كيفية الغاء كشف الحساب اللى بيتبعت من البنك

[greenday]

بقالى حوالى سنتين بيتبعتلى كشف حساب من البنك الأهلى كل 3 شهور بالرغم انى مطلبتش كده وسمعت ان الخدمة دى بيتاخد عليها فلوس بتتسحب من حسابى فهل ده صحيح؟ وبياخدوا كام بالظبط؟؟؟ وازاى الغيها هل لازم اروح البنك ولا ممكن عن طريق الأتصال لانى مش محتاج الخدمة دى ومش عايز جوابات تتبعتلى البيت ياريت حد يفدنى

[nakkash]

بقالى حوالى سنتين بيتبعتلى كشف حساب من البنك الأهلى كل 3 شهور بالرغم انى مطلبتش كده وسمعت ان الخدمة دى بيتاخد عليها فلوس بتتسحب من حسابى فهل ده صحيح؟ وبياخدوا كام بالظبط؟؟؟ وازاى الغيها هل لازم اروح البنك ولا ممكن عن طريق الأتصال لانى مش محتاج الخدمة دى ومش عايز جوابات تتبعتلى البيت ياريت حد يفدنى

الخدمة دى خدمة إجبارية من البنك لازم يبعتلك كشف حساب دورى عشان يعرفك العمليات اللى بتم على الحساب واعتقد انه ما ينفعش انك تلغيها بس ممكن تطلب من البنك انه ما يبعتلكش الجوابات على البيت ويخليها حفظ الفرع عنده لكن كشف الحساب ده حاجة اجبارية عشان تصادق على الحساب ولو فى اى أخطاء تقدر تروح تراجع البنك فيها

[greenday]

الخدمة دى خدمة إجبارية من البنك لازم يبعتلك كشف حساب دورى عشان يعرفك العمليات اللى بتم على الحساب واعتقد انه ما ينفعش انك تلغيها بس ممكن تطلب من البنك انه ما يبعتلكش الجوابات على البيت ويخليها حفظ الفرع عنده لكن كشف الحساب ده حاجة اجبارية عشان تصادق على الحساب ولو فى اى أخطاء تقدر تروح تراجع البنك فيها

هل بيتم خصم مبالغ من رصيدى لانى ملاحظ كده مع العلم ان رصيدى مش مستاهل كشف حساب لانه حوالى 3 الاف جنيه فقط والفلوس اللى بتطلع منه فوايد بتتخصم

[greenday]

منتظر الردود

[msafa]

بيتم خصم مبلغ حسب البنك و ده اجباري حسب تعليمات البنك المركزي

البنك العربي عامل كشف حساب الكتروني مجاني و ده تقريبا البنك الوحيد اللي عامل كده

[greenday]

بيتم خصم مبلغ حسب البنك و ده اجباري حسب تعليمات البنك المركزي

البنك العربي عامل كشف حساب الكتروني مجاني و ده تقريبا البنك الوحيد اللي عامل كده

يعنى ماينفعش امنع الموضوع ده خالص اصل سمعت من ناس ان ممكن تلغى الخدمة دى

[kimocyc]

روح البنك واطلب الكشف يكون كل سنة..

[Screenplays]

نفس المشكله و الطريف ان الحساب بتاعي مفيهوش الا 6 قروش هههههههههههههههههههههه شلاه يا ثوره

[shaddadfalcon1]

انا في hsbc وكانو بيبعتو الخطابات علي الشركه وطلبت تتحول ايميل وفي اي وقت بدخل علي الموقع اشوفها

[Ayman-Ahmed]

لازم تروح الفرع التابع ليه وتعمل طلب وتمضى عليه بحفظ الكشف وده بيكلف تقريبا 36 جنيه بيتخصموا من حسابك سنويا بدلا عن 115 او 125 جنيه مصاريف ارسال الكشف.ولما تحب تتطلع عليه بتروح الفرع بتقولهم فى خدمة العملاء عاوز اكبع اخر كشف حساب وديه مجانا.

[walidmhafeez]

يا فندم انا كنت زيك كدة و رحت البنك الاهلي و طلبت حفظ الكشف في الفرع و ميتبعتش البيت بس بعد كدة فؤجئت ان لما بتعمل حفظ في الفرع بيتخصم 120 جنيه سنويا لكن لو اتبعت علي البيت بيتخصم 35 جنيه بس سنويا, و مش انا لوحدي علي فكرة ناس كتيرة اعرفهم نفس النظام

رحت رايح علي خدمة العملاء في الفرع و سألت و اتأكدت ان الكلام دة حقيقي فقدمت طلب انهم يرجعوا تاني يبعتوهم علي البيت, اوفر كتير ( مش عارف انا ازاي بفكروا, المنطق عندهم ماشي بالعكس, اللي يتبعتله علي البيت يدفع اقل من اللي مبيتبعتلوش)

[Ayman-Ahmed]

ايه الحيرة ديه بقى؟ بس لما لغيت الخدمة كان الكلام بالعكس حفظ فى البنك او الغاء الكشف = 35 .ارسال الكشف =115 او 125 مش متاكد؟

[greenday]

يا فندم انا كنت زيك كدة و رحت البنك الاهلي و طلبت حفظ الكشف في الفرع و ميتبعتش البيت بس بعد كدة فؤجئت ان لما بتعمل حفظ في الفرع بيتخصم 120 جنيه سنويا لكن لو اتبعت علي البيت بيتخصم 35 جنيه بس سنويا, و مش انا لوحدي علي فكرة ناس كتيرة اعرفهم نفس النظام

رحت رايح علي خدمة العملاء في الفرع و سألت و اتأكدت ان الكلام دة حقيقي فقدمت طلب انهم يرجعوا تاني يبعتوهم علي البيت, اوفر كتير ( مش عارف انا ازاي بفكروا, المنطق عندهم ماشي بالعكس, اللي يتبعتله علي البيت يدفع اقل من اللي مبيتبعتلوش)

ايه الحيرة ديه بقى؟ بس لما لغيت الخدمة كان الكلام بالعكس حفظ فى البنك او الغاء الكشف = 35 .ارسال الكشف =115 او 125 مش متاكد؟

ياريت حد ياكد ايه اللى صح اروح ولا لا لحسن ادبس يا جدعان

[sas5]

يابختك ياعم انا بيتخصم منى مصاريف ارسال كشف حساب ولم يصلنى ولم يصل احد من الشركه اى كشف حساب
وذهبت الى البنك وكتبت لهم العنوان مره اخى ولكن لاحياه لمن تنادى

[A_H_M_A_D]

مصاريف حفظ الكشف في البنك بتكون أعلى من مصاريف الارسال على البيت

أنا بيبعتولي كشف واحد كل 3 شهور و بيخصموا من الحساب 10 جنيه على كل كشف بيتبعت , ده في بنك bnp