أستفسار هام بخصوص بند فى عقد الشغل (شرط جزائي)

[م/مصطفى محمود]

السلام عليكم ورحمة الله وبركاته

النهرده كان عندي مقابلة فى شركة معالجة مياة وفلاتر ، وعندي مقابلة تانية بكرة مع رئيس مجلس الإدارة

الفكرة انهم عندهم بند فى العقد إني لو سبتهم مشتغلشي فى نفس المجال إلا بعد مرور 5 سنيين وإلا بدفع شرط جزائي ، وتقريبا اللى فهمتة منه انهم بيمضوا وصل أمانة بالمبلغ ده بس بيقول ان الصيغة بتقول ( علا ألا يعمل فى شركة تعمل فى نفس المجال إلا بعد مرور خمس سنوات وإلا يتم دفع مبلغ ...... )

هي الشركة على ما سمعت محترمة ، بس انا مش عارف اية النظام ده (أنا لسة خارج من الجيش الشهر ده)

فهل لو مجرد شرط جزائي بدون وصل أمانة أقبل ولا لأ ، ولو بوصل بالصيغة اللى فوق أقبل ولا لأ ، ولو ممكن الموضوع ده يعمل مشاكل برجاء نصائحكم

أنا معرفشي حتى الآن الشرط الجزائي كام (لما أقابل المدير بكرة) بس عايز ابقى محضر نفسي قبلها

[alex_life1989]

تقريبا فى شركات قبل ما تسيبها لازم تبلغهم بمدة علشان يعملوا حسابهم

[ossamayk]

الشركة إللي انا شغال فيها نفس النظام بس مفيس وصل أمانة

[ossamayk]

وفي النهاية مفيش حاجة بتتم من كل ده
عادي جداً الناس بتتنقل بين الشركات وبعضها بدون مشاكل بس هما حاطين الشرط ده للضرورة وفقط
يعني لو فيه واحد معين عايزين يرخموا عليه أو فعلاً إنتقاله لشركة تانية منافسة هيسبب ليهم مشكله خاصة لو يعرف أسرار وخبايا الشركة ساعتها يطبقوا الشرط ده، لكن في عموم الموظفين العاديين ولا الهوا
ده بالنسبة لمجال شركتي معرفش إن النظام عن حضرتك
احسن حاجة إنك تسأل حد قديم في الشركة وهو يدلك

[م/مصطفى محمود]

أستاذ alex_life1989 جزاك الله خيرا ، بس الشرط الجزائي على إني منتقلش لشركة أخرى فى نفس المجال إلا بعد مرور 5 سنيين ، أنا كده كده عمري ما هسيب شركة غير لما أبلغهم قبلها علشان يعملوا حسابهم سواء فى شرط جزائي أو لأ

أ/ أسامة ، هو فعلا قالي إن الموضوع بيبقى علشان جزء أسرار وجزء علاقات قديمة بيخاف انك تاخدها معاك ، فهل أنت مثلا شايف إني أمضي على الشرط الجزائي ده ولكن ممضيش على أي إيصالات ؟؟؟

وجزاكم الله خيرا على الإهتمام

[maka]

هندسة امضى العقد عادى لكن اوعى تمضى وصولات امانة تحت اى ظرف

و استخير ربنا قبل ما تمضى للاطمئنان

[ossamayk]

انا رأيي إن حضرتك أولاً تسأل واحد شغال فبل حضرتك في الشركة لكن في العموم مفيش أي مشكلة في قصة الشرط الجزائي
لكن بالنسبة للإيصالات منصحكش ابداً إنك تمضي أي وصل أمانة لأنه ملهوش أي مبرر والشرط الجزائي كافي

[م/مصطفى محمود]

انا رأيي إن حضرتك أولاً تسأل واحد شغال فبل حضرتك في الشركة لكن في العموم مفيش أي مشكلة في قصة الشرط الجزائي
لكن بالنسبة للإيصالات منصحكش ابداً إنك تمضي أي وصل أمانة لأنه ملهوش أي مبرر والشرط الجزائي كافي

الف شكر ليكم يا شباب ، أنا فعلا كنت بلف حوالين نفسي

وخلاص بإذن الله موضوع الوصل ده هيبقى منتهي وهتكلم فى الشرط اللى فى العقد

بس هل فى الحالة دي العقد هيبقى معترف بية ولا ية ؟؟؟ وبيتوثق منين وهكذا