsm2015]

هو نفس سمك السلك العادى 2 ملى والف شكر لكم ...

[m_marmoush]

ينفع مافيش مشكلة مادام سمكة مناسب

[Gelgel2004]

مادام القطر واحد 2 او 1.5 او حتى 4 ملم فمافيش مشكله
اللون ممكن يلخبط الصنايعى فى اى حته الا مصر
لان 99.5 % من الصنايعيه مبيشتغلوش بالايرث لييكدج
و لما بشطب فليلات او شقق اصحابى و اصر على تركيب الايرث للحمايه - باسمع ردود مافيش داعى لذكرها
مع ان مصر فى الاربعينات و الخمسينيات كل وحدات و سط البلد راكب ليها ايرث
و عجبى على صنايعيه هذا الزمان.

[smsm2015]

شكرا اخوانى الاعزاء على ردودكم الكريمه ربنا يخليكم ويبارك فيكم .....

[TaoTao]

مادام القطر واحد 2 او 1.5 او حتى 4 ملم فمافيش مشكله
اللون ممكن يلخبط الصنايعى فى اى حته الا مصر
لان 99.5 % من الصنايعيه مبيشتغلوش بالايرث لييكدج
و لما بشطب فليلات او شقق اصحابى و اصر على تركيب الايرث للحمايه - باسمع ردود مافيش داعى لذكرها
مع ان مصر فى الاربعينات و الخمسينيات كل وحدات و سط البلد راكب ليها ايرث
و عجبى على صنايعيه هذا الزمان.

أول مرة اعرف إنه ممكن اركّب أرضي !! لو تتكرم وتعمل موضوع عن الأرضي وكيفية التجهيز له يبقى كتر خيرك :)

[HeMa_LanCeR]

أول مرة اعرف إنه ممكن اركّب أرضي !! لو تتكرم وتعمل موضوع عن الأرضي وكيفية التجهيز له يبقى كتر خيرك :)

دي شغلتي ياباشا :)
علشان تركب ايرث
هتاخد فارده ايرث مع السلك
وتعمل بير في الشارع وتوصل السلك بية

[Gelgel2004]

أول مرة اعرف إنه ممكن اركّب أرضي !! لو تتكرم وتعمل موضوع عن الأرضي وكيفية التجهيز له يبقى كتر خيرك :)

السلام عليكم
خلال كام يوم هاجهز الموضوع ان شاء الله و ياريت الكل يستفيد منه
لانه من ضروريات الامان فى اى وحده او مصنع
تحياتى لحضرتك و الف شكر لمشاركتك.

[TaoTao]

السلام عليكم
خلال كام يوم هاجهز الموضوع ان شاء الله و ياريت الكل يستفيد منه
لانه من ضروريات الامان فى اى وحده او مصنع
تحياتى لحضرتك و الف شكر لمشاركتك.

وعليكم السلام، وأكيد هايكون موضوع مميز ومهم. شكراً لحضرتك

[TaoTao]

دي شغلتي ياباشا :)
علشان تركب ايرث
هتاخد فارده ايرث مع السلك
وتعمل بير في الشارع وتوصل السلك بية

ربنا يوفقك، كنت عاوز اسأل ايه فايدته في المنازل، وهل محتاج تجهيز إضافي للأجهزة الكهربية وبرايز الكهربا (القوابس)؟