محدش يعرف مكان افصل فية عفش مودرن ومطابخ كويسة

[egytamer]

السلام عليكم
انا بوضب عش الزوجية وطبعا زي محضرتكم عارفين الاسعار نار فالواحد مبقاش ملحق علي اي حاجة وبا ان الشقة مساحتها مش كبيرة فبفكر في تفصيل عفش علشان يكون علي قد المساحة عندي وتكون اسعارو معقولة.
فياريت لو حد يعرف حد بيفصل عفش مودرن ومطابخ بجودة وسعر مناسب يكتبلي تليفونة اكون شاكر لية جدا لاني شفت ناس بنوع مطابخ في المهندسين متر الخشب الارو ب1400 بدون اي اكسسوارات او رخام وناس في رمسيس حوالي 15 واحد ورا بعض بيتراوح سعر المتر الارو من 650 الي 950 بالاكسسوارات والرخام فالفرق مخوفني ولو حد يعرف حد بتاع مطابخ المتال وخشمنيوم يبقي تمام.
او لو فية مكان بيبيع جاهز كويس برضو شغال.
وشكرا ليكم مقدما

[mohammedabdallh]

بعد لف طويييييييييييييييييييل لاخويا ونسال هنا وهنا
معرض القوات المسلحه سعر مناسب وجوده مناسبه
المعرض فى العباسيه
وروح واتفرج وهدتعيلى

[mailo]

هو أنا أعرف واحد بيفصل بس اسعاره غالية بصراحة

بس هو شغله نضيف قوي ومعظمه فلل وقصور والكلام ده

[w-m-a]

الاخ العزيز / egytamer
يشرفنى الاتصال بى
اخوكم
وائل
01001154220

[beshomilan]

انزل ورش فى ارض اللواء هى اللى بتعمل الشغل الجامد اللى انت عايزه بأسعار مميزة

[mohaismail]

ربنا يوفقك ويتمملك على خير

[A.Saad]

انزل ورش فى ارض اللواء هى اللى بتعمل الشغل الجامد اللى انت عايزه بأسعار مميزة

فين هناك يا غالى
وهل عندهم جاهز ولا لا

[egytamer]

اشكركم جميعا علي الردود ومعلش علي التاخير في الرد بس انتو عارفين التوضيب الواحد بيخلص الشغل يطلع علي الشقة يفضل واقف مع الصنيعية لحد ميروح مقتول مبيحسش باي حاجة بيكون عايز ينام وش.

بعد لف طويييييييييييييييييييل لاخويا ونسال هنا وهنا
معرض القوات المسلحه سعر مناسب وجوده مناسبه
المعرض فى العباسيه
وروح واتفرج وهدتعيلى

اشكرك علي النصيحة وإن شاء الله هروح اتفرج بس هما عندهم مطابخ كمان

هو أنا أعرف واحد بيفصل بس اسعاره غالية بصراحة

بس هو شغله نضيف قوي ومعظمه فلل وقصور والكلام ده

ياريت حضرتك تديني تليفونة وهكلمو واشوف الاسعار وربنا يسهل

الاخ العزيز / egytamer
يشرفنى الاتصال بى
اخوكم
وائل
01001154220

هكلم حضرتك انهردا إن شاء الله

انزل ورش فى ارض اللواء هى اللى بتعمل الشغل الجامد اللى انت عايزه بأسعار مميزة

ياريت حضرتك لو تعرف حد كويس هناك او اسم الشارع هناك وانا هنزل اسئل

ربنا يوفقك ويتمملك على خير

الله يخليك شكرا ليك

[a7mous]

متابع

[beshomilan]

ياريت حضرتك لو تعرف حد كويس هناك او اسم الشارع هناك وانا هنزل اسئل

بص فين بالظبط او حد معين معرفش بس انا عارف ان معظم الناس زى عمرو حلمى واسامة الشاهد والناس دى بتعمل شغلها فى ورش فى ارض اللواء والسلام والحتت دى

[CryptonX]

بعد لف طويييييييييييييييييييل لاخويا ونسال هنا وهنا
معرض القوات المسلحه سعر مناسب وجوده مناسبه
المعرض فى العباسيه
وروح واتفرج وهدتعيلى

مع احترامي الكامل انا جبت غرفة نوم و سفرة من هناك ...
وبدعي كل مرة على اليوم الي رحت فيه هناك !

الخشب كويس الصراحة و نضيف .. بس العمالة و التفنيش و الاكسسوار (صيني) و الحاجة مكاملتش سنتين .. و الادراج نصها بقى بايظ و الكهرباء باظت و مفصلات الدولاب غيرتها !