الماجيك لاند

[koheya]

اخر مرة رحت الماجيك لاند كان قبل الثورة.اليومين دول عايز اخد البنات "قصدى بناتى طبعا لانى بفضل الله عندى 3 بنات" :b4_033:واروح الماجيك لاند يوم الاحد او الاتنين ان شاء الله. يا ترى لسة شغالة واخبار الطريق اية لانى من اسكندرية.وتنصحونى بعد ما اخرج اروح فين تانى افسحهم قبل ما نرجع.

[ossamayk]

انا رحتها من حوالي 3 أسابيع، حالياً شغالة بعد فترة توقف للصيانة، الطريق مفيهوش أي مشكلة وأنت جاي من الصحراوي سهل جداً توصك هناك وغالباً اليوم هيخلص هناك لأن مواعيدهم من عشرة لستة والجمعة من تسعة لتمانية.
لو حبيت تروح حته بعد ما تخلص ممكن تروح مول العرب بعد ميدان جهينة على المحور هيكون قريب منك برضه هناك ممكن تعمل شوبنج وفيه صالة طعام كبيرة جداً فيها مطاعم كتيرة لو حبيت تتعشى.

[gholam4u]

جرب دريم بارك
احلى من ماجيك لاند وقدامها على طول

[ossamayk]

على فكرة حالياً مش شغالة أنا اتصلت بواحد صاحبي شغال هناك وأكد لي إنها متوقفة حالياً بسبب مشاكل بين إدارة المدينة والشركة الهندية.
عموماً دريم بارك أحلى منها بكتير ميزة الماجيك لاند في أماكن التصوير المفتوحة للزيارة لكن كألعاب دريم أحلى.

[koheya]

والله الواحد بيحس ان لية اخوات فى نايل موتورز.جزاكم الله خيرا على الرد

[medo_coool2002]

انا من رأيي دريم بارك احلي من ماجيك لاند
وهي عموما دريم بارك اليومين دول فاتحه من 4عصرا الي 12 منتصف الليل حسب الاعلان اللي انا لسه شايفه النهرده بس الصراحه مش فاكر مواعيدها في الاجازات

[ossamayk]

مواعيد دريم بارك الصيفية من 10 إلى 6 كل يوم والجمعة من 9 إلى 8

[gholam4u]

جرب دريم بارك
احلى من ماجيك لاند وقدامها على طول

وعلى فكرة
هتلاقى ناس بتبيع تذاكر مخفضة على الباب
اشترى منهم اوفر
ولما تدخل تسال على مكتب الاشتراكات يمين فى يمين جنب القهوه هياخدهم منك ويديك تذاكر الدخول