كمبوند الفرسان فى المعادى

[minicooper20]

يا جماعه
حد يعرف حاجه عن الكمبوند ده
ده كمبوند الفرسان هو عند نادى الصدي كده جنب كارفور و جنبو البارون سيتى و برج سما
كعروض عليا شقا فيه و عايز اخدها لاخويا
حد سعرف عنو حاجه من حيث الخدمات الامن مستوى الناس
اتمنى سرعه الرد من رجاله المعادى

[sherifahmed]

انا اقدر اقولك اللى انا اعرفه
اولا دا مش فى المعادى
دا على الطريق الدائرى
كل واحد يبنى عمارة فى الصحرا و يجى يقولك المعادى
ثانيا دا مش كومبوند
دى مجموعة عمارات شاهقة الارتفعات لازقة فى بعض اكمن الصحرا مش واسعة
انا شخصيا لا يمكن اسكن هناك

[mailo]

روح بص الأول وشوف بس خد بالك المكان هناك التليفونات فيه هوائي تقريبا مش متأكد

والاحسن من المكان ده المعراج جنب بنزينة امارات مصر
الشقق هناك تقسيمتها حلوة جدا والعمارات شكلها ونظامها حلو

وفيه اللي جنب شيل اللي ورا كارفور برده المكان ده كويس

[friendship7897]

أنا أخويا ساكن هناك في عمارات عباد الرحمن ... نفس الـ Area بتاعة الفرسان ... المنطقة هادية جداً ، ومستويات الناس اللي فيها عاليه ... عيوبها ومميزتها معاً :
المرافق زي المواصلات لسه شوية عليها - يعني اللي معهوش عربية صعب الحياة فيها شوية رغم وجود حلول وهي الميكروباصات في زهراء الحي العاشر اللي راح المنيب والعكس ، و عملوا كوبري مشاة علشان تعدية الطريق ، وكمان ركانات العربيات صعب شوية لأن كل واحد هناك معاه عربية ومع زوجته عربية فكل شقة على الأقل فيها عربيتين والعمارات أدوارها عليها ، هناك مدارس وجوامع ومستشفيات ومحلات كتير وكويسة وجنبها كرفور وقريبة جداً من المقطم من طريق السبعين فدان 3 دقائق وفي المقطم سوق خضروات كبير ، وطبعاً هي على الدائري فالإتجاهات سهلة جداً للمطار للإسكندرية للفيوم للعين السخنة وغيرها ( دون الحاجة للدخول في إشارات مرور القاهرة )
الأهم أنك تروح تشوفها بنفسك لأن فيه ناس بتحبها وتحب هدؤها وناس تانية لأ .. فحسب طباع وميول الشخص اللي هيسكن .
وربنا يفوقك أنت وأخوك في الإختيار السليم

[minicooper20]

شكرا يا جماعه
هوكومبوند مغلق ولا شويه عمارات جنب بعض

[minicooper20]

روح بص الأول وشوف بس خد بالك المكان هناك التليفونات فيه هوائي تقريبا مش متأكد

والاحسن من المكان ده المعراج جنب بنزينة امارات مصر
الشقق هناك تقسيمتها حلوة جدا والعمارات شكلها ونظامها حلو

وفيه اللي جنب شيل اللي ورا كارفور برده المكان ده كويس

فين المعراج
دى و هل ده كمبوند و لا شويه عمرات فى شارع جنب بعض

[minicooper20]

انا اقدر اقولك اللى انا اعرفه
اولا دا مش فى المعادى
دا على الطريق الدائرى
كل واحد يبنى عمارة فى الصحرا و يجى يقولك المعادى
ثانيا دا مش كومبوند
دى مجموعة عمارات شاهقة الارتفعات لازقة فى بعض اكمن الصحرا مش واسعة
انا شخصيا لا يمكن اسكن هناك

بس يا فندم ده فيه سورو بوبات و وديعه صيانه للمرافق و سعر المتر 2700 جنيه كاش
هو فعلن وحش اوى كده؟

[minicooper20]

رجاله مفيش جديد؟