أستفدت أية من حياتك العملية؟

[Ghosts]

مش ضرورى نعرف وظيفتك ....
أحنا عايزين نعرف أنت أستفدت أية من حياتك العملية؟؟!!

ياريت كل واحد يقولنا عن خبراتة ....
عشان نقدر نفيد بعض ....

[Dr_Mido]

اولا ان التعليم ملوش اى 30 لازمه و الكورسات و التدريب هما اهم حاجه

قذارة التعامل فى سوق العمل

[FunnyMickey]

1- ان الشغل شغل محدش حيديك مرتب جنيه من غير ما يشغلك ب10
2- الفلوس لغه العالم واللي معاه قرش يسوي قرش
3- مهم اوي تبقي امين في شغلك مهما حصل
4- ميملاش عين البني ادم غير التراب

[alexaway]

استفدت اني اغير نشاط شغلي حسب الوضع ومتمسكش بشغله بتقع وافكر فى الجديد

[mohdamin18]

محدش بيتعلم ببلاش و مفيش حاجة اسمها تعليم مجاني

[Ghosts]

أستفدت من حياتى العملية أن عدوك أبن كارك ....
و أن زميلك عمرة ما هيتمنى لك الخير لأنة أما أنة هيحسدك أو هيفسدك ....
وأن مفيش حاجة أبدآ أبدآ أسمها صداقة عمل ما بين راجل وست ....
فى زمالة وأحترام داخل مكان العمل فقط لا غير لكن برة الشغل ....
غلط أننا نحكم على الأشخاص و الأشياء بالمظاهر ....
و أجرى يا أبن دم جرى الوحوش غير رزقك لن تحوش ....

[waelfarid]

كل ما سبق

[Ghosts]

1- ان الشغل شغل محدش حيديك مرتب جنيه من غير ما يشغلك ب10
2- الفلوس لغه العالم واللي معاه قرش يسوي قرش
3- مهم اوي تبقي امين في شغلك مهما حصل
4- ميملاش عين البني ادم غير التراب

كلام فى الصميم ....
بس أنا عندى أستفسار بخصوص العمل بأمانة وأتقان ....

تحس بأية يا Mickey لما تلاقى نفسك شغال بضمير و جهد متواصل و مفيش أى تقدير من صاحب العمل أو الأدارة و فى الوقت نفسة تلاقى اللى مابيشتغلش زية زيك فى التقدير المادى والمعنوى ....

بالذمة مش دى حاجة تغيظ و تسد النفس وتخلى اللى بيشتغل يبطل شغل ويكبر دماغة زى الناس التانين؟؟!!

[Mostafa.Mahran]

- بلاش نخسر الى فدامنا علشان حاجات بسيطة و لازم نخلى علاقتنا كويسة بكل الناس علشان الايام بتدور و ممكن تحتاج لاى حد

-الشغل عبارة عن حرب شرسة و صراعات قوية جدا داخلية بين الزمايل و خارجيا بين الشركة الى بتنافس شركتك

- الواحد يحاسب على اى كلمة تخرج منه لانه بيتحاسب عليها و بتتحسب عليه

[Mostafa.Mahran]

كلام فى الصميم ....
بس أنا عندى أستفسار بخصوص العمل بأمانة وأتقان ....

تحس بأية يا mickey لما تلاقى نفسك شغال بضمير و جهد متواصل و مفيش أى تقدير من صاحب العمل أو الأدارة و فى الوقت نفسة تلاقى اللى مابيشتغلش زية زيك فى التقدير المادى والمعنوى ....

بالذمة مش دى حاجة تغيظ و تسد النفس وتخلى اللى بيشتغل يبطل شغل ويكبر دماغة زى الناس التانين؟؟!!

الواحد فى الشغل بيتعامل مع ربنا و بيعمل الى عليه و خلاص

[Ghosts]

الواحد فى الشغل بيتعامل مع ربنا و بيعمل الى عليه و خلاص

عندك حق يا بشمهندس ....

[Ghosts]

- بلاش نخسر الى قدامنا علشان حاجات بسيطة و لازم نخلى علاقتنا كويسة بكل الناس علشان الايام بتدور و ممكن تحتاج لاى حد

- الواحد يحاسب على اى كلمة تخرج منه لانه بيتحاسب عليها و بتتحسب عليه

بالنسبة للنقطة الأولى أنت طبعآ عندك حق فيها بس أنا مبعرفش أعمل كدة ....
أصل الواحد لما يلاقى أسلوب غبى فى التعامل من شخص ما لازم هيقفش علية علشان ميديش فرصة لية أو لغيرة أنة يتمادى فى الغباوة ....

أما بالنسبة للنقطة التانية فأنا عايز أقولك أنى بطلت أتكلم خاااااالص عشان الواحد ياما أتكلم وندم بعد كدة ....

[grand hand]

ان التميز ساعات بيضر الانسان اكتر ما بيخدمه
وفى احيان كتيرة السير مع القطيع او تكبير الدماغ بيكون افضل حل لعمل هادى بدون مشاكل
(الكلام ده فى مصر بس)

[Ghosts]

ان التميز ساعات بيضر الانسان اكتر ما بيخدمه
وفى احيان كتيرة السير مع القطيع او تكبير الدماغ بيكون افضل حل لعمل هادى بدون مشاكل
(الكلام ده فى مصر بس)

معلم كبير ....
عندك حق بدون أدنى شك ....

[Sherifmt]

عرفت ان اللي كنا بندرسه كله من اول أبتدائي غير العربي والحساب والأنجليزي والعلوم ملوش اي لازمه خصوصا التاريخ والجغرافية والتربيه الوطنيه علشان معظم المواد دي فتي وكدب ملوش لازمه في الحياه العمليه.
أخلاقك ومظهرك ولسانك ودماغك ودراعك وصحتك هما الأساس شهادتك ممكن تساعد لكن لو عندي وظيفه واتقدملها اتنين واحد بدون خبره معاه شهادة عاليه والتاني معاه خبره وشهادة أعدايه هختار التاني علشان معاه خبرة واشتغل قبل كده الأولاني هيجي يجرب ويا يعجبة يا يقولي شهادتي ومؤهلاتي وسلطاتي للأسف انا مبقتش اثق في شهادات ومؤهلات يعني ايه بكلوريوس وميعرفش يستخدم برنامج اكسل ويعمل جدول ولا ميعرفش يعمل مقابلة بالأنجليزي ولا بالفرنساوي والاسم محاسب ولا مهندس ولا حتي دكتور ومن الواضح ان الكوسه كانت شغاله علشانه في الدراسه لكن في الحياه العمليه الصح كله بيبان انا احيانا بيجيلي طالب او طالبة شغل مجهزين ملف ولا خمسين صفحة شهادات ودورات وتوصيات وجاي يشتغل موظف في فندق عالمي نبدأ المقابلة يطلع أبيض عقلية تلميذ في أعدادي كل اللي يعرفوه عن الكمبوتر محادثة وتصفح !!!! طيب الانجليزي شويه كلمات من أفلام مع عوجة لسان هبله وشكرا !!!

بجد لازم نبدأ بالتعليم ونوفر فلوسنا علي الدروس وندرس لهم المواد العمليه أكتر ونضيف مواد من الواقع عن الأخلاق و التجاره و الصيانة والأمن والسلامه والأسعافات وحق الغير وندرسلهم الدين صح مسلم أو مسيحي بدون تعصب والتاريخ الفرعوني وكمان الأخلاق الرياضية يشجع بأدب ويطمح للنجاح ويتقبل الهزيمة والفشل اللي بتكون الخطوة ألأخيرة قبل أي نجاح ونلغي فكرة ان المصري فقط اي مصري أحسن واحد في الدنيا وباقي البشر مالهمش لازمه طيب بأمارة أيه !!!!
ونبني أطفالنا صح بحيث من أعدادي يكونو جاهزين للحياه العملية بكل جديتها وقسوتها مش بعد الجامعة والجيش يبدا يفكر في مستقبلة اللي بيكون خلاص تقريبا ابتدا يكون ماضي !!!!!

تحياتي من مكه (: