الجنيه المصرى ...... ذكرى ... وفكره

[mmolazem]

بداية ... بحثت فى المنتدى ، حتى لا أقع فى خطاء التكرار ( ولم اجد ) .
وارجوا ان اكون قد وفقت.

ندخل فى الموضوع باللينك الجميل ده وهو ما يعبر عن ( الذكرى )

http://www.nilemotors.net/Nile/showt...E1%E3%D5%D1%EC

اما عن ( الفكره )
فهى برغم طرافتها و غرابتها ...
الا اننى وجدتها فكره جديره بالمناقشه .

وهذا نصها :

اقترح اصدار طقم عملات جديد بتصميم جديد ونشره فى الاسواق وسحب العملات القديمه خلال عام.
الجنيه الجديد تكون قيمته عشره جنيهات من الجنيه القديم

اى انه فى فترة العام

يمكن استبدال الجنيه الجديد بعشره من القديم والعكس
مجرد تسميات فقط

وعلى هذا سيكون الدولار بـ 56 قرشا (مثلا)
واليورو ب 80 قرشا
والذى مرتبه الف جنيه سيكون مرتبه مائه جنيه
والذى مرتبه مائتين جنيه سيكون مرتبه عشرون جنيه
وسيكون كيلو اللحمه باربع جنيهات

والبدله المتوسطه بمائه جنيه والحذاء العادى بخمسة عشر جنيها
ستكونتذكرة المترو بعشرة صاغ


ومشوار التاكسى المتوسط بخمسين قرش

والميكروباصبخمسه صاغ وتذكرة التوربينى درجة اولى باربع جنيهات ونصف.
ستكونالسياره الماروتى بثلاث الاف وخمسمائه جنيه

والتيوتا ياريس بثمانية الافوثلاثمائه جنيه

والبى ام خمسمائه خمسه وعشرون بخمسه وخمسون الف جنيه
الاقتراح سيعيد للجنيه منظره المحترم

وسيكون سابقه تاريخيه
تذكرنا بفشل حكامنا

بالمره يعنى


" منقول "

[ashour]

هو طبعا موضوع ظريف من باب الترويح عن نفسنا
بس فعليا ده تبقى كرثه دون الدخول فى التفاصيلها بس اقلها
ان المرتب مش هيبقى ال 100جنية...

[Fouad Ezz]

هو طبعا موضوع ظريف من باب الترويح عن نفسنا
بس فعليا ده تبقى كرثه دون الدخول فى التفاصيلها بس اقلها
ان المرتب مش هيبقى ال 100جنية...

بالطريقة دي مرتبي في مصر يبقي 5 جنيهات كاملة
أجيب بيهم كيلو لحمة وأقعد أشوي فيه طوووووووووووووووووووول الشهر

[جمال]

الموضوع ده حصل فى بلاد كتير اذكر منها فرنسا ايام الفرنك, كان فيه فرنك قديم و فرنك جديد والفرنك الجديد كان يساوى 100 فرنك قديم
الكلام ده كان فى السبعينات

[modux]

فكرة جاااااااااامده

[محمد المشد]

اكيد انت بتهزر

[Powert]

الفكرة دي فعلاً حقيقية والسودان طبقتها السنة اللي فاتت

جمدوا العمله عندهم وبدل الجنية بقى عشرة على طول

وبطريقة دي رفعوا العمله

بس طبعاً الحركة دي مش بسهولة اي دولة تعلمها واكيد ليها مشاكل اقتصادية

والله واعلم

[mmolazem]

" اتعهد بأن ادفع عند الطلب لحامل السند مبلغ جنيه مصرى "

تعظيم سلام ( لهذا السند )
وحامل ( هذا السند ) يروح بيه يشترى جنيه ( ذهب ) ، و يأخذ الباقى يقضى بيه شوية مصالح.

ما ينفعش غير اننا نطلب له الرحمه بقى ، والاعتذار له على ما وصل اليه حاله.



.

[علي66]

هذه الفكرة تم تطبيقها في أكثر من دولة منها الكيان الصهيوني بتغير العملة من الليرة الى الشيكل
وأكيد أكيد سوف يتم تنفيذها في مصر ليس قبل أنتهاء الفترة الرئاسية الحالية
وأعتقد أن المشكلة الحالية التي نواجهها هي تحديد سعر صرف العملة الجديدة بفئاتها وتحديد المسمى لها

الحقيقة منذ أكثر من يوم واجهت موقف عجيب عند شراء سلعة ما أخذت باقي ثمن السلعة نصف جنية
معدن الذي هو مرفوض وغير مقبول للتعامل على كل المستويات لا يقبلة إلا هواة جمع العملة
فما بالكم بالجنية المعدن
عموما الناس لا تشعر بـ قيمة النقود المعدنية وتفضل الورقية عنها

العجيب اننا هنا في مصر مازالت تتعامل مع عملات معدنية غير صالحة للتعامل حيث أنها قديمة وكذلك غير مساوية لقيمتها
وكذلك العملات الورقية التالفة الممزقة والملصقة بالسلوتب والمكتوب عليها

وايضا منذ فترة حصلت على ورقة من فئة المئة جنيه مزورة من أحد التجار في الريف تم أكتشاف العملة
عند توريدها للبنك الذي قام بـأتلافها بقطع ارقامها
لذلك أحذروا

شكراً لك أخي الغالي لطرح هذا الموضوع لعلنا نخرج من هذه المناقشات بفائدة

متابع .........

[BomBom]

اقترح اصدار طقم عملات جديد بتصميم جديد ونشره فى الاسواق وسحب العملات القديمه خلال عام.
الجنيه الجديد تكون قيمته عشره جنيهات من الجنيه القديم

و يا سلام لو متداين لحد او متأجر منه .. هتفهمه ازاي ان الجنيه بقى بعشرة !!

[BomBom]

اقترح اصدار طقم عملات جديد بتصميم جديد ونشره فى الاسواق وسحب العملات القديمه خلال عام.
الجنيه الجديد تكون قيمته عشره جنيهات من الجنيه القديم

و ياسلام بقى لو متداين و لا متأجر عقار و لا ارض من حد .. عيش حياتك بقى تقنعه ان الجنيه بقى بعشرة!!

[Powert]

و ياسلام بقى لو متداين و لا متأجر عقار و لا ارض من حد .. عيش حياتك بقى تقنعه ان الجنيه بقى بعشرة!!

الطريقة دي مش بتقلل الفلوس على العكس انت بتزودها والدين هيزيد

يعني انت معاك جنية ب = 100 قرش لأ دي تتلغي ويبقى الجنية ب = 1000 قرش

ولو انت مديون لوحد ب 100 جنية هيبقوا الف جنية

والحاجة ام جنية هتبقى ب عشرة جنية

ليه بيتم استخدام الطريقة دي :

لان بعض الدول بيحصل عندهم هبوط في عملتهم يعني الجنية بتعهم بيكون اقل من القرش زي الين الياباني اقل حاجة تشتريها في اليابان بتكون 100 ين على الاقل

حد فهم حاجة

[علي66]

الفكة لم يعد لها حاجة عند الناس
وفئة 5 و 10 و 20
سوف يتختفي مثل المليم والتعريفة والقرش صاغ

هذا اذا لم يحدث نمو أقتصادي في البلد

لأن رغيف الخبز الذي يباع بـ 5 قروش مفروض يباع بـ 40 قرش

ودعم رغيف العيش مثلا بيكون للأسف من جيب نفس الشخص الذي قام بشراء الرغيف
على حساب الرعية الصحية والتعليم والبنية التحتية