سوال يخصوص انتر فيو

[minicooper20]

دلوقتى لبا واحد صحبى
عمل انتر فيو فى شركه انتر ناشونال
و قبلوه و قالولو انتا دفعه تانيه كلام ده من كام شهر
جم كلموه تانى و قالول روح اعمل انتر فيو تانى
هل ده بقا ايه ماهو نجح مره
هيختبروه اتنى ليه
هو مقلق و انا قلتلو يا عم روح و خلاص تانى
انتو ايه رايكم

[minicooper20]

برجاء الرد من العارف يا جماعه

[mr_vampire]

مفيش في ايده اختيار. لازم يروح.
بس يقولهم هناك ده تاني انترفيو ليا بعد ماقبلت فالاول عشان لو فيه لبس فالموضوع.

ربنا يوفق....

[aly_hosny]

في شركات بيبقى فيها كذا انترفيو
فودافون بتقسم على 3 او 4 انترفيوهات و كل انترفيو بيبقى لحاجة معينة
يعني واحد لغة و واحد شخصية وواحد فني

[minicooper20]

لا يا جماعه دا نجح اول انتر فيو ده اعد فيه 4 سعات
و نجح و لما اتصلو بيه قلولو انتا نجحت
فجاء اتصلو بيه قلولو تعالى انتر فيو تانى
فا هو مش فاهم

[dede_dodo88]

ده عادي, هي بتبقى حسب سياسة كل شركة..
أنا عن نفسي كان معمولي أمتحان حوالي 4 ساعات و بعدها عملت 2 أنترفيو..

[minicooper20]

طيب لو شقط فى التانى و نجح فى الاول يتقبل ولا لا

[dede_dodo88]

طيب لو سقط فى التانى و نجح فى الاول يتقبل ولا لا

غالباً لأ, لأنها بتبقى زي عملية فلتره كده.
و ممكن أه يتقبل حتى لو سقط في التاني لو شافوا فيه potential كويس يتميز عن غيره. و ده حسب الناس اللي بتعمله الأنترفيو..

[minicooper20]

اصل نجح فى الاول و كان طير لانو من اصعب الانتر فيو العملها
لاكن دلوقتى مقلق جدا لا يسقط لان املو فيها
فا لو سقط كده بح

[dede_dodo88]

اصل نجح فى الاول و كان طير لانو من اصعب الانتر فيو العملها
لاكن دلوقتى مقلق جدا لا يسقط لان املو فيها
فا لو سقط كده بح

لأ مفيش داعي للقلق طالما هو عدى من الأولاني يبقى يقدر يعدي من التاني و التالت كمان.. و أن شاء الله يتقبل..
بس سؤال بقى... هو في شغل في البلد اليومين دول ؟! :)

[minicooper20]

ههههههههههههههههههههههههههه
اه فيه بس فى السكرته كده
ربنا بقويه و متضعش من ايدو

[abd_el_7amid]

انا حصل معايا نفس الموضوع
بس بعد اول انترفيو حطونى فى الاحتياطى
و اتصلوا بيا تانى بعدها ب5 اشهر و رحت الانتر فيو التانى و بصراحة كنت بايع القضية ... بس سبحان الله اتقبلت
ودخلوا معايا فى التفاصيل

صاحبك مقداموش غير انه يروح مش هيخسر حاجة... بس ممكن يكسب

[minicooper20]

يعنى ايه الاحتياطى يا فندم
و بعدين حطوه فى الاحتياطى يعنى قبلوه ايه لزمتو يمتحنوه تانى
و ايه هى التفاصيل بقا و هل النتيجه بتبان على طول ولا بعدو اسبوعين زى معملو معاه اول مره

[abd_el_7amid]

يعنى ايه الاحتياطى يا فندم
و بعدين حطوه فى الاحتياطى يعنى قبلوه ايه لزمتو يمتحنوه تانى
و ايه هى التفاصيل بقا و هل النتيجه بتبان على طول ولا بعدو اسبوعين زى معملو معاه اول مره

بص يا باشا بالنسبة لى انا كانت شركة خدمات بترولية "سبرى صن" و كان عندهم شغل جديد فى اليمن فكانوا محتاجين ناس... فخدوا كمية الاول .. وبعدين الشغل زاد معاهم .. فاحتاجوا ناس كمان فخدوا من اللى جم قبل كده.. وامتحنوهم تانى.. وكنت انا منهم
العجيب بقى فعلا انى كنت فى اول مرة مذاكر كويس بس مكنتش هادىء فى الانتر فيو كنت متوتر.... و متقبلتش
المرة التانية كنت سهران برة و رجعت متاخر .. وبابا قالى عندك امتحان بكرة الساعة تسعة... الشركة اتصلت بيك و انت برة
ورحت وكنت مكبر دماغى تماما .. كنت عارف انى مش هاتقبل.. ولا كنت مذاكر ولا اى حاجة... بس كنت هادىء جدا فى الانتر فيو واللى معرفوش اقول له مش عارف.. وفى اخر الانتر فيو لاقيته بيتكلم معايا فى الفلوس و الشغل والذى منه... فسبحان الله نصيب..
اللى يضحكك اكتر ان الراجل تعب وعيى فترة طويلة و فى الاخر اتصلوا بيه بعد ما كنت اشتغلت مع شركة تانية


من الاخر خلى صاحبك يروح هو مش خسران حاجة ... واللى خلاه ينجح اول مرة .. يبنجح تانى... ومفيش حد بياخد اكتر من نصيبه

[minicooper20]

بس الشركه دى فى مصر يا فندم
وفعلا خلوه عمل اتنين انتر فيو و نجح
انا قلتلو روح و لما يكلموك فى المرتب لو نجحت اطلب فى العالى