أيباد و لا جالكسى تاب ؟

[Ahmed Selim]

الفرق بين الشاشتين جامد وواضح جداً .. شوف كمان التابلت ده من أسوس .. المفروض إنه هيبقى متاح أخر الشهر ده:
Asus Transformer Pad Infinity 700 - Full phone specifications

مواصفات مرعبه .. ده الى كنت بقولك عليه

شكراً يا باشا...........
الترانسفورمر النسخة الأقدم من ده كان عاجبنى جداً برضه.......علشان حركة ال dock دى
بس لما شوفته أكتر من مرة معروض فى المحلات حسيته متبهدل و متجرح........مقارنة بالأيباد و التاب.
غير أن موضوع ال dock ده بقى متاح فى الأيباد و التاب مع كيبورد شغالة بلوتوث.

و ده غير أنى كنت لسه قارى من أسبوعين كده مقال بيتكلم عن أستعمال ال quad-core vs dual core فى التابلتس زى الأيباد و التاب و خلافه و كان بيقول فيه أن ال quad-core مش هيبقى فارق قوى عن ال dual فى التابتس دى.........بس مش فاكر الأسباب كانت أيه.

غير كده تقريباً مش فارق عن الأيباد فى حاجة تانى غير الكاميرا بدل 5 هتبقى 8 ميجا.

يمكن فيه شوية features الأيباد متفوق فيها كمان............غير أن الترانسفورمر مفيهوش أوبشن gsm خالص...........هو واى فاى و شكراً.

بحس الـiOS مصمت كدا مبعرقش استخدم حاجة iOS اكتر من 5 دقايق

كفاية في الأندرويد هدخل اعمل sync للfavourites بتاعت كروم من اللابتوب للـتاب :)) دي عندي بفلوس بصراخة
انا شفتها في التاب 7.7 بس مش متأكد موجودة في الـ10.1 ولا لأ بس انا مستقر على 10.1 برضه :)

أعتقد أن فيه فى الأي تيونز أوبشن سينك للفايفورتس على الأقل safari to safari

أنا مش متأكد لأنى مش مهتم أعمل سينك لأن عندى ال favorites بالعبيط.......ممكن يجيبو تخلف عقلى لأى جهاز من دول :)

[Evo]

احم ....هو إيه الجيلبريك ده يا رجاله؟ ........
أنا كان معايا iPad 2 و جبت iPad3 في فرق مرعب في الشاشه وال 3 كمان مكلبظ شوية عن ال 2

[Ahmed Selim]

احم ....هو إيه الجيلبريك ده يا رجاله؟ ........
أنا كان معايا iPad 2 و جبت iPad3 في فرق مرعب في الشاشه وال 3 كمان مكلبظ شوية عن ال 2

الجيلبريك أنك تفتح الأيباد أو الأيفون بحيث أنك تقدر تنزل برامج عليه من مكان تانى غير الأب ستور

سواء برامج مدفوعة أو معمول لها كراك.

نصيحتك بما أنك أستخدمت الأتنين........فيه فرق يستحق فرق الفلوس بين الأتنين ؟

و أيه هو الفرق ؟

و بالنسبة للسرعة........أنت حاسس مين أسرع ؟

أنا شوفت فيديو قبل كده مقارنة بين ال 3 أيباد بالنسبة لل booting time
و المفاجأة أن الأيباد 1 هو أسرعهم فى ال booting و ال 3 أخر واحد :)

بس فى الإستخدام بقى أنت أيه رأيك..........مين فيهم أسرع ؟

[Evo]

الفرق في الشاشة واضح جدا

الفرق في السرعة للمستخدم العادي مش هيبان

تجيب 2 ولا 3 دي ترجعلك ...ال 2 هيوفرلك فلوس أو تجيب GB أعلى
ال 3 هيديك شاشه أعلى وسرعة أعلى و من وجهة نظري يكون معاك ال latest version اللي مش هتتغير إللا خلال سنتين وساعتها هيكون ال 2 بقى obsolete!

[mohdamin18]

اظرف حاجة بعد ما قلت الكلمتين اللي فوق عمي لقيته جايب الipad 3 و مسكته و بجد دلوقتي مش عارف اشتري اية

هاهاهاها