استفسار عن الحياة في مدينة جدة

[cheetos_892005]

واحد صاحبي رايح جدة ان شاء الله

فا بيسالني و انا معرفش بصراحة فبسالكوا

هو الشغل موفرله السكن و 700 ريال بدل عربية

هو شاب قدي يعني 23 سنة

طبعا بردة عايز يكون نفسة بس ميدفنش نفسه بالحياة

1- الاكل و تكلفته ؟

2- الترفيه و القهاوي و كده؟

3- الناس و تقضية اليوم بالنسبة لساب ؟

4- الانتقالات و تكلفتها و لو عايز يشتري حاجة مستعمل بالقسط اسمع ان فيه هناك كده هيدفع كام

5- النت و الاتصالات ؟

شكرا مقدما

[أبو صلاح]

مبدأيا يعني ايه 700 ريال بدل عربية ؟
لو قصدهم قسط يبقى المبلغ ده قليل بخلاف طبعا المقدم

بالنسبة لاسعار المعيشة ببساطة احسب تكلفة معيشتك هنا في مصر وعلى سبيل المثال 500 جنيه
وضاعف المبلغ ده تقريبا يبقى ده تكلفة المعيشة بالريال يعني 1000 ريال
والحسبة دي تحسبها لو عايش بمفردك هتصرف ازاي ؟

[waelfarid]

لو المواصلات والتنقل اساسي 700 ريال دول تمن البنزين والزيت طب فين تمن السيارة ولا قسطهااللي حوالي 1000 ريال شهري تقريبا
لو بياكل برة ومش حيطبخ يبقي كل يوم حوالي 25 ريال مع التقشف
الادوية تمنها من 3 ل7 اضعاف
والعلاج في مستشفي نظيف غالي
والاسنان نار نار نار
الملابس الاسعار بالوان الطيف من اول مستعمل لماركات من محلات مشهورة
التجربة والتعامل هو مكسبه واضافة خبرة له عفوا خبرات
وربنا يوفقه

[lonedoctor]

الامفروض الشغل يوفر له سيارة لانه لو هيروح الشغل وهييجى يوميا بتاكسى والشغل قريب من البيت هيصرف 40 ريال مواصلات فى 26 يوم شغل ده لو دوام واحد موش دوامين حوالى الف ريال وهنا السيارات الحصول عليها امر سهل عن طريق الايجار المنتهى بالتمليك يعنى لو سيارة صغيرة زى الاكسنت مثلا هيكون قسطها فى معدل 1100 ريال شهريا والبنزين رخيص موش مشكلة لو هيعلى شوية الكورولا 1500 ريال ودى الافضل يبقى لازم يزودوا بدل التنقل ويخلوها متوسط 1200 ريال هيبقى كدة زى الفل الاكل لو هياكل من برة يوميا وهيفطر ويتغدى فى البيت متوسط 1200 ريال فى المعقول
يعنى كدة 2500 ريال مبدئيا اكل ومواصلات وبعد كدة نتكلم فى الراتب على حسب المؤهل وعدد ساعات العمل
تقبل تحياتى