لو حبيت تعاتب الوالد أو الوالدة على تصرفات كانت بتضايقك هتقول أية؟

[Ghosts]

مفيش شك أن كل واحد فينا بيكن لوالدية كل الحب و الأحترام ....
لكن ساعات كتير بيرتكب الأب أو الأم أخطاء بيبقى ليها تأثير سلبى جدآ فى حياة أولادهم ....

لو حبيت تعاتب الوالد أو الوالدة على تصرفات كانت بتضايقك ولا يمكن تعملها مع أولادك هتقول أية؟؟!!
و أية الحاجات اللى أتعلمتها منهم اللى مقرر أنك تطبقها مع أولادك؟؟!!

[mohdamin18]

مبعرفش اعاتبهم .. مع ان فيه حاجات كتير بيعملوها بحس انها مش صح .. بس في الآخر بقول دا والدي و والدتي يعني و لازم تاخد بالك من فرق الأجيال و الخبرة و ساعات كتير بيطلعوا صح و انا غلط

[SASA3]

مهما حصل بقولهم كتر خيركم و ربنا يخليكم ليا و ميحرمنيش منكم يا رب

[Ghosts]

مبعرفش اعاتبهم .. مع ان فيه حاجات كتير بيعملوها بحس انها مش صح ..

يا سيدى تخيل أنك بتعاتبهم على تصرفات بتضايقك ....

مهما حصل بقولهم كتر خيركم و ربنا يخليكم ليا و ميحرمنيش منكم يا رب

أمين يارب ....

[minicooper20]

سعات كتير كنت بفكر انهم بيعملو حاجه غلط بس بعد شويه بكتشف انهم سح و انا الحمار
لاكن مفيش حاجه عملوهالى فى حياتى الا و كانت فى مصلحتى
مليش عليهم اى عتاب بصراحه

[abd_el_7amid]

مهما حصل بقولهم كتر خيركم و ربنا يخليكم ليا و ميحرمنيش منكم يا رب

إن الله قرن حقهما بحقه، قال تعالى: وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا [الإسراء:23]

صدقنى مهما عملوا .... بعد عمر طويل ... هتقعد و تفتكر وتقول ياريتنى ما كنت عملت كذا وكذا

[dolly13]

انا والدتى توفت وانا صغيرة جدا فى السن
ووالدى قبل وفاته من بضعة اشهر كنت دائما اعاتبه على اشياء حدثت زمان ولكن فى جو كله ضحك وتهريج وهو كان بيقعد يهزر معايا فى الذكريات دى بدون زعل او حدة فى الكلام

[FunnyMickey]

عاوز اعاتب امي علي حاجه واحده بس
.
.
.
.
.
.
.
ياريت ياامي لو الزمن رجع بينا لورا
متشربنيش كميات الجوافه باللبن دي كلها




انا بقي جوايا بذر بدل كرات الدم يااما

[Seifmando]

السلام عليكم

عمري ما هعاتبهم

[gomangy]

بعاتبهم في سري

[tifa55555]

مش ممكن اعاتبهم مهما عملو ،ولكن احاول اتعلم من اخطائهم حتى لا اقع فيها مع اولادى

[sherifahmed]

انا امى و ابويا لو اقدر اشيلهم فوق دماغى اعملها

[horas3000]

في مجتمعنا بالذات صعب و يكاد يكون مستحيل نقدر نعاتب او نلوم اهالينا

و الحاجة الوحيدة تقريبا اللي ممكن اقول اني عايز اعاتب اهلي عليها و ان شاء الله اتفادي الموضوع ده مع اولادي هي انهم لم يهتموا بتنمية اي موهبة عندي و لم يحاولوا اشراكي في اي نشاط خارج نطاق التعليم زي الرياضه او الموسيقي و خلافه
لان في اعتقادي حاجة من دي كانت هتفرق معايا كتير قوي و تنمي فيا حاجات اعتقد اني محتاجها

[bido600]

عاوز اعاتب امي علي حاجه واحده بس
.
.
.
.
.
.
.
ياريت ياامي لو الزمن رجع بينا لورا
متشربنيش كميات الجوافه باللبن دي كلها

:_alshmokh11:


انا بقي جوايا بذر بدل كرات الدم يااما

هههههههههههههههههههههههههههههههههههههههههههههههههه ه
جامدة جداااااااااااا:d:d:d:d

[المنسي]

اعاتبهم بيني وبين نفسي واشوف ايه الحاجات اللى كان نفسي يعملوها معايا ومعلموهاش واحاول اعملها لولادى عشان ميرجعوش بعد عمر طويل يقولو ياريت بابا كان عمل لنا كذا او كذا