هو الغلط فين؟

[yoko]

النهارده الصبح نازل من البيت متأخر كالعاده (مش متأخر قوي يعني نازل متأخر بتاع 10د) لقيت فرده العربيه على الأرض ودي رقم 1
جبت الكوريك انا موطي العربيه والكاوتش على الأرض فمش راضي ينزل تحت العربيه وقعدت 10د على ما عرفت أدخله وأرفع ودي رقم 2
روحت الدرس في المنيل وصلت على الوقت بالظبط (مش هحكي عن إسلوب السواقة لإن بعد التأخير ده كله وأوصل في المعاد يبقى كنت متجنن )
وانا مروح عديت على بردجستون الفرده سليمه ومفيهاش حاجة وغالبا عيل من العيال الي في الشارع فساها بيلعب أو بيستكشف ودي رقم 3
رقم 4 ودي المفاجئة الجامده قوي (أنا لسه طالب) بس بشتغل في نادي جالي تليفون إن تم رفدي من الشغل ودي رقم 4
يا ترى الغلط فين؟ ولا أنا الي نحس النهارده ولا إيه أنا بكره أول يوم إمتحان ولمده شهر ومش ناقص تكدير

[ghostmido]

قدر الله وما شاء فعل.
على فكرة المشكلة فى موضوع طالب وانا طالب كنت بحس ان الدنيا ماشية معايا كده.
ماتضيقش نفسك ياباشا وان شاء الله ربنا يوفقك.
انت بتدرس فى ايه؟

[yoko]

الحمد لله وأنا أخر سنه هلوسه كهربى حلوان

[Kareem Fawzy]

يوكو حبيبى
تفائل :))

[yoko]

ما انا متفائل جدا أهو
عندي إمتحان بكره وإتنين بعد بكره

[koshary]

والله كلو بيعدى ياصحابى مدايقش نفسك هى ظروفك جت كدا

[mshmshm3]

فكك من ده كله و كبر دماغك

[MARTINDALE]

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ).... لو تاملت المعنى كويس عمرك ماهتندم على شئ فات.


برجاء الدقة عند كتابة الآيات القرآنية
مشرف الاجتماعي
ب9

[grand hand]

اكيد ربنا مقدرلك خير

[mohammedabdallh]

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...) .... لو تاملت المعنى كويس عمرك ماهتندم على شئ فات.

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)

يوكو باشا
ده العادى قبل الامتحانات
كبر وعيش

تم تعديل المشاركة
مشرف الاجتماعي
ب9

[khalid_adel]

ده انت فله يا يوكو
بص في ايام كده تلاقي حاجات كتير بتحصل ورا بعض وده عشان تقول الحمد لله زي الامتحانات كده اللي انت داخل عليها دي في الحالتين بتقول الحمد لله وشد حيلك يابوب

[yoko]

الحمد لله طبعا بس عارف الواحد لما يحس إنه بيتكدر هو ده الي أنا حاسه
أكيد إن شاء الله خير

[Medo.Malek]

يا باشا قول الحمد لله و فسى دماغك و كويس انها جت قبل الامتحانات عشان تركز فيها و بعدها ابقى شوف الوضع اية معاك
انا و الله لو قلتلك على اللى انا بشوفه و الله هاتعيطلى ههههههه
ربنا يعينك و يعينا يابنى
الحمد لله على كل شىء

[S O P H O S]

ركز فالامتحانات وانسي
الي جي اهم بلاش تفكر فالي فات ..

[ZOoOoMA]

كبر دماغك يا يوكو و قول الحمد الله و خلي في دماغك دايما حاجه واحده
عسى ان تكرهو شيئا و هو خير لكم
و عسى ان تحبو شيئا و هو شر لكم