هو لية فى ناس كتير بتندم علشان أتجوزوا؟

[YaSSerwIN]

شكلك كدة أحد الرجال المقهورين الندمانين ....

لا والله دة انا لسا فى بداية الطريق بس بصراحة بحس ان اى حد متجوز ويقول ( اوعا تتجوز انت مجنون عايز تتجوز وتعيش فى نكد وارف طول عمرك ) دة على اساس ان الواحد هايفضل طول عمره مش متجوز ( انه انسان انانى )

انا شايف ان مادام فيه توافق ما بين الزوج والزوجة هاتبقا الحياة سعيدة

وطول ما الزوجة متجوزة الراجل دة علشان بتدور على بيتها وعيالها وحياة كريمة ومش بتدور على : (مستوى الى مستوى او انها معندهاش مثلا عربية وجوزها هايجيبلها عربية او ما شابه) هاتبقا الحياة ماشية زى الفل

النكد والخناق والأرق والزهق دة شىء طبيعى مع اى انسان فى بيته او مع اصحابه يبقا من الطبيعى ان يجى يوم فى الجواز هايبقا فيه نكد او زعل لاكن بأقل حاجة ممكن النكد يتحل بمواجهة المشكلة او كلمتين حلويين

لاكن مش اهرب من البيت واجى على ميعاد الاكل والنوم واقول مراتى نكدية ومقفره و ..... الخ

[Ghosts]

انا شايف ان مادام فيه توافق ما بين الزوج والزوجة هاتبقا الحياة سعيدة

وطول ما الزوجة متجوزة الراجل دة علشان بتدور على بيتها وعيالها وحياة كريمة ومش بتدور على : (مستوى الى مستوى او انها معندهاش مثلا عربية وجوزها هايجيبلها عربية او ما شابه) هاتبقا الحياة ماشية زى الفل

الكلام مفيش أسهل منة يا YaSSerwIN ....
ما كل الجوازات بتبقى مبنية على توافق و بعد شوية الزوج والزوجة اللى كانوا قمة الرومانسية بيقطعوا بعض فى محكمة الأحوال الشخصية ....
أنت عارف أن فى 100000 حالة طلاق بتحصل سنويآ فى مصر بس ....
الموضوع مش سهل زى ما أنت متخيل ....

[YaSSerwIN]

طب اية ياعنى مافيش حل

هانفضل نفسنا فى حاجة وخايفيين منها لغاية ما نموت ؟

[cvt2008]

يا عم أنا بتكلم على المشاكل الزوجية
عموما دوام الحال من المحال
وربنا يستر
شكلى بقر على نفسى

صلوا على النبى صلى الله علية وسلم قبل ما تقروا المشاركات بتاعتى

[cvt2008]

تفائلوا بالخير تجدوه

[Ghosts]

طب اية ياعنى مافيش حل

هانفضل نفسنا فى حاجة وخايفيين منها لغاية ما نموت ؟

لا طبعآ ....
هو شر ولابد منة ....
بس حاول تأجل الشر دة على أد ما تقدر ....
لكن فى الأول وفى الأخر أحنا مش ملك نفسنا أحنا كلنا مابين أيدين ربنا وهو اللى بيتصرف فى حياتنا كما يشاء ....

[cvt2008]

أخى الكريم
أولا إسمى وائل
ثانيا
عليك بالصلاه والدعاء لله وخاصة أثناء السجود
والتوبة النصوحة
وتذكر قول الله تعالى إن مع العسر يسر
حاول باجتهاد تخلص الكلية ومتفكرش فالشغل أثناء الفترة الدراسية
ممكن فالاجازات الصيفية تحاول تجرب
وبعدين ما تبصش على الناس اللى انت فاكر ظروفها أحسن منك
بص على الناس اللى ظروفها أقل منك وأحمد ربنا على اللى انت فيه
وإعتبرنا كلنا فالمنتدى إخواتك وأصحابك
وفى أى موضوع أو مشكلة معاك ممكن تطرحها فالمنتدى وكلنا هنقول رأينا واللى يخلصنا من ربنا
ودة رقم تليفونى الشخصى 01221015090
وأنا سعيد مقدما بإتصالك

[cvt2008]

أنا أسف المشاركة دى أنا مش عارف غلطت إزاى وكتبتها فالموضوع دة !!!!!!
برجاء الحذف

[Ghosts]

أخى الكريم
أولا إسمى وائل
ثانيا
عليك بالصلاه والدعاء لله وخاصة أثناء السجود
والتوبة النصوحة
وتذكر قول الله تعالى إن مع العسر يسر
حاول باجتهاد تخلص الكلية ومتفكرش فالشغل أثناء الفترة الدراسية
ممكن فالاجازات الصيفية تحاول تجرب
وبعدين ما تبصش على الناس اللى انت فاكر ظروفها أحسن منك
بص على الناس اللى ظروفها أقل منك وأحمد ربنا على اللى انت فيه
وإعتبرنا كلنا فالمنتدى إخواتك وأصحابك
وفى أى موضوع أو مشكلة معاك ممكن تطرحها فالمنتدى وكلنا هنقول رأينا واللى يخلصنا من ربنا
ودة رقم تليفونى الشخصى 01221015090
وأنا سعيد مقدما بإتصالك

يا وائل ركز يا وائل ....
المشاركة دى كانت المفروض تتحط فى الموضوع دة http://www.nilemotors.net/Nile/290172-a.html
أنت فى حد بيقر عليك ولا أية؟؟!!

[mostafa3000]

خدوا بقي الخلاصة من متزوج من 11 سنة
الزواج مصيرك ومهما عملت مش هتعرف تفلت منة
يبقي لازم تتعامل معاة والست بطبيعتها متقلبة المزاج يعني مهما عملتلها لازم تنكد عليك عيشتك بس الفرق بيكون في مدة النكد ودة بيختلف من واحدة للتانية وشطارتك هو ان تحاول تقليل فترة النكد عند مراتك
لاحظ بقول تقليل مش منع لانها لازم حتما هتميل للنكد عليك من وقت لاخر
الميزة الوحيدة من الزواج هي الاولاد لان مهما قلت مش هقدر اوضح فكرة احساسك بان اب
معلهش هكمل بعدين

[YaSSerwIN]

يبقا نتوكل على الله وربنا يسهلنا ونبدأ المشوار

[Ghosts]

خدوا بقي الخلاصة من متزوج من 11 سنة
الزواج مصيرك ومهما عملت مش هتعرف تفلت منة
يبقي لازم تتعامل معاة والست بطبيعتها متقلبة المزاج يعني مهما عملتلها لازم تنكد عليك عيشتك بس الفرق بيكون في مدة النكد ودة بيختلف من واحدة للتانية وشطارتك هو ان تحاول تقليل فترة النكد عند مراتك
لاحظ بقول تقليل مش منع لانها لازم حتما هتميل للنكد عليك من وقت لاخر
الميزة الوحيدة من الزواج هي الاولاد لان مهما قلت مش هقدر اوضح فكرة احساسك بان اب
معلهش هكمل بعدين

و تكمل بعدين لية بس؟؟!!
هى مراتك جت؟؟!!

[mostafa3000]

و تكمل بعدين لية بس؟؟!!
هى مراتك جت؟؟!!

ههه
لا يا سيدي كان بس الشاي علي النار
وبعدين يا سيدي احنا ما بنتهددش
بس هي مع الولاد عند حماتي قاعديين كام يوم
ومش عايز اقولك انة بيكون احساس رائع لما تلاقي نفسك في البيت هووم الوون

[Ghosts]

ههه
لا يا سيدي كان بس الشاي علي النار
وبعدين يا سيدي احنا ما بنتهددش
بس هي مع الولاد عند حماتي قاعديين كام يوم
ومش عايز اقولك انة بيكون احساس رائع لما تلاقي نفسك في البيت هووم الوون

عشان كدة أنت بتكلم بقلب جامد وبتقول أحنا ما بنتهددش ....
يعنى بزمتك ممكن تخلى مراتك تقرا المشاركات بتاعتك اللى بتقول فيها رأيك بصراحة؟؟!!

حاجة تانى عايز أقولك عليها ....
لو كان الواحد مننا راضى عن الجواز مكنتش هتبقى مبسوووووووووووط و أنت فى البيت هووم الوون ....

كنت فاكر بسذاجتى المعتادة أن الراجل لما تبعد عنة مراتة يبقى مضايق و مخنوق ومش طايق نفسة أتضح أن الوضع غير كدة خااااااااااااااااااالص ....

[cvt2008]

شكرا ليك يا جوست
دايما قارينى

تصدق بعد ما غلطت وحطيت المشاركة هنا

رجعت أدور على الموضوع اللى المفروض أحط فية المشاركة ملقتوش
كويس انك حاطط اللينك بتاعة
اما الحق احط المشاركة بتاعتى

العيال حسدتنى ولا أية