تحذير من قسم القاهرة الجديدة بالتجمع الخامس

[tam77]

للأسف بأكتب الموضوع وانا حزين جدا على الشرطة فى مصر
الموضوع بالمختصر صديقة مراتى كانت واقفه امام البيت ونزلة من العربية هى وجوزها جت عربية شدت منها الشنطة وسحلوها على الأرض طبعا جوزها مقدرش يجرى ورا العربية علشان مراته على الأرض والعيال بتصوت المهم شنطتها كان فيه 400 جنية وتليفون وفيز جوزها أتكلم على الموبيل الحرامى رد علية وأله أنت قفلت الفيز جوزها أله أحنا عايزين البطاقة والكارنيهات بس وحلال عليكى الموبيل و400 جنيه أله هرميلك الشنطة تحت نفق القاهرة الجديدة
طبعا راح القسم وكلم الضباط الى هناك علشان حد يروح معاه تخيلوا الظباط قولوا أية أنا دمى فار منقدرش نجى ممكن يكون كمين فنموت تخيلو طبعا قال حسب الله ونعم الوكيل وراح المكان المتفقين علية ملقاش حاجة ولا كان فيه كمين ولا حاجة
أنا بجد حزين جدا وعايزين نشتكى مأمور قسم القاهرة الجديدة ولازم الظابط دا يتفصل
وحسب الله ونعم الوكيل

[ahmed_mido1889]

مين المامور الي كان هناك العميد محمد نجم والا غيره؟؟

علشان انا اعرف المامور

[المنسي]

حسبي الله ونعم الوكيل في كل واحد مبيحللش القرش اللى بياخده

[M.Elgergawy]

لك الله يا مصر

[tam77]

مين المامور الي كان هناك العميد محمد نجم والا غيره؟؟

علشان انا اعرف المامور

معرفش مين المأمور بس هو ماكنش موجود

[ashouhdy]

قاعدين مستنيين تليفون شفيق و عمرو موسى

[Inteltech]

لا حول ولا قوة الا بالله وربنا يخلصنا بقى من القرف ده شوف يا سيدي الفاضل موضوع الفيز ده اخر حاجة تقلق منها يعني بتليفون هيوقفها انا عن نفسي من بعد البلد ما بقت كده مبقتش بمشي بمبلغ نقدي اكثر من 100 جنيه والباقي فيزا واساسا اللي سرقها مش هيعرف يستخدمها بحاجة ولازم صاحبك يتصل بالبنك فورا يبلغ انها تسرقت برضو احتياط امان . بالنسبة للبطايق والتليفون هو يعمل بلاغ بنفس القسم ويقدم على بطايق جديدة والتليفون يستعوض ربنا فيه وادي حال البلد اليومين دول .

[تامر.محمد]

منقدرش نجى ممكن يكون كمين فنموت

مش هاينفع اي تعليق مهذب هنا !

[tam77]

لا حول ولا قوة الا بالله وربنا يخلصنا بقى من القرف ده شوف يا سيدي الفاضل موضوع الفيز ده اخر حاجة تقلق منها يعني بتليفون هيوقفها انا عن نفسي من بعد البلد ما بقت كده مبقتش بمشي بمبلغ نقدي اكثر من 100 جنيه والباقي فيزا واساسا اللي سرقها مش هيعرف يستخدمها بحاجة ولازم صاحبك يتصل بالبنك فورا يبلغ انها تسرقت برضو احتياط امان . بالنسبة للبطايق والتليفون هو يعمل بلاغ بنفس القسم ويقدم على بطايق جديدة والتليفون يستعوض ربنا فيه وادي حال البلد اليومين دول .

فعلا وقفنا الفيزا بالتليفون وربنا يرحمنا

[tam77]

مش هاينفع اي تعليق مهذب هنا !

والله كان نفسى أقلع الظابط هدومة لان حرام واحد زى دا يلبس البدلة ديه

[ahmed_mido1889]

لا بلاش تقلعه لبسه نقاب بس

[ahmedkhairy]

معلش هى الأمور فى البلد مش هترجع مرة واحدة
هتاخد وقت شوية
وبالنسبة للظابط ده مقصر جدا فى أداء عمله

[Inteltech]

يا جماعة اسمحولي خلينا نكون منصفين شوية كمان بدل ما بنهاجم ضباط الشرطة وخلاص ما في كل يوم ضابط بيموت شهيد علشان يحمي روح اخر حاجة كانت المجند اللي حاول ينقذ بنت من الخطف بمدينة الشروق ودلوقتي الكل شايف الضابط مش بيلحق اساسا يقبض على حد الا اتفتحت عليه ابواب جهنم وطلع الكلاشنكوف والآلي وبدأ الرش قبل حتى الضابط ما يسحب الطبنجة بتاعته ومين مستعد يموت نفسه علشان واحد اتسرقت منه شنطة مش بقول ان الضابط مش مقصر لكن برضو احنا لازم نامن نفسنا يا كمان يعني معرضش نفسي للسرقة واقول الحقيني يا شرطة محدش يزعل من كلامي بس ده الواقع دلوقتي ولو كانت دي حاجة اكبر من سرقة لا سمح الله مكنش الضابط ده هيقدر يتأخر لا هو ولا غيره وانا واثق ان البلد حالها هيتصلح والامن هيتعدل وكل ده عايز وقت مننساش ان دي من ضمن منغصات عيشتنا كل يوم علشان نقول يلعن الثورة والثوار وفي ناس دافعة للبلطجة اللي بتحصل وفي ناس كمان ما صدقت وهاصت بالليلة دي وفي ناس مغرضة مننا فينا مبصدقش نظرية المؤامرة الخارجية اساسا بس بقول ان الكلام ده مقصود لحد كبير ومننا فينا وافتكروا يا أنا يا الفوضى مكنتش عفوية ولا ملهاش معنى وادينا بنتعلم كل يوم وربنا يسترها مع الكل
سامحوني ان كنت ديقت اي حد بردي وربنا يعوض على اللي اتسرق

[OMAR61995]

يا جماعة اسمحولي خلينا نكون منصفين شوية كمان بدل ما بنهاجم ضباط الشرطة وخلاص ما في كل يوم ضابط بيموت شهيد علشان يحمي روح اخر حاجة كانت المجند اللي حاول ينقذ بنت من الخطف بمدينة الشروق ودلوقتي الكل شايف الضابط مش بيلحق اساسا يقبض على حد الا اتفتحت عليه ابواب جهنم وطلع الكلاشنكوف والآلي وبدأ الرش قبل حتى الضابط ما يسحب الطبنجة بتاعته ومين مستعد يموت نفسه علشان واحد اتسرقت منه شنطة مش بقول ان الضابط مش مقصر لكن برضو احنا لازم نامن نفسنا يا كمان يعني معرضش نفسي للسرقة واقول الحقيني يا شرطة محدش يزعل من كلامي بس ده الواقع دلوقتي ولو كانت دي حاجة اكبر من سرقة لا سمح الله مكنش الضابط ده هيقدر يتأخر لا هو ولا غيره وانا واثق ان البلد حالها هيتصلح والامن هيتعدل وكل ده عايز وقت مننساش ان دي من ضمن منغصات عيشتنا كل يوم علشان نقول يلعن الثورة والثوار وفي ناس دافعة للبلطجة اللي بتحصل وفي ناس كمان ما صدقت وهاصت بالليلة دي وفي ناس مغرضة مننا فينا مبصدقش نظرية المؤامرة الخارجية اساسا بس بقول ان الكلام ده مقصود لحد كبير ومننا فينا وافتكروا يا أنا يا الفوضى مكنتش عفوية ولا ملهاش معنى وادينا بنتعلم كل يوم وربنا يسترها مع الكل
سامحوني ان كنت ديقت اي حد بردي وربنا يعوض على اللي اتسرق

+1
كلام زى الفل
الضابط برضه عايز يروح لبيته و عياله
غير كده أنه عارف أنه هيتضرب عليه نار لأن خلاص المجرمين مبقوش يخافو
و الضابط مش هيضحى بحياته عشان موبايل و فلوس
مع أن دى وظيفته و واجبه بس دى الحقيقة

[MASERATI]

للأسف بأكتب الموضوع وانا حزين جدا على الشرطة فى ...........

منقدرش نجى ممكن يكون كمين فنموت...............
وحسبى الله ونعم الوكيل

السلام عليكم و رحمة الله و بركاته

أنتوا زعلانين من الظابط ليه, هو عشان بيقول الحق, يبقى تزعلوا منه !!!!!!!!!, لا الراجل بيقول على نفسه ست و لا الست بتقول على نفسها راجل, كل واحد عارف نفسه كويس أوى و هو قال اللى فى نفسه.

الحرس الخاص اللى كان ماشى مع القذافى, قاعدين دلوقتى و مش لاقيين شغل, المجلس العسكرى كان بيتناقش مع رئيس الوزرا, أنه يتعاقد معاهم عشان ييجوا يمسكوا الداخلية.