شرم الشيخ

[M.Elgergawy]

ان شاء الله ناوي اروح شرم الشيخ بالعربية
ياريت حد يقوللي اخبار الطريق ايه
وكمان ايه افضل الفنادق والمنتجعات هناك وطبعا تكون اسعار مهاودة وهل الافضل منطقة الهضبة ولا خليج نعمه ؟
وان شاء الله هروح انا وزوجتى وابني 6 سنوات وكنت عايز اعرف هيتحسب ولا ايه :)
وممكن نقول انه 5 سنين :) عشان مش يتحسب :b4_033:

[adel1414]

فيك الخير والله انا لسه جاى امبارح بليل قعدت 5 ايام فى فندق تروبيكانا روزيتا جمييييل اوى وفطار وغدا وعشا ومشروبات طول اليوم من 11 الصبح ل 10 بليل ببلاش كان الفرد ب180 جنيه بس السعر دة ل15-6 بس وحيزيد بالنسبة للطريق امن جدا جدا وسيبك من اى كلام تانى وقفنا بس فى كمين قبل نفق احمد حمدى وبس انا رحت باتوبيس جو باص حلو وسعرة من اسكندرية 95 ومن القاهرة 70 جنيه وكان كله اسر بعيالهم فمفيش اى قلق والجو هناك روووعة بس زحمة شوية استغربت من اللى بيقول شرم فاضية ومفيهاش حد والجو الصبح حر اووى واى سؤال انا تحت امرك ومعايا كمان ارقام ناس تطلعك الجلاس بوت والسفارى وعشا بدوى باسعار كويسة جدا..تقبل تحياتى

[matrix_it]

معلش سؤال بس هو الجو باص مريح فعلا ؟؟ و فيه وايرلس ؟؟

[adel1414]

فى اللى تزكرته ب160 ودة فيه واير ليس وكراسيه اتنين وواحد لكن اللى ركبت فيه الى حد ما مريح المتعب هو الوقت الطويل لان من اسكندرية لحد ماوصلت اخدت 11 ساعة

[alrabeh]

فيك الخير والله انا لسه جاى امبارح بليل قعدت 5 ايام فى فندق تروبيكانا روزيتا جمييييل اوى وفطار وغدا وعشا ومشروبات طول اليوم من 11 الصبح ل 10 بليل ببلاش كان الفرد ب180 جنيه بس السعر دة ل15-6 بس وحيزيد بالنسبة للطريق امن جدا جدا وسيبك من اى كلام تانى وقفنا بس فى كمين قبل نفق احمد حمدى وبس انا رحت باتوبيس جو باص حلو وسعرة من اسكندرية 95 ومن القاهرة 70 جنيه وكان كله اسر بعيالهم فمفيش اى قلق والجو هناك روووعة بس زحمة شوية استغربت من اللى بيقول شرم فاضية ومفيهاش حد والجو الصبح حر اووى واى سؤال انا تحت امرك ومعايا كمان ارقام ناس تطلعك الجلاس بوت والسفارى وعشا بدوى باسعار كويسة جدا..تقبل تحياتى

حمدا لله على سلامتك
وعقبال كل سنة
ياريت تفاصيل البوفيه والمشروبات علشان دايما بيكون مستواه مش كويس
ويا ترى رحت قبل كده فنادق تانية أفضل
وشكرا جزيلا لسيادتك

[M.Elgergawy]

شكرا جزيلا على الردود
طيب حد يعرف حاجة عن فندق دايز ان جافي

[ahmedfathi]

انا كنت هناك فى اول شهر ابريل وقعدت هناك 5 ايام

روحت ب جو باص ..مريح جدا

كنت نازل فى خليج نعمه فى فندق اسمه تروبيتل نعمه باى كويس جدا 5 نجوم والحجره سى فيو ومطله بردو على البيسين كان الفرد 600 جنيه فى الليله

[samoreception]

ياريت ارقام الناس بتوع السفارى والجلاس بوت واسعارهم بعد اذنك

[M.Elgergawy]

وكمان لو حد يقولنا في هناك بنزين ولا ايه

[A.Saad]

الفسح اللى هناك هل تحتاج عربية ولا العربية مش مفيدة

[icehearted girl]

الطريق غبي جدا انا بكرهه بجد...من بعد راس سدر وهو سئ جدا

منطقة خليج نعمة احلي وافضل بكتير ومسلية جدا

اسعار الاوتيلات مش هفيدك فيها..انا كل اللي شفته كان عالي جدا

[Bonanza]

جرجاوي حبيبي .. تروح و تيجي بالسلامة يا ريس

خد الموقع ده اي فندق عاوز تعرف اخبارة ايه حلو ولا وحش نظيف ولا اي كلام و تشوف صور لكل حتة فيه

الموقع ده بمشاركات الاشخاص فقط .. يعني اي حد سافر و راح اي مكان في العالم بيحط رأية و صور للمكان ده سواء بيشتم في المكان او بيشكر فيه

Reviews of Hotels, Flights and Vacation Rentals - TripAdvisor

في فندق في نعمة اسمة اورينتال ريفولي 4 نجوم

هو صغير اوي بس الناس بتشكر فيه اوي علي الموقع ده


و طبعا لو عاوز حاجة فخمة

يبقي عليك و علي لاجونا فيستا


و طبعا الموقع ده عشان تعرف اي اسعار انت عاوزها

http://www.booking.com/

لكن اكيد هاتلاقي اسعارة ارخص من اي شركة سياحة هنا في مصر

انت ممكن تحجز منه بالفيزا ولامؤاخذه :)

[M.Elgergawy]

متشكرين يا أسامة بك