الجواز و فكرة مجنونة

[mohdamin18]

السلام عليكم
صباخ/مساء الخير

في الفسم دا كان فيه مواضيع كتير اوي عن الجواز و الناس الزعلانة و الناس المسبوطة و كلام كتير
موضوعي عن فكرة جديدة بفكر فيها للبحث عن عروسة و هي استخدام الفيس بوك مثلاً بيكون فيه صفحات إسلامية غربية و اقول للبنت تعرف اهلها اني في حد حابب يتعرف عليها لمشروع جواز يعني .. يعني بدخل البيت من بابه اهو --- انا جربت الموضوع دا كذا مرة على فكرة و هقولكم على اللي حصل بس اعرف رأيكم الأول
اه طبعاً السبب اني فكرت في التدوير على النت اني فعلاً مش لاقي حد متوافق فكرياً معايا في مصر

[hazemhassan]

انا عن نفسى محبش اتجوز من على النت لان بصراحة بحس بعدم تواصل مع الشخص للى بكلمة غير التليفون او المقابلات الشخصية

[i_Am_Legend]

طيب قولنا ايه اللي حصل معاك

[zangry]

طيب قولنا ايه اللي حصل معاك

+111111

[WalidAdel]

متابع ... اما نشوف اخر لموضوع الارتباط ده ايه

[eemmoo]

متابع

[al_manara]

متابع ... اما نشوف اخر لموضوع الارتباط ده ايه

اخرتة معروفة .



عاوز اتجوز

[Screenplays]

و مين سمعك ؟ بس طالما جواز من النت عليك و علي الروسيات المسلمات و عيش

[mohammedabdallh]

لست احبذ هذه الفكره

[TIMODAX]

مادام عديت الجامعه و رحت اشتغلت و عشت ده كله و مالقيتش حد( عادي بتحصل :-) ) يبقا عليك و علي اخواتك البنات أو الحاجه أو عماتك أو خالاتك و مادام نيتك خير ربنا هايكرمك

[mohdamin18]

لا مش عايز حد من قرايبي يجيبلي حد

اقولكم حصل معايا اية و الموضوع كان صدف مش اكتر بدخل على صفحات اسلامية عالفيسبوك و اعمل لايك و اشترك في الصفحة في مرة لقيت كومنت عاجبني و من واجدة .. مفيش غير اني دخلت دغري رسالة عالinbox بعرفها بنفسي و بقولها اني اتعرف عليكي بهدف الجواز و كدا لكن تاخدي اذن اهلك الأول ...

دا كان السيناريو العام اللي حصل معايا كبداية في كذا في كذا مرة

ردود الأفعال بقى اختلفت و تباينت من واحدة تعملي بلوك على طول و واحدة تانية قالتي انا مليش في الحب من عالنت و فيه اللي قالتلي فكرة غريبة بس مفيهاش حاجة غلط .. و سألتني انا لية بدور على "عروسة" على الفيسبوك (اه اصل دي كانت مصرية خارج مصر ) و اديتها الأسباب زي اللي فوق دي و كلمتين عن خلفية كل واحد مننا بطريقة متحضرة لقيتها بتقولي هقول لأهلي بكرة الموضوع دا ..تاني يوم لقيتها بتقولي والدها مش راضي بالتعارف من النت و حاسه غريب و انه بيفضل حد يكون هو يعرفه و الجو دا و شكرتني على ذوقي و فكرة اني طلبت اذن اهلها و كدا

واحدة تالتة قالتلي فكرتك غريبة شوية بس اهلي مش راضيين غير بحد من حنسيتي (كانت عربية) و دعت لي بالتوفيق و شكراً و فيه بقى اللي سابت الموضوع عايم و عايزاني اقضيها شات معاها و فيه اللي طلعت مخطوبة (لول)

بس كدا
فكرة مجتونة بس مش هخسر حاجة
بس انا مش شايف آراء الناس يعني مع انه موضوع عن الجواز :)

[شريف]

ربنا يوفقك

[mohdamin18]

ربنا يوفقك

ربنا يخليك :)

[FunnyMickey]

علي فكره اعز اصحابي البنات اتعرفت عليهم من عالنت
وبصراحه انضف مليون مره من المقابلات واصحاب الجامعه

يكفيني انهم ناس محترمه فعلا وبيقدروا حاجه اسمها صداقه

واحده منهم مصريه
بس بصراحه من بين بنات كتير اوي اوي بصراحه

وانا حبيت مره من عالنت وطلعت اشتغاله عشان كده وارد لما الموضوع يطول تلاقيه اشتغاله بردو

بس زيه زي اي جوازه صالونات هنا بردو
بطيخه
ياحلوه ياقرعه
يبقي ليه مش من عالنت ؟